ITALI- 14 vite burg ka dhënë gjykata e Ragusa-s për 30-vjeçarin Federico Lacona, italianin i cili vrau me thikë shqiptaren Brunilda Halla. Ngjarja e rëndë ndodhi më 25 maj të vitit të shkuar, jashtë shtëpisë së 37-vjeçares në Vittoria, raportojnë mediat italiane.

Lacona e goditi atë në pjesën e pasme të kokës, shpatullave dhe qafës me një thikë. Më pas i riu deklaroi se ai ishte një gjest “rebelimi kundër shoqërisë”.

Prokurori publik Gaetano Scollo kishte bërë një kërkesë të ngjashme për një dënim në fund të aktakuzës së tij. I riu është dënuar edhe me shpenzime gjyqësore dhe mbajtje me burg. Ndërkohë familja e shqiptares u dëmshpërblye me 75 mijë euro secili dhe 30 mijë euro për vëllain e viktimës.

Brunilda Halla u vra në sy të njërit prej fëmijëve të saj, dhe më pas ndërroi jetë teksa po transportohej për në spital. Vrasja tronditi jo vetëm Vittorian, por gjithë Italinë.