Në kuadër të megaoperacionit policor të koduar “Sundimi i ligjit”, është arrestuar 40-vjeçari me iniciale D.H. pasi ishte shpallur në kërkim për “vrasje me paramendim” e mbetur në tentativë.

Më 3 Qershor të 2023-shit dyshohet se ai ka tentuar të vrasë me thikë një 24-vjeçar dhe ka qenë Gjykata e Tiranës, e cila ka caktuar masën e sigurisë “arrest në burg” për 40-vjeçarin.

“Shërbimet e Komisariatit të Policisë Nr. 4 kapën dhe ndaluan shtetasin D. H., 40 vjeç, banues në Tiranë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Vrasja me paramendim”, mbetur në tentativë. Ky shtetas dyshohet se më datë 03.06.2023, në Paskuqan, ka tentuar të vrasë me mjet prerës (thikë), një 24-vjeçar”, njofton policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Është zbardhur dëshmia e 18-vjeçarit Armir Hasaj, i cili tentoi të vriste me armë një 16-vjeçar në Kamëz dy ditë më parë.

Sipas informacioneve, ai ka deklaruar në polici se ngjarja ka ndodhur pasi adoleshenti i kishte ngacmuar të dashurën.

Po ashtu mësohet se ai ka thënë se me 16-vjeçarin njiheshin prej kohësh dhe janë rritur në të njëjtën lagje.

Fillimisht, sipas tij, janë konfliktuar me njëri-tjetrin, pasi kishin lënë që të takoheshin për t’u sqaruar, por debati mes tyre ka degraduar dhe në gjaknxehtësi e sipër ka hapur bagazhin e makinës, ku mbante një armë kallashnikov dhe ka qëlluar vetëm një herë në drejtim të të miturit duke e plagosur.

Hetuesit po punojnë për të zbuluar se ku i riu ka arritur të siguroj armën e krimit, të cilën e mbante në makinë.

Autori u arrestua së bashku me një 19-vjeçar si bashkëpunëtor.