Fier – Zbulohet një bazë kriminale në lagjen “Kastriot”, ku mbahej arsenal armësh, pjesë armësh dhe municioni, me qëllim shitjen te kontigjenti kriminal për kryerjen e krimeve kundër personit.

Sekuestrohen 13 armë zjarri (3 prej tyre të modifikuara për shënjestër optike dhe për silenciator), 2 silenciatorë, dhjetëra karikatorë dhe sasi e konsiderueshme municioni luftarak.

Shërbimet e Komisariatit të Policisë Fier janë informuar nga gazetarë të emisionit investigativ “Piranjat”, se 1 shtetas me të cilin ata kishin komunikuar në kuadër të punës së tyre, posedonte pa leje, 1 armë zjarri.

Pas informacionit, strukturat hetimore dhe operacionale të Policisë së Fierit kanë organizuar punën për të zbardhur autorësinë dhe rrethanat e rastit.

Si rezultat i kësaj pune, u lokalizua shtetasi i dyshuar, konkretisht Milasin Ramaj, 38 vjeç, banues në Fier, i cili u ndalua teksa lëvizte me automjet, në lagjen “Kastriot”.

Nga kontrolli në automjet, iu gjet dhe iu sekuestrua 1 armë zjarri pistoletë që posedohej pa leje dhe një shumë parash rreth 3 mijë e 500 euro.

Në vijim, shërbimet e Policisë kanë kryer hetime të thelluara mbi veprimtarinë kriminale të 38-vjeçarit, dhe si rezultat kanë mundësuar zbulimin e një banese (aktualisht të pabanuar), në lagjen “Kastriot”, të cilën ky shtetas e përdorte si bazë armësh, pjesësh armësh dhe municioni, dyshohet për t’ua shitur grupeve kriminale.

Nga kontrolli në këtë ambient, janë gjetur dhe sekuestruar: –

10 armë zjarri automatikë, 3 nga të cilët, të modifikuar me shënjestër optike dhe me vend filetimi për silenciator;

-1 armë zjarri pistoletë;

-1 armë zjarri pistoletë automatike;

-2 silenciatorë;

-9 karikatorë automatiku;

-3 karikatorë pushke;

-2 krehra pistolete;

-sasi fishekësh të kalibrave të ndryshëm.

Në përfundim të veprimeve të para procedurale, specialistët për Hetimin e Krimeve të Komisariatit të Policisë Fier arrestuan në flagrancë shtetasin M. R., dhe ndërkohë vijojnë të kryejnë hetime, në koordinim me Prokurorinë e Fierit, për të identifikuar dhe nxjerrë përpara drejtësisë, shtetas të tjerë që mund të jenë implikuar në këtë veprimtari kriminale.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme. /noa.al

Shkodër, 28 gusht 2025 – Rreth orës 20:00, në fshatin Abat, Shalë, shtetasi N. M. dyshohet se ka vrarë me armë zjarri shtetasin Piro Prroni, 61 vjeç, në rrethana ende të paqarta.

Shërbimet e Policisë janë nisur menjëherë drejt vendngjarjes për të bërë të mundur kapjen e autorit.

Është ngritur një grup i posaçëm hetimor, i cili po punon për sqarimin e plotë të rrethanave dhe dokumentimin ligjor të ngjarjes.

Shkodër / Informacion paraprak

Rreth orës 20:00, në fshatin Abat, Shalë, shtetasi N. M., në rrethana ende të paqarta, dyshohet se ka vrarë me armë zjarri shtetasin P. P., 61 vjeç.

Shërbimet e Policisë janë nisur menjëherë për në fshatin Abat, për të bërë të mundur kapjen e autorit.

Ndërkohë, është ngritur një grup i posaçëm hetimor, për sqarimin e rrethanave dhe dokumentimin ligjor të ngjarjes.

Vau i Dejës- Një ngjarje e rëndë është regjistruar mbrëmjen e sotme, rreth orës 21:00, në fshatin Paçram të njësisë administrative Vau i Dejës.

Shtetasi Frrok Lleshaj, 65 vjeç, është gjetur pa shenja jete në rrugë nga kalimtarë të rastësishëm. Dyshohet se ai është vrarë me armë zjarri ndërsa po lëvizte si këmbësor.

Burime nga grupi hetimor bëjnë me dije se viktima ka qenë i dënuar më herët për vrasje, çka ka ngritur dyshime të forta se mund të kemi të bëjmë me një rast hakmarrjeje.

Në vendngjarje ndodhen shërbimet e Policisë dhe është ngritur një grup i posaçëm hetimor, i cili, nën drejtimin e Prokurorisë, po punon për zbardhjen e plotë të rrethanave, identifikimin dhe kapjen e autorit ose autorëve të dyshuar.

Hetimet janë në vijim.

Autoritetet vendase kanë vënë në pranga 45-vjeçarin Renald Gjini, i shpallur në kërkim ndërkombëtar nga shteti italian për kryerjen e veprave të rënda penale.

Konkretisht Renald Gjini u arrestua në lagjen “Rilindja” të Vlorës, teksa ishte shpallur në kërkim ndërkombëtar nga Gjykata e Apelit Bolonja, i akuzuar për veprat penale “Vrasje” dhe “Mbajtja pa leje e armëve”, vepra për të cilat është dënuar me 12 vite e 10 muaj burgim. 

Sakaq, autoritetet vendase në bashkëpunim me homologët italianë po vijojnë procedurat për ekstradimin e shqiptarit drejt Italisë.

“DVP Vlorë/Finalizohet operacioni policor i koduar “Il Obiettivo”, për kapjen e një shtetasi të shpallur në kërkim ndërkombëtar, për llogari të Italisë.

I dënuar nga autoritetet italiane me 12 vjet e 10 muaj burgim, për veprat penale “Vrasje” dhe “Mbajtja pa leje e armëve”, lokalizohet dhe vihet ne pranga 45-vjeçari, i shpallur në kërkim ndërkombëtar, me qëllim ekstradimi drejt Italisë.

Strukturat e Sektorit për Hetimin e Krimeve të Rënda, në bashkëpunim me Seksionin Operacional në DVP Vlorë, në vijim të punës për lokalizimin dhe kapjen e shtetasve të shpallur në kërkim ndërkombëtar, bazuar në informacionet e siguruara si dhe në bashkëpunim me zyrat homologe të Interpolit, organizuan dhe finalizuan operacionin policor të koduar “Il Obiettivo”.

Si rezultat, ditën e djeshme, në lagjen “Rilindja”, u bë kapja dhe arrestimi provizor, me qëllim ekstradimi drejt Italisë, i shtetasit:

Renald Gjini, 45 vjeç, banues në Vlorë.

Tragjedia ka goditur industrinë e muzikës në Shtetet e Bashkuara. ‘Marca‘ raporton se artisti i njohur G$ Lil Ronnie ka ndërruar jetë në moshën 30 vjeçare në Forest Hill, Teksas, viktimë e të shtënave me armë zjarri në të cilën vdiq edhe vajza e tij pesëvjeçare.

Ngjarja e rëndë mësohet se ka ndodhur në një lavazh në qytet. Një automjet i bardhë thuhet se iu afrua reperit G$ Lil Ronnie dhe dy burra hapën zjarr ndaj reperit. Plumbat qëlluan për vdekje edhe vajzën e reperit.

Autorët u larguan me shpejtësi nga vendi i ngjarjes dhe, kur shërbimet e urgjencës mbërritën, i gjetën dy viktimat pa jetë. G$ Lil Ronnie dhe vajza e tij u shpallën të vdekur në vendngjarje dhe asgjë nuk mund të bëhej për të shpëtuar jetën e tyre.

Sipas disa dëshmitarëve, mediat lokale raportuan se deri në 30 të shtëna janë dëgjuar në lavazhin e Forest Hill. Hetuesit tashmë kanë identitetin e njërit prej dy të dyshuarve dhe ka një urdhër arresti për të.

Tezja e G$ Lil Ronnie i tha CBS: “Ai ishte një reper. Ai nuk shqetësonte askënd. Ai nuk sulmoi askënd. Ai ishte një njeri i familjes. Ai po pastronte makinën dhe dikush hyri duke qëlluar atë dhe foshnjën. Një foshnjë. Foshnja e tij.”

Një 33-vjeçar është arrestuar nga Policia në Durrës pasi lëvizte me armë zjarri.

Bëhet fjalë për Andrea Bregasi, i cili ishte shpallur në kërkim nga Policia e Tiranës për vrasje me dashje, të mbetur në tentativë.

Gjatë kontrolleve, Policia vendosi të sekuestrojë armën e zjarrit pistoletë dhe 9 fishekë.

Në 15 dhjetor 2023, Bregasi qëlloi me armë zjarri në “Don Bosko” mbi automjetin që drejtonte Rudolf Zefi, teksa pasagjerë ishin dy vëllezërit e tij.

Njoftimi i Policisë:

Durrës/Kontrolle dhe inteligjencë policore, me qëllim konstatimin dhe goditjen e rasteve të armëmbajtjes pa leje.

Lëvizte i armatosur me pistoletë, ndërhyrja e menjëhershme e Policisë mundëson kapjen dhe vënien në pranga të 33-vjeçarit.

I arrestuari, në kërkim nga Policia e Tiranës, për vrasje me dashje, të mbetur në tentativë.

Sekuestrohet arma e zjarrit me krehrin dhe 9 fishekë.

Si rezultat i administrimit të menjëhershëm të informacioneve të siguruara nga inteligjenca policore, për një shtetas që lëvizte i armatosur në qytetin e Durrësit, Komisariati i Policisë Durrës, në bashkëpunim me Forcën e Posaçme “Shqiponja” të Drejtorisë Vendore të Policisë Durrës, finalizoi operacionin policor të koduar “Precedenti”.

Gjatë këtij operacioni, në hyrje të një pallati në lagjen nr. 11, u arrestua në flagrancë shtetasi A. B., 33 vjeç, banues në Tiranë.

Nga kontrolli në çantën e 33-vjeçarit, shërbimet e Policisë gjetën 1 armë zjarri pistoletë me municion luftarak, që posedohej pa leje.

Në vijim, pas verifikimeve rezultoi se shtetasi A. B. ishte në kërkim nga Drejtoria Vendore e Policisë Tiranë, për veprën penale “Vrasja me dashje”, mbetur në tentativë.

57-vjeçari Agim Zela i dënuar nga Gjykata e Apelit Tiranë me 6 vjet dhe 8 muaj burgim për tentativë vrasjeje është arrestuar. Zela, banues në Mamurras, mësohet se i kishte mbetur për të vuajtur nga dënimi edhe 3.4 vite burg.

“Shërbimet e Komisariatit të Policisë Kurbin kapën dhe ndaluan shtetasin Agim Zela, 57 vjeç, banues në Mamurras. Ky shtetas është dënuar nga Gjykata e Apelit Tiranë, me 6 vjet dhe 8 muaj burgim, për veprën penale “Vrasja”, mbetur në tentativë. Nga ky dënim, këtij shtetasi i kanë mbetur për të vuajtur 3 vjet e 4 muaj”, thuhet në njoftim.

Ishte në kërkim për veprat penale “Vrasja me dashje”, mbetur në tentativë dhe “Armbajtja pa leje”, ndalohet nga Policia 30-vjeçari.

‘Specialistët për Hetimin e Krimeve të Rënda të DVP Dibër, bënë ekzekutimin e vendimit penal të Gjykatës së Shkallës së Parë Dibër, për ndalimin e shtetasit A.A (B), 30 vjeç, banues në Peshkopi, e cila kishte vendosur masën e sigurisë “Arrest me burg”, për kryerjen e veprave penale “Vrasja me dashje”, mbetur në tentativë dhe “Armbajtja pa leje”.

Ky shtetas, në qershor të vitit 2023, pas një konflikti për motive të dobëta, ka tentuar të vrasë me armë zjarri pistoletë shtetasin S.A.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme’, njofton policia.