U kap në flagrancë duke dalë nga banesa ku kishte hyrë për të vjedhur, pasi konstatoi shërbimet e Policisë, arrestohet 40-vjeçari.

Sekuestrohet një mjet prerës (thikë), që iu gjet 40-vjeçarit, gjatë kontrollit fizik.

‘Shërbimet e Komisariatit të Policisë Kavajë, menjëherë pas njoftimit se një shtetas ishte futur për të vjedhur në një banesë në lagjen nr. 3, kanë organizuar punën dhe kanë shkuar në këtë adresë. Si rezultat i veprimeve të shpejta, shërbimet e Policisë kanë kapur në flagrancë shtetasin S. P., 40 vjeç, banues në Kavajë, i cili sapo ka konstatuar mbërritjen e shërbimeve të Policisë, ka tentuar të largohet.

Gjatë kontrollit fizik, shërbimet e Policisë i kanë gjetur 40-vjeçarit, një mjet prerës (thikë).

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Dhunimi i banesës”, “Vjedhja”, mbetur në tentativë” dhe “Prodhimi dhe mbajtja pa leje e armëve të ftohta”‘, njofton policia.

Ishte duke vjedhur një mjet, kapet nga Policia hajduti në Durrës.

Policia vendore informon se ‘si rezultat i reagimit të menjëhershëm të specialistëve për Hetimin e Krimeve të Policisë Plazh, pas njoftimit se në lagjen nr. 13, po tentohej të vidhej një automjet, është finalizuar operacioni policor i koduar “Tentativa”.

Gjatë operacionit u bë e mundur kapja në flagrancë dhe arrestimi i autorit të këtij rasti, shtetasit Hasan Zylfa, 28 vjeç, banues në fshatin Rrashbull.

Gjithashtu, në cilësinë e provës materiale u sekuestrua një çelës fiktiv, me të cilin 28-vjeçari tentonte të kryente vjedhjen.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme’.

Një 28-vjeçar ka përfunduar në prangat e policisë Gjirokastër, pasi u kap në flagrancë duke vjedhur në një lokal. Ky i fundit mësohet se është me precedent të mëparshëm kriminal për vjedhje, ku dhe nga hetimet dyshohet se po i njëjti ka vjedhur edhe një çantë me një shumë parash, në një automjet, pasi ka thyer xhamin.

Njoftimi i policisë:

Gjirokastër

U kap në flagrancë duke vjedhur në një lokal, vihet në pranga 28-vjeçari, me precedent të mëparshëm kriminal për vjedhje.

Nga veprimet hetimore dyshohet se ky shtetas ka vjedhur edhe një çantë me një shumë parash, në një automjet, pasi ka thyer xhamin.

Sekuestrohen dorashka, 1 elektrik dore, produkte ushqimore dhe një shumë parash, që dyshohet se janë vjedhur nga ky shtetas, si dhe automjeti që ai përdorte.

Specialistët për Hetimin e Krimeve të Komisariatit të Policisë Gjirokastër, në vijim të punës për goditjen e paligjshmërisë në fushën e vjedhjes së pronës dhe pasurisë, për identifikimin e autorëve të vjedhjeve dhe vënien e tyre përpara përgjegjësisë ligjore, kanë kapur dhe vënë në pranga shtetasin:

E. N., 28 vjeç, banues në Tiranë, me precedent të mëparshëm kriminal për veprën penale “Vjedhja”.

Ky shtetas është kapur në flagrancë, në vendin e quajtur “Liqeni i Viroit”, duke vjedhur në një lokal, një shumë parash dhe produkte ushqimore.

Nga veprimet hetimore dyshohet se ky shtetas, ditën e djeshme, ka thyer xhamin e një makine dhe ka vjedhur një çantë dore brenda së cilës kishte 5 000 lekë.

Në cilësinë e provës materiale u sekuestruan automjeti që ky shtetas përdorte, 1 elektrik dore, dorashka, produkte ushqimore dhe një shumë parash.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.