Një ditë tragjike është shënuar në Gaza, ku sulmet izraelite kanë shkaktuar të paktën 71 viktima brenda 24 orëve të fundit. Katër fëmijë humbën jetën dhe disa të tjerë u plagosën gjatë një sulmi ajror në jug të Khan Younis, ndërsa strehoheshin në tendat e refugjatëve palestinezë.

Burime mjekësore nga spitali i Kuvajtit në Gaza për Al Jazeera raportuan se fëmijët vdiqën nga të shtënat izraelite ndërsa ishin të mbrojtur në tendat e improvizuara. Ministria e Shëndetësisë e Gazës konfirmoi gjithashtu se numri i përgjithshëm i të vrarëve në 24 orët e fundit ka arritur në 71 persona.

Një ditë më parë, OKB shpalli gjendjen e urisë në Gaza, duke raportuar se rreth 500 mijë njerëz ndodhen në situatë katastrofrike dhe 150 mijë fëmijë janë në rrezik. Organizata fajësoi Izraelin për pengimin e ndihmave humanitare. Autoritetet izraelite mohuan raportin, duke e quajtur të rremë dhe të bazuar në të dhëna të Hamasit.

Greqi- 41-vjeçari shqiptar Altin Arapaj është ekzekutuar sot në zonën bregdetare të Rafinës në Athinë. Sipas mediave greke, ai është ekzekutuar është qëlluar me armë zjarri brenda një vreshti, ku plumbi e ka goditur në faqe.

Sipas raportimeve, pasi është qëlluar, viktima ka arritur të telefonojë gruan e tij dhe i ka thënë emrin e autorit, teksa mediat greke citojnë se i ka thënë “më ka qëlluar një mik”. Arapaj rezulton person me precedentë penalë në Greqi, për vepra të ndryshme penale.

Sipas policisë ai rezulton i përfshirë edhe në trafik droge. Ndërkohë, Policia ka rrethuar zonën dhe ka nisur hetimet për zbardhjen dhe dokumentimin e plotë të ngjarjes.

Gjendet i vrarë në banesë një burrë në Vlorë Bashkim Durmishi 68 vjeë u gjet i dhunuar, i zhveshur dhe i vrarë.

Ai kishte marrë një goditje të fortë në pjesën e nofullës.

Paraprakisht dyshohet se ai është grabitur e më pas është vrarë.

Policia dhe grupi hetimor po punon për zbardhjen e rrethanave të ngjarjes. Noa.al

Një sulm rus me bomba me drejtim në qytetit Kharkiv, në pjesën verilindore të Ukrainës, goditi një ndërtesë banimi dhe një park fëmijësh, duke vrarë 5 persona dhe plagosur 47 të tjerë, sipas zyrtarëve.

Kryebashkiaku Ihor Terekhov njoftoi në platformën Telegram se një fëmijë ishte vrarë në park. Tre persona u vranë në ndërtesën 12 katësh banimi, që u përfshi nga zjarri si rezultat i sulmit, tha ai.

Rreth 20 persona janë në gjendje të rëndë, sipas guvernatorit rajonal Oleh Syniehubov. Një pjesë e ndërtesës banesore ishte djegur, ndërkohë që katet e larta të ndërtesës ende po digjeshin. Disa vetura të parkuara para ndërtesës po ashtu ishin djegur.

Shërbimet e emergjencave dhe ekipet e shpëtimit nxituan në vendin e ngjarjes për t’u ofruar ndihmë të mbijetuarve. Trupi i një viktime, i mbuluar me një qilim, qëndronte në tokë para ndërtesës, i rrethuar nga forcat policore.

Banorë të të gjitha moshave, disa të përgjakur dhe të hutuar, ishin ulur në stolat e parkut apo po qëndronin aty pranë ndërsa punonjësit e ndihmës së parë po trajtonin plagët e tyre.

Autoritetet nuk dhanë detaje se si vdiq viktima e pestë pasojë e sulmeve, që goditën katër lagje të qytetit.

Kharkivi ka qenë në shënjestër të bombardimeve të ashpra ruse që nga fillimi i luftës, ndonëse në javët e fundit intensiteti i sulmeve është ulur, ndoshta për shkak të sulmit të befasishëm të forcave ukrainase në rajonin e Kurskut, në brendësi të Rusisë./ VOA

Dhjetra persona humbën jetën nga një sulm izraelit në një shkollë në qytetin e Gazës sipas autoriteteve palestineze të cilët deklarojnë se ndërtesa përdorej si strehë për civilët.

Nga ana e saj ushtria izraelite konfirmoi sulmin por specifikoi megjithatë se kishte goditur një strukturë të përdorur si strehë terroriste.

Zëdhënësi i agjencisë së Mbrojtjes Civile të Gazas, Mahmoud Bassal tha se janë 90 – 100 vetë të vrarë dhe dhjetra të plagosur dhe e përshkroi sulmin si “masakër mizore”, duke thënë se mes viktimave ka dhe trupa të djegur. Sipas këtij burimi, shkolla ishte shënjestruar 3 herë dhe ishte shtëpia e “palestinezëve të zhvendosur”.

Por një shënim të postuar në Telegram, ushtria izraelite shkruan se forcat ajrore “goditën me saktësi terroristët e Hamasit që po vepronin brenda një qendre kontrolli dhe komandimi në shkollën Al-Tabai’een dhe që ndodhej pranë xhamisë në Daraj Tuffah, e cila përdoret si strehë nga banorët e qytetit të Gazës”.

“Qendra- thekson IDF – përdorej si një strehë për terroristët dhe komandantët e Hamasit. Nga atje ishin planifikuar sulme të shumta kundër ushtrisë izraelite dhe shtetit të Izraelit”.

Sulmi vjen në kulmin e negociatave indirekte për t’i dhënë fund luftës shkatërruese në Gaza. Izraeli iu përgjigj ofertës së Shteteve të Bashkuara dhe njoftoi se në datën 15 gusht do të dërgojë ndërmjetës në Kajro për të rënë dakord mbi detajet e kornizës së armëpushimit në Gaza.

Për qeverinë izraelite është “e rëndësishme të arrihet shpejt” një marrëveshje për lirimin e pengjeve por kanë më pak shpresa për arritjen e një marrëveshjeje armëpushimi në Rripin Gazës, pas emërimit të Yahya Sinëar-it si udhëheqës i grupit militant Hamas.

Izraeli nisi operacionin për vrasjen e të gjithë udhëheqësve të grupit militant të Hamasit pas sulmit kundër civilëve izraelitë më 7 tetor 2023.

Në Lindjen e Mesme janë rritur shqetësimet për një shpërthim të mundshëm të dhunës pasi autoritetet izraelite thanë se një raketë nga Libani goditi një fushë futbolli në Lartësitë e Golanit, të kontrolluara nga Izraeli. Sulmi vrau 12 fëmijë dhe adoleshentë në atë që ushtria izraelite tha se ishte sulmi më vdekjeprurës ndaj civilëve që nga 7 tetori. Grupi militant libanez, Hezbollah që ka mbështetjen e Iranit e ka mohuar përgjegjësinë për sulmin. Sulmi i së shtunës vjen në një kohë të ndjeshme, pasi Izraeli dhe Hamasi po negociojnë një propozim armëpushimi për t’i dhënë fund luftës gati 10-mujore në Gazë dhe për të liruar afërsisht 110 persona që ende po mbahen peng atje.

Mijëra njerëz morën pjesë në ceremonitë mortore të dielën për 12 fëmijët dhe adoleshentët e vrarë nga një sulm me raketë në Lartësitë e Golanit, të kontrolluar nga Izraeli.

Grupi militant libanez Hezbollah mohoi përgjegjësinë për sulmin në fshatin Majdal Shams. Izraeli e vlerësoi sulmin si më vdekjeprurësin që nga sulmi i Hamasit më 7 tetor që nxiti luftën në Gazë.

“Ajo që duhet të bëjmë është të përgjigjemi me forcë të plotë, të lirojmë pengjet dhe të ndalojmë këtë luftë. Mjaft më me sakrifikimin e gjakut të fëmijëve tanë”, tha Hithami, banor i fshatit ku u krye sulmi i së shtunës.

Sot ushtria izraelit njoftoi se gjatë natës kreu sulme ajrore kundër Hezbollahut në Liban.

Të paktën 30 raketa u hodhën më pas nga Libani përtej kufirit, tha ushtria izraelite.

Autoritetet izraelite janë zotuar se grupi militant libanez, që ka mbështetjen e Iranit, do të paguajë çmim të rëndë pas sulmit të së shtunës në Lartësitë e Golanit. Viktimat e sulmit ishin pjesë e komunitetit Druzë, një sekt fetar që filloi si degë e Islamit Shiit, por që janë besnik ndaj shtetit izraelit.

Izraeli pushtoi Lartësitë e Golanit nga Siria në luftën e Lindjes së Mesme të vitit 1967 dhe e aneksoi atë në vitin 1981.

Të gjithë viktimat e sulmit të së shtunës ishin të rinj të moshës 10 deri në 20 vjeç. 20 të tjerë u plagosën, sipas ushtrisë izraelite.

Sekretari amerikan i Shtetit Antony Blinken tha të dielën se ai ishte i pikëlluar nga humbja e jetëve dhe tha se arritja e një marrëveshjeje armëpushimi për luftën në Gazë mund të ndihmojë për të qetësuar situatën në kufirin e Izraelit me Libanin.

“Ne po zhvillojmë bisedime me qeverinë e Izraelit dhe dua të theksoj të drejtën për të mbrojtur qytetarët e tij dhe vendosmërinë tonë për t’u siguruar që ata janë në gjendje ta bëjnë këtë. Por, ne, gjithashtu nuk duam të shohim përshkallëzimin e konfliktit. Ky ka qenë një nga synimet tona që nga dita e parë, nga 7 tetori e në vazhdim”, tha Sekretari Blinken.

Megjithatë, një përgjigje më e fortë izraelite pritet pas kthimit të kryeministrit Benjamin Netanyahu nga vizita e tij në Shtetet e Bashkuara dhe një takimi i kabinetit të sigurisë që pritet të mbahet në orët e mbrëmjes.

Një përgjigje më të fortë se ajo gjatë natës u paralajmërua të dielën edhe nga ministri izraelit i mbrojtjes.

“Kjo është një tragjedi e tmerrshme, u vranë djem dhe vajza të pafajshme. Hezbollahu është përgjegjës dhe do të paguajë një çmim”, tha ministri Gallant.

Qeveria libaneze i ka kërkuar Shteteve të Bashkuara të bëjnë thirrje për përmbajtje nga Izraeli, njofton agjencia e lajmeve Reuters duke cituar ministrn e Jashtëm të Libanit, Abdallah Bou Habib.

Ai gjithashtu njoftoi se Uashingtoni i kishte kërkuar qeverisë së Libanit që t’i përcjellë një mesazh Hezbollahut për të treguar gjithashtu përmbajtje.

Irani paralajmëroi Izraelin të dielën kundër asaj që e quajti një aventure të re në Liban, në një deklaratë të lëshuar nga zëdhënësi i ministrisë së jashtme Nasser Kanaani.

Gjatë një ceremonie në përkrahje të Presidentit të zgjedhur iranian, Masoud Pezeshkian, udhëheqësi suprem i Iranit, Ajatollah Ali Khamenei përsëriti qëndrimin e republikës islamike ndaj Izraelit.

“Regjimi i Izraelit nuk është një shtet, është një bandë kriminale, është një bandë vrasësish dhe terroristësh”, tha zoti Khamenei.

Hezbollahu është grupi më i fuqishëm nga një rrjet grupesh të mbështetura nga Irani në të gjithë Lindjen e Mesme. Grupi libanez filloi hapjen e një fronti të dytë kundër Izraelit menjëherë pas sulmit terrorist të Hamasit, më 7 tetor.

Grupet e tjera që e kanë mbështetjen e Iranit gjenden në Irak dhe Houthit në Jemen. Të gjithë kanë kryer sulme ndaj Izraelit. /voa

Dalin detaje të reja për atentatin me 3 të vrarë në qendër të qytetit Memaliaj ku u plagos dhe një person i katërt.

Hetimet e kryera gjatë të dielës nxjerrin se shënjestër i atentatit dyshohet të ketë qenë Shyqyri Kalemi, babai i Andrea Kalemit. Ai mbeti i vrarë nga sulmi me kallashnikov.

I ndjeri ishte ulur në tavolinë me vëllain, por plumbat kapën edhe kamerierin dhe një klient.

Në foto shikoni viktimat Shyqyri Kalemi, kamarierin Gledio Muka, 36 vjeç, dhe klientin Marsel Çela, 37 vjeç.

Nga të dhënat hetimore mësohet se kamerieri ndodhej afër tavolinës së Shyqyriut kur plasi breshëria e plumbave, ndërsa klienti Marsel Çela gjendej rastësisht në lokal, por është kapur edhe ai nga plumbat.

Hetimi sugjeron se krimi masakër erdhi si një hakmarrje, pasi Andrea Kalemi është i dyshuar si i përfshirë në vrasjen e biznesmenit Edmond Papa.

I plagosur ka mbetur 57 vjeçari Artur Kalemi, xhaxhai i Andrea Kalemit. Ai ka qenë i ulur në tavolinë bashkë me të vëllanë Shyqyri (Shyqo) Kalemi, kur ndaj tyre është qëlluar me breshëri kallashnikovi.

Artur Kalemi i është nënshtruar një operacioni dhe i janë hequr të tre plumbat. Raportohet se ai është në gjëndje të qëndrueshme në spitalin rajonal të Gjirokastrës Omer Nishani.

Në të dhënat hetimore sugjerohet se intesiteti i të shtënave dhe inspektimit të vendgjarjes të çojnë në dyshimi se kanë qenë të paktën 3 persona që kanë marrë pjesë në atentat duke qëlluar me më shumë se një armë zjarri.

Dëshmitarët thanë se autorët kishin shkuar pranë lokalit me një makinë të zezë, nga qyteti i Memaliajt në drejtim të lokalit.

Një nga personat në makinë ka dalë jashtë saj dhe ka hapur zjarr me breshëri kallashnikovi në drejtim të 74-vjeçarit Shyqri Kalemi, i cili ishte ulur në një tavolinë jashtë lokalit.

Plumbat kapën dhe vëllanë e tij, si edhe kamarierin që ishte pranë tavolinës. Ndërkohë, klienti që mbeti vdekur ndodhej brenda në lokal.

Masakra u mbyll me djegien e makinës në fshatin Bejaj pasi autorët u larguan në drejtim të Mallakastrës, duke iu zhdukur ndjekjes policore.

Policia tha se autorët u larguan me automjetin tip BMW, që u gjet i djegur pak orë më pas në fshatin Bejaj të Mallakastrës dhe se brenda mjetit u gjendën edhe 3 armë me silenciator.

5 persona janë vënë në pranga pasi përkrahën autorin e vrasjes me mjete prerëse të një shtetasi dhe të plagosjes së dy të tjerëve, për motive të dobëta, në një lokal në fshatin Breg-Lumë në Tropojë.

Ngjarja ndodhi pasditen e djeshme dje (11 korrik), ndërsa policia vijon kërkimet për të kapur autorin.

Njoftmi i policisë:

Përkrahën autorin e vrasjes me mjete prerëse të një shtetasi dhe të plagosjes së dy të tjerëve, kryer pasditen e djeshme, për motive të dobëta, në një lokal në fshatin Breg-Lumë, identifikohen dhe vihen në pranga 5 shtetas.

Ndërkaq, Policia vijon intensivisht kërkimet për lokalizimin dhe kapjen e autorit.

Si rezultat i veprimeve të thelluara hetimore dhe policore të kryera menjëherë pas rastit të ndodhur më datë 11.07.2024, rreth orës 17:00, në një lokal në fshatin Breg-Lumë, ku për motive të dobëta, shtetasi S. S., 40 vjeç, plagosi me mjete prerëse, shtetasit V. P., 32 vjeç, Sh. K., 45 vjeç, si dhe vëllanë e shtetasit V. P., shtetasin A. P., 24 vjeç, i cili si pasojë e plagëve, humbi jetën në spital, u arrestuan shtetasit:

-A. Q., 39 vjeç, për veprat penale “Përkrahja e autorit të krimit” dhe “Moskallëzimi i krimit”;

-Xh. M., 31 vjeç, për veprat penale “Veprime që pengojnë zbulimin e së vërtetës” dhe “Moskallëzimi i krimit”;

-A. Sh., 34 vjeç, për veprën penale “Moskallëzimi i krimit”;

-A. B., 29 vjeç, për veprën penale “Moskallëzimi i krimit”;

-J. K., 34 vjeç, për veprën penale “Moskallëzimi i krimit”.

Në drejtimin e Prokurorisë së Kukësit, vijojnë hetimet për të dokumentuar me prova ligjore përgjëgjësinë penale të secilit prej këtyre shtetasve.

2 të dëmtuarit vijojnë të jenë në kujdesin e mjekëve.

Gjithashtu, vijojnë kërkimet intensive për kapjen e shtetasit S. S..

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.

FIER- Një ngjarje e rëndë është regjistruar ditën e sotme në fshatin Baltëz të Fierit ku raportohet se pas të shtënave me armë zjarri ka humbur jetën një efektiv i Forcave “Shqiponja”, Novruz Cenaliaj, 28-vjeç, personi që shihet në foto. Sipas informacioneve paraprake, viktima nuk ka qenë në shërbim në momentin që është ekzekutuar.

Më tej bëhet me dije se autori i dyshuar, Asllan Mernica, ka vrarë efektivin i cili po shkonte të merrte shërbimin.

Mësohet se menjëherë në vendngjarje kanë shkruar shërbimet e Policisë, Forca Kombëtare e Sigurisë, Reparti Special “RENEA”, të cilat kanë rrethuar zonën dhe vijojnë punën për kapjen e autorit. Paraprakisht dyshohet se ngjarja ka ndodhur për motive hakmarrje.

Burime paraprake bëjnë me dije se viktima dhe autori janë me të njëjtën origjinë dhe se 9 vite më parë babai i viktimës është përfshirë në një ngjarje të rëndë që dyshohet se ka lidhje me autorin e ngjarjes së sotme. Dyshohet se autori pasi ka kryer krimin është larguar me një makinë ngjyrë blu, në drejtim ende te paditur.

Një ngjarje e rëndë ka ndodhur në Tiranë, ku një 18-vjeçar ka mbetur i vdekur nga një goditje me thikë pasi një konflikt të nisur mes të rinjve në zonën e Shkozës.

Sipas burimeve, viktima është Aurelio Dervishi, 18 vjeç, i cili është goditur për vdekje me thikë pas një konflikti të çastit mes disa shtetasve që lëviznin me dy automjete, (të cilët më pas janë konfliktuar fizikisht me mjete prerëse).
Viktima ka mbetur fillimisht i plagosur, por për shkak të plagëve të rënda ka ndërruar jetë rrugës për në spital.

Më datë 31.03.2024, rreth orës 21:50, tek rrethi i Shkozës, si pasojë e një konflikti të çastit mes disa shtetasve që lëviznin me dy automjete, (të cilët më pas janë konfliktuar fizikisht me mjete prerëse), është goditur me mjet prerës shtetasi A. D., 18 vjeç.

Si pasojë e dëmtimeve të marra ky shtetas ka ndërruar jetë rrugës për në spital. 
Grupi hetimor po punon për kapjen e autorëve të dyshuar dhe sqarimin e rrethanave të ngjarjes.