Policia Metropolitane ka pretenduar se ka shkatërruar një bandë kriminale përgjegjëse për 40 përqind të vjedhjeve të telefonave në Londër.

Rreth 46 të dyshuar u arrestuan në “sulmin më të madh kundër vjedhjeve dhe grabitjeve të telefonave celularë në Mbretërinë e Bashkuar”, të quajtur Operacioni Echosteep, zbuloi policia.

Pamjet e publikuara nga autoritetet britanike tregojnë shumë grabitës telefonash që u afroheshin qytetarëve dhe u rrëmbenin telefonin nga duart.

Rrjeti kriminal dyshohet se ka kontrabanduar deri në 40,000 telefona të vjedhur nga Mbretëria e Bashkuar në Kinë gjatë 12 muajve të fundit.

Më shumë se 81,000 vjedhje telefonash u raportuan në kryeqytet vitin e kaluar, duke shkaktuar paralajmërime për një “epidemi”.

Policia Metropolitane tha se grupi, i cili shënjestroi iPhone-ët për shkak të fitimprurësisë së tyre jashtë vendit, u paguante hajdutëve të rrugës deri në 300 paund për çdo telefon të vjedhur. Pajisjet më pas shiteshin për fitime të konsiderueshme në Kinë.

Shifrat nga Scotland Yard treguan një rritje prej 20% në raportet e vjedhjes së telefonave nga viti në vit.

Më shumë se 230,000 telefona janë raportuar të vjedhur në kryeqytet gjatë katër viteve të fundit.

Të dhënat nga Policia Metropolitane tregojnë se 37 personave u vidhen telefonat çdo ditë vetëm në West End.

Operacioni Echosteep filloi në dhjetor të vitit të kaluar kur një kuti që përmbante rreth 1,000 iPhone u kap në një depo pranë Aeroportit Heathrow përpara transportit të planifikuar në Hong Kong.

Pothuajse gjysma e telefonave u gjetën të vjedhur. Detektivë të specializuar ndaluan dërgesa të tjera dhe përdorën mjetet mjeko-ligjore të gjetura në pako për të identifikuar dy burra.

Një 33-vjeçar i shpallur në kërkim në kuadër të operacionit ‘Luxury cars’ është ndaluar nga policia në Portin e Durrësit.

Mësohet se ai ka bashkëpunuar me 2 shtetasit e proceduar penalisht ditën e premte, për trafikimin në Shqipëri të 2 automjeteve të vjedhura në Itali, me vlerë rreth 280 000 euro, duke iu bërë ndryshime në elementet identifikuese dhe duke i pajisur këto automjete me dokumente false, me qëllim shitjen në vendin tonë.

Njoftimi i Policisë:

I shpallur në kërkim në kuadër të operacionit policor “Luxury cars”, të zhvilluar ditën e djeshme nga Seksioni për Hetimin e Trafiqeve në DVP Vlorë kapet dhe ndalohet në Portin e Durrësit 33-vjeçari.

Në vijim të veprimeve në kuadër të operacionit policor “Luxury cars”, për identifikimin dhe kapjen e shtetasve të tjerë të përfshirë në veprimtarinë kriminale të trafikimit në Shqipëri të automjeteve të vjedhura, specialistët e Seksionit për Hetimin e Trafiqeve të Paligjshme të DVP Vlorë, në bashkëpunim me shërbimet e Policisë Kufitare në Portin e Durrësit, ndaluan shtetasin 33 vjeç, banues në Lezhë.

Ky shtetas ishte shpallur në kërkim, pasi dyshohet se ka bashkëpunuar me 2 shtetasit e proceduar penalisht ditën e djeshme, në kuadër të operacionit “Luxury cars”, për trafikimin në Shqipëri të 2 automjeteve të vjedhura në Itali, me vlerë rreth 280 000 euro, duke iu bërë ndryshime në elementet identifikuese dhe duke i pajisur këto automjete me dokumente false, me qëllim shitjen në vendin tonë.

Materialet procedurale i kaluan Prokurorisë, për veprime të mëtejshme