Presidentja e Kosovës Vjosa Osmani, gjatë pjesëmarrjes në ceremoninë e rihapjes së katedrales Notre Dame në Paris, ka zhvilluar disa takime të rëndësishme me figura të njohura në skenën botërore.

Osmani ndër të tjera ka takuar edhe ekspertin e teknologjisë dhe miliarderin Elon Musk. “Me Elon Musk në Paris. Një bisedë e madhe për efikasitetin dhe efektivitetin e qeverisë, përpjekjet për të luftuar dezinformimin, si dhe rëndësinë e respektimit gjithmonë të vullnetit të popullit”, shkroi Osmani në një postim në rrjetin social “X”.

Përveç Musk, Osmani ka takuar edhe presidentin e zgjedhur të SHBA-ve Donald Trump, si dhe personalitete të tjera globale, që morën pjesë në event. Rihapja e Notre Dame në Paris që është simbol i trashëgimisë botërore, shënoi një moment të rëndësishëm, pasi ndërtesa u restaurua, pas zjarrit në vitin 2019.

Presidentja e Republikës së Kosovës, Vjosa Osmani, ka pritur në takim gjeneralin Wesley K. Clark, ish-komandant suprem i NATO-s për Europë, i cili udhëhoqi ndërhyrjen e NATO-s në vitin 1999.
“Vendosmëria dhe lidershipi juaj i kontribuuan lirisë së Kosovës, duke siguruar një të ardhme ku dinjiteti mbizotëron mbi frikën dhe shtypjen”, ka thënë Osmani, siç njofton Presidenca.

Në takim me Clark, Osmani theksoi progresin e Kosovës ndër vite, duke vënë në dukje “punën e vazhdueshme për ta forcuar pozitën e Kosovës në skenën ndërkombëtare, sikurse edhe anëtarësimin në organizata ndërkombëtare”.
“Sipas Presidentes Osmani e ardhmja e Kosovës është e qartë në synimin për integrimin euroatlantik dhe partneritet të qëndrueshëm me Shtetet e Bashkuara”, thuhet në njoftim./Express

Presidentja e Kosovës, Vjosa Osmani është takuar me kryeministrin e Islandës, Bjarni Benediktsson. Osmani njoftoi se në këtë takim diskutuan për rëndësinë strategjike të finalizimit të suksesshëm të këtij rrugëtimi, duke theksuar se me anëtarësimin e Kosovës në KE. Ajo shtoi se gjatë samitit të EPC-së ka falenderuar Benediktsson për mbështetjen e vazhdueshme dhe konfirmuam gatishmërinë për intensifikim të bashkëpunimit në dobi të qytetarëve të Kosovës.
“Islanda ishte vendi që i dha hov rrugëtimit dhe përpjekjeve tona për anëtarësimin në Këshillin e Evropës.

Në takimin me Kryeministrin e Islandës, Bjarni Benediktsson, diskutuam rëndësinë strategjike të finalizimit të suksesshëm të këtij rrugëtimi, duke theksuar se me anëtarësimin e Kosovës në KE, triumfon angazhimi ynë për avancim të vazhdueshëm të të drejtave të njeriut.
Gjatë Samitit të EPC-së, e falënderova Kryeministrin Benediktsson për mbështetjen e vazhdueshme dhe konfirmuam gatishmërinë për intensifikim të bashkëpunimit në dobi të qytetarëve tanë”, thuhet në njoftimin e Osmanit.

Presidentja e Kosovës, Vjosa Osmani është takuar me ministren e Turizmit dhe Mjedisit, Mirela Kumbaro. Teksa ka ndarë disa foto nga takimi, ajo ka bërë të ditur edhe dhuratat që kanë shkëmbyer, një gur nga lumi Vjosa të punuar nga gratë e Gjirokastrës dhe një brosh të punuar nga gratë e Drenicës.

“Një gur nga lumi Vjosa me punim nga duart e arta të grave të Gjirokastrës dhe një brosh me ngjyrat kuq e zi i punuar nga duart e arta të grave të Drenicës, le të jenë simbole shtesë të lidhjes sonë të pathyeshme dhe inkurajim për projektet që i kemi përpara për promovimin e bukurive të jashtëzakonshme të shteteve tona. Faleminderit Mirela për përkrahjen e vazhdueshme. “, ka shkruar Vjosa krahas postimit.

Policia e Elbasanit mëngjesin e kësaj të enjte ka vënë në pranga shtetasin Elton Muça, 38 vjeç, banues në fshatin Bathës, në zbatim të urdhrit të ndalimit nga Prokurori, për veprën penale “Vjedhja”.

Gjithashtu, u referuan materialet në Prokurori ku nisi procedimi në gjendje të lirë për shtetasen K. M., 37 vjeçe (bashkëshortja e shtetasit E. M.).

Nga veprimet hetimore dyshohet se këta dy shtetas, më 23.04.2023, kanë vjedhur 17 000 euro në banesën e shtetasit M. M., në fshatin Bathës.

Në cilësinë e provës materiale u sekuestrua automjeti i shtetasit E. M., të cilin ky shtetas dyshohet se e ka blerë me paratë e vjedhura.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.