Një operacion i madh policor është duke u zhvilluar në Gjermani të dielën për të gjetur një ose më shumë sulmues, që vranë dy burra një ditë më parë në qendër të vendit, tha policia.

Trupat e dy viktimave, të dyja me plagë me armë zjarri, u gjetën para një adrese banimi në Bad Nauheim, një qytet në veri të Frankfurtit, të shtunën pasdite, tha policia e qytetit Giessen.

“Një dislokim i madh i policisë të mbështetur nga një helikopter, për të gjetur autorin ose autorët”, shtoi zëdhënësi.

Nuk ka ende të dhëna për “rrethanat, apo motivin e autorëve”, thanë ata. Policia dhe prokuroria kanë hapur një hetim.

Bad Nauheim është 25 kilometra në veri të Frankfurtit dhe ka një popullsi prej rreth 33,000. Ishte i famshëm për faktin se ishte vendi ku Elvis Presley kreu shërbimin ushtarak amerikan midis viteve 1958 dhe 1960, dhe ku takoi gruan e tij të ardhshme, Priscilla Presley

Policia ka arrestuar autorin e dyshuar të vrasjes së shefit të sigurimeve shëndetësore Brian Thompson në Nju Jork javën e kaluar. Bëhet fjalë për 26-vjeçarin Luigi Mangione nga Maryland, i cili u arrestua sot në një McDonald’s.

Arrestimi ndodhi për shkak se burrit iu gjet një armë e ngjashme me atë të përdorur në vrasje. Burri dyshohet se ka tentuar të përdorë një ID të rreme në McDonald’s, thanë burimet policore, të cituara nga New York Post. Me vete ai kishte edhe “një manifest”, një pistoletë me silenciator, katër dokumente identiteti false dhe sende të tjera në përputhje me atë që autoritetet dinë për vrasësin e dyshuar.

“Ne nuk mendojmë se ka ndonjë kërcënim specifik për njerëzit e tjerë të përmendur në atë dokument, por duket se ai ka një vullnet të keq ndaj korporatës së Amerikës”, deklaroi Policia.

Të shtunën, autoritetet e Nju Jorkut publikuan dy foto të tjera, njëra prej të cilave është realizuar në një taksi. Në të dyja rastet fytyra e të kërkuarit ishte e mbuluar nga një maskë kirurgjikale blu.

Policia kishte bërë të ditur edhe përmbajtjen e çantës së shpinës që vrasësi kishte braktisur në Central Park para se të largohej nga Manhattan: brenda kishte një xhaketë Tommy Hilfiger dhe dollarë falso Monopoly.

Dhjetëra qytetarë marshuan të hënën pasdite në qendër të kryeqytetit të Kosovës, Prishtinë, duke bërë thirrje për ofrimin e sigurisë për vajzat dhe gratë, pas vrasjes së një gruaje 21-vjeçare ditë më parë në qytetin e Ferizajt.

Gruaja 21-vjeçare u vra më 12 prill brenda zyrës së Qendrës për Punë Sociale në qytetin juglindor të vendit, Ferizaj, ndërsa u plagos edhe vëllai i saj 15-vjeçar.

Një 36-vjeçar, që besohet se është ish-bashkëshorti i viktimës, është arrestuar dhe paraburgosur nga autoritetet si i dyshuari për vrasjen.

Në marshin e organizuat nga Kolektivi Për Mendim dhe Veprim Feminist, protestuesit mbanin pankarta me mbishkrime si “Siguri për vajzat dhe gratë”, “Armiku ynë është patriarkati”, “Edhe sa thirrje të humbura”.

Ata bënë thirrje për siguri për vajzat dhe gratë teksa marshuan nga Sheshi “Zahir Pajaziti” deri te ndërtesa e Qeverisë së Kosovës, para së cilës protestuan./ D.M