Gjykata e Dibrës ka caktuar masën e sigurisë “arrest me burg” ndaj 32-vjeçarit Hazbi Velsula, i cili akuzohet si autor i vrasjes me thikë të kushëririt të tij Selim Velsula, 65 vjeç, krim i regjistruar të mërkurën në fshatin Xibër-Murriz të Klosit

Mësohet se ai nuk ka dhënë asnjë deklaratë para togave të zeza për motivin e krimit, duke kërkuar prani të avokatit mbrojtës dhe duke refuzuar të bashkëpunojë me hetuesit. Sipas autoriteteve policore, para se të vritej 65-vjeçari, dy kushërinjtë janë konfliktuar fizikisht me njëri-tjetrin. Pas krimit, Hazbi Velsula kishte shkuar në banesën e të vëllait në zonën e Alliasit në Tiranë, ku edhe u arrestua nga Policia.

“Nga veprimet e kryera, dyshohet se shtetasit Hazbi Velsula dhe Selim Velsula fillimisht janë konfliktuar fizikisht për motive të dobëta dhe më pas shtetasi Hazbi Velsula e ka goditur me armë të ftohtë (thikë) shtetasin Selim Velsula, duke i shkaktuar vdekjen.

Policia e Shkodrës ka arrestuar turistin amerikan, i cili një ditë më parë vrau bashkëshorten e tij. Ngjarja ndodhi në banesën e marrë me qira nga çifti i turistëve dhe dyshohet se krimi është kryer në gjendje të dehur dhe për motive të dobëta.

57 vjeçari Brandon Saportio goditi për vdekje me thikë bashkëshorten e tij, Sandra Saporito 54 vjeçe në lagjen “Vasil Shanto” të qytetit të Shkodrës.

“Specialistët për Hetimin e Krimeve ndaj Personit në DVP Shkodër arrestuan shtetasin amerikan B. S., 57 vjeç, për veprën penale “Vrasja për shkak të marrëdhënieve familjare”, pasi: Më datë 02.05.2025, në lagjen “Vasil Shanto”, në një banesë të marrë me qira, dyshohet se në gjendje të dehur, për motive të dobëta, ka dhunuar e goditur me sende të forta dhe me mjet prerës, bashkëshorten e tij shtetasen S. S., 54 vjeçe, e cila si pasojë e dëmtimeve ka humbur jetën në vendin e ngjarjes”.

Gjykata Rajonale e Bielefeld në Gjermani ka dënuar me burgim të përjetshëm autorin e vrasjes së boksierit shqiptar, Besar Nimani.

Ky vendim i Gjykatës ka ardhur pas kërkesës së Prokurorisë për një dënim maksimal të autorit të vrasjes. Aktgjykimi nuk është ende përfundimtar, shkruajnë gjermane.

Ky vendim mund të apelohet në Gjykatën Federale të Drejtësisë në Karsluhe.

Mediat gjermane sqarojnë gjithashtu se burgimi i përjetshëm në gjermani nënkupton heqje të lirisë për një periudhë të pacaktuar, por të paktën për 15 vjet. Vetëm pas kësaj periudhe 15 vjeçare mund të pezullohet vendimi.

Prokuroria Themelore në Ferizaj ka kërkuar nga Gjykata Themelore e Ferizajt caktimin e masës së paraburgimit prej 30 ditësh ndaj të dyshuarit F.L., nga fshati Pleshinë e Ulët, për dyshimin e veprës penale “Vrasje e rëndë”, sipas Kodit Penal të Republikës së Kosovës.

Sipas Prokurorisë, ekziston dyshimi i bazuar se më 23 janar 2025, në orët e pasdites, në malet e fshatit Manastirc të Komunës së Ferizajt, F.L. ka privuar nga jeta viktimën B.V. në një mënyrë mizore, për motive ende të panjohura.
Pas kryerjes së vrasjes, ai ka groposur viktimën në një vend të shkretë, me qëllim që të fshehë dhe zhdukë gjurmët, dhe është larguar nga vendi i ngjarjes, shkruajnë mediat e Kosovës.

Trupi i pajetë i viktimës është gjetur më 5 shkurt 2025 nga disa persona të fshatit Manastirc, që kanë njoftuar autoritetet për ngjarjen.

Pas këtij zhvillimi, F.L. është arrestuar dhe ndodhet nën masën e ndalimit 48 orësh për dyshimin për kryerjen e veprës penale të “Vrasjes së rëndë”, sipas nenit 173, paragrafit 1, nënparagrafit 1.4 të KPRK-së.

Prokuroria ka kërkuar që ai të qëndrojë në paraburgim për 30 ditë, duke vazhduar hetimet për sqarimin e plotë të rrethanave të ngjarjes.

Gjykata e Tiranës ka caktuar masën e sigurisë “arrest në burg” për 74-vjeçarin Hekuran Gjoni.

Gjatë një konflikti të çastit 74-vjeçari ka goditur me thikë djalin e tij 37-vjeçarin Asim Gjonin. 38-vjeçari u dërgua në spital por për shkak të plagëve të marra humbi jetën.

Në dëshmi 74-vjeçari ka deklaruar se djali i tij e ngacmonet dhe e tallte vazhdimisht.l Ai akuzohet për veprën penale “Vrasjes për shkak të marrëdhënieve familjare”.

Gjykata e Sarandës ka zhvilluar ditën e djeshme një seancë lidhur me çështjen e 48-vjeçares Elvira Tahiraj, e cila në orët e para të mëngjesit të 24 dhjetorit vrau bashkëshortin e saj, N. Tahiraj, 55 vjeç, duke e goditur me sëpatë në banesën e tyre, në fshatin Metoq.

Seanca gjyqësore u zhvillua sot, ku gjykata vendosi të vlerësojë si të ligjshëm arrestimin e 48- vjeçares për veprën penale “vrasja për shkak të marrëdhënieve familjare”. Po ashtu, ndaj saj u caktua masa e sigurisë “shtrim i përkohshëm në një spital psikiatrik”.

Gjatë seancës, Elvira Tahiraj, u mbrojt nga një avokate e caktuar kryesisht nga shteti, ndërsa organet e drejtësisë kanë nisur hetimet për të përcaktuar rrethanat dhe motivet e ngjarjes tragjike.

Ngjarja ka tronditur komunitetin e vogël të Sarandës, ndërsa ekspertiza mjekësore pritet të zbardhë gjendjen psikologjike të të dyshuarës në momentin e krimit. Ngjarja e rëndë dyshohet se ka ndodhur në momentin që bashkëshorti i autores ka qenë në gjumë. Në shtëpi, por në dhomë tjetër ka qenë vajza e tyre, e cila kur është zgjuar është përballur me kufomën e të atit që më pas ka lajmëruar motrën e vet dhe policinë.

Familja Tahiraj mësohet se ishin të vendosur në Sarandë penj disa kohësh dhe jetonin në një shtëpi me qira. Gruaja e prangosur dyshohej se vuante nga problemet e shëndetit mendor, fakt që duket se është konstatuar edhe nga grupi hetimor, që ende nuk ka mundur t’i dokumentojë një dëshmi mbi motivin e krimit të rëndë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një ish-politikan në Nevada të Shteteve të Bashkuara është shpallur fajtor për vrasje, lidhur me vdekjen e një gazetari që shkruante artikuj kritikë ndaj tij.

Robert Telles, 47 vjeç, ndodhet në burg pa të drejtë lirimi kundrejt garancisë që prej vitit 2022 për vrasjen me thikë të gazetarit investigativ Jeff German.

Ka ndërruar jetë historiani Zyhdi Shehi, i cili më 8 gusht vrau me bastun shokun e dhomës në një azil privat në Tiranë, Virxhil Vesho.

Pas ngjarjes së rëndë, Shehi u arrestua, por më pas me vendim të trupës gjykuese u shtrua në një spital psikiatrik.

Krimi brenda azilit

Shkak i sulmit u bë një konflikt banal mes dy të moshuarve për krevatin.about:blank

Fillimisht ngjarja nuk u raportua në polici, pasi infermierja kishte njoftuar morgun dhe një agjenci funerale për të tërhequr trupin e viktimës.

“Menduam se ishte rrëzuar dhe kishte vdekur kur e gjetëm”, kanë thënë dy infermieret në polici.

Megjithatë pretendimet e infermiereve Nazime Mulla dhe Glesantina Saraçi nuk i ka bindur hetuesit e Policisë të cilët i arrestuan ato me akuzën “kryerja e veprimeve që pengojnë të vërtetën”.

Grupi hetimor ka dyshime se infermierët nuk kanë kryer punën e tyre siç duhet dhe mbi faktin që nuk kanë marrë në telefon policinë për të denoncuar ngjarjen.

Infermieret njoftuan agjencinë e funeralit, të cilët kanë shkuar dhe kanë marrë trupin e mbështjellë me çarçaf. Ishte stafi i agjencisë të cilët pasi kanë parë trupin kanë vërejtur dëmtime në kokë. Më pas e kanë kthyer trupin në azil dhe kanë njoftuar policinë.

Efektivët kanë këqyrur kamerat e sigurisë dhe pasi morën në pyetje infermieret ato janë shprehur se fillimisht nuk kanë kuptuar se i moshuari të ishte vrarë, por kishin menduar se ngjarja ishte aksidentale.

Një ngjarje e rëndë ka ndodhur pasditën e së martës në Prishtinë. Një grua dyshohet se ka vrarë kunatin e saj me armë zjarri.

Ngjarja raportohet se ka ndodhur në rrugën “Ismet Krasniqi”, dhe pas ngjarjes, gruaja është vetëdorëzuar në Polici

Ndërkohë policia ka konfirmuar ngjarjen, por pa zbuluar detaje të mëtejshme mbi dinamikën apo rrethanat e vrasjes.

Konfirmimi i policisë së Kosovës:

Sot rreth orës 19:20 kemi pranuar informatën për një vrasje, që ka ndodhë në rrugën “Ismet Krasniqi” në Prishtinë.

Menjëherë policia ka dalë në vendin e ngjarjes  dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.

Lidhur me rastin është vetëdorzuar një person dyshuara: -N.M. femër .

Aktualisht hetuesit policor, në koordinim me prokurorin e shtetit  janë duke punuar për të ndriçuar dhe sqaruar të gjitha rrethanat që kanë të bëjnë me këtë rast.

Vrau Alma Qevanin, Gjykata Elbasan dënon me burg përjetë Tefik Tashi.

Prokuroria pranë Gjykatës së Shkallës së Parë të Juridiksionit të Përgjithshëm Elbasan ka regjistruar procedimin penal nr.532 i vitit 2023 më të dhëna që bëjnë fjalë për veprën penale të “Vrasja për shkak të marrëdhënieve familjare” të parashikuar nga neni 79/c i K.Penal, me të pandehur Tefik Tashi me viktimë shtetasen Alma Qevani.

Ka rezultuar se më date 17.05.2023, rreth ores 13.00 ne Fshatin Kusarth, Elbasan, i pandehuri Tefik Tashi ka vrarë me sopatë shtetasen Alma Qevani, të cilën e kishtë motrën e bashkëshortes së tij.

Pas shqyrtimit gjyqësor, në datë 17.07.2024 nga Prokurori është kërkuar deklarimi fajtor dhe dënimi me burgim të përjetshëm.

Gjykata e Shkallës së Parë të Juridiksionit të Përgjithshëm Elbasan me vendimin dt.17.07.2024 ka vendosur deklarimin efajtor dhe dënimin e të pandehurit Tefik tashi me burgim të përjetshëm.

Vendimi i Gjykatës Elbasan:

REPUBLIKA E SHQIPËRISË GJYKATA E SHKALLЁS SЁ PARЁ E JURIDIKSIONIT TЁ PЁRGJITHSHЁM ELBASAN Elbasan, më 17.07.2024

NJOFTIM PЁR SHTYP

Gjykata e Shkallёs sё Parё e Juridiksionit tё Pёrgjithshёm Elbasan në kuadër të transparencës, me qëllim mirëinformimin e publikut në vlerësim të interesit të lartë publik, informon mbi vendimmarrjen nё lidhje me çёshtjen nё ngarkim tё pandehurit T.T., arrestuar mё datё 17.05.2023, akuzuar pёr veprёn penale tё parashikuar nga neni 79/c i Kodit Penal “Vrasje pёr shkak tё marrёdhёnieve familjare”, me viktimё shtetasen A.Q,.

Sot më datë 17.07.2024, Gjykata e Shkallës së Parë e Juridiksionit të Përgjithshëm Elbasan me trup gjykues të përbërë nga: Kryesues Gjyqtar z. Artur Prenga; Anëtarë: Gjyqtar z. Elis Dine dhe Gjyqtare znj. Yrfet Shkreli, pas shqyrtimit në seancë gjyqësore me vendimin Nr. 406 (13-2024-3713) të datës 17.07.2024:

VENDOSI

1. Deklarimin fajtor të të pandehurit T.T për kryerjen e veprës penale të “Vrasja për shkak të marrëdhënieve familjare” të parashikuar nga neni 79/c të Kodit Penal dhe dënimin e tij me burgim të përjetshëm. 2. Vuajtja e dënimit për të pandehurin T.T të fillojë nga dita e arrestimit të tij datë 17.05.2023, dhe të vuhet në një burg të sigurisë së lartë. 3. Në aplikim të nenit 190 të K.Pr.Penale, sendet e sekuestruar, konkretisht “sopatë” të asgjesohet si send që ka shërbyer për kryerjen e veprës peale; sendet telefon celularë t’i kththen pronarit ose poseduesit të ligjshëm. 4. Shpenzimet proceduriale të parapaguara nga shteti, si dhe shpenzimet gjyqësore i ngarkohen të pandehurit. 5. Kundër këtij vendimi mund të bëhet ankim në Gjykatën e të Juridiksionit të Përgjithshëm Tiranë, brenda 15 (pesëmbëdhjetë) ditëve, duke filluar ky afat nga e nesërmja e njoftimit të këtij vendimi.

U shpall sot në Elbasan, më datë 17 Korrik 2024.

GJYKATA E SHKALLЁS SЁ PARЁ E JURIDIKSIONIT TЁ PЁRGJITHSHЁM ELBASAN

Si ndodhi ngjarja?

Tefik Tashi masakroi me sopatë kunatën e tij për një telefonatë pa përgjigje nga ana e saj.

Bashkëshortja e autorit të të krimit, Etleva Qevani deklaroi në atë kohë se gjithçka nisi pasi motra e saj nuk i kishte hapur telefonin 58-vjeçarit dhe se kjo kishte bërë që ai të revoltohej.

“Ishte nxehur sepse nuk hapi telefonin. Unë nuk kisha telefon, isha bashkë me motrën dhe ai mori motrën.

Ishim të dyja në arë. Kaq di të them, ishte i nxehur sepse nuk hapi telefonin. Edhe më herët kanë pasur konflikte, por për gjëra të kota. Për punët e shtëpisë.

Në shtëpi ndodhin shumë gjëra. Me mua nuk kishte konflikte. Një herë ka ndodhur që janë zënë shumë keq, ai kishte pirë raki. Që në atë kohë motra nuk ka pasur konsideratë për të.

Ne kemi dy vite që ishim martuar, jetonin këtu në këtë zonë. Konflikti nisi për telefoni, përse motra nuk e hapi. Në fillim erdhi policia më pas erdhi ambulanca.

Unë dua drejtësinë, dënimin deri në fund sepse e ka hak. Nuk ka pasur konflikt me mamanë dhe babanë tim. Kjo gjë ishte shumë e papritur, nuk e dimë se çfarë pati. Ai erdhi nga puna…”, tha ajo.