Tre persona u vranë dhe tre të tjerë u plagosën në një incident me të shtëna me armë zjarri në shtetin amerikan të Virginias. Siç raporton CNN, ngjarja ka ndodhur pasditen e së martës në zonën Olde Greenwich Circle, ku kanë shpërthyer të shtënat.

Nga të shtënat kanë mbetur të plagosur tre persona, të cilët janë dërguar në spitalet e zonës.Mësohet se viktimat janë të gjithë të rinj, dy 18-vjeçarë dhe një 20-vjeçar.

Ndërkohë që raportohet se në pranga kanë rënë katër adoleshentë, dy 16-vjeçarë, një 17-vjeçar dhe një 18-vjeçar.

Viktimat janë identifikuar si Ali Razini dhe Mohammad Moghiseh. Një gjykatës tjetër po ashtu është plagosur gjatë sulmit që ndodhi në Pallatin e Drejtësisë në Teheran.

IRANË- Dy gjykatës të njohur të Gjykatës Supreme të Iranit janë vrarë në një sulm në selinë e kësaj gjykate, thanë zyrtarët. Viktimat janë identifikuar si Ali Razini dhe Mohammad Moghiseh. Një gjykatës tjetër po ashtu është plagosur gjatë sulmit që ndodhi në Pallatin e Drejtësisë në Teheran.

Zyra për media e gjyqësorit të Iranit raportoi se një person i armatosur ishte “infiltruar në Gjykatën Supreme në një akt të planifikuar për vrasjen e dy gjykatësve. Motivi i sulmit ende nuk është i qartë.

Hetimi fillestar gjeti se sulmuesi nuk kishte ndonjë rast gjyqësor para kësaj gjykate dhe as lidhje të tjera, tha zyra për media e gjyqësorit iranian. Gjykata Supreme është autoriteti më i lartë gjyqësor në Iran dhe kreu i saj emërohet nga lideri suprem. Selinë e ka në Teheran dhe degë ka në mbarë vendin.

Detajet e incidentit mbeten të paqarta. Zyra për media e gjyqësorit raportoi se sulmuesi “u vetëvra” pas të shtënave, edhe pse ky informacion nuk është konfirmuar. Mediat tjera iraniane kanë raportuar se sulmuesi ishte anëtar i një “force infiltruese të sigurisë”, i cili fillimisht kishte plagosur me thikë një roje, ai kishte marrë armën dhe më pas kishte kryer vrasjet.

Agjencia gjysmëzyrtare e lajmeve Mehr, duke cituar burime, raportoi se gjyqtarët u sulmuan me armë zjarri para se sulmuesi të bënte vetëvrasje. Dy viktimat kishin poste të rëndësishme në sistemin e fuqishëm gjyqësor të Iranit. Gjykatësi Mohammad Moghiseh kishte gjykuar disa raste politike, përfshirë rastet që përfshinin mbështetësit e Lëvizjes opozitare të Gjelbër më 2009.

Ai ishte nën sanksione të Bashkimit Evropian dhe Shteteve të Bashkuara për shkelje të të drejtave të njeriut. Gjykatësi Ali Razini kishte mbajtur shumë poste të larta dhe ishte akuzuar nga opozita në Iran se ishte përfshirë në një sërë vrasjes pa gjyq të të burgosurve politikë më 1988./REL

Dy persona u ekzekutuan këtë të hënë në Athinë, në një ngjarje të rëndë që tronditi qytetin. Policia greke ka arrestuar dy persona të dyshuar, shtetas turq që kishin kërkuar azil në Greqi.

Sipas informacioneve të para, ngjarja ka ndodhur si pasojë e një pritë vrasëse, ku dy shtetas turq u vranë në mënyrë të qëllimshme.

Për këtë ngjarje, janë shpallur në kërkim edhe të paktën dy persona të tjerë, të cilët dyshohet se kanë marrë pjesë në ekzekutimin e dy viktimave. Hetimet janë duke vazhduar për zbardhjen e plotë të rrethanave të krimit.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Ushtria e Izraelit i ka kërkuar të gjithë banorëve të qytetit të Gazës që të evakuohen për në jug, pas shtimit të ofensivës në qendër të enklavës.

Për këtë janë hedhur dhe fletpalosje nga ajri ku jepen këto udhëzime: “Të gjithë banorët e qytetit Gaza duhet të largohen nga zona e rrezikshme e luftimit”.
Ushtria izraelit ka përcaktuar dhe rrugë të sigurta. Por Organizata e Kombeve të Bashkuara ka shprehur shqetësim të thellë për urdhrin e evakuimit. Kjo lëvizje e shtetit hebre vjen pas tragjedisë së rëndë në Kan Junis.

Pas sulmit izraelit në një shkollë, të kthyer në strehimore për të zhvendosurit, humbën jetën të paktën 29 persona, shumica gra dhe fëmijë.
Ushtria e Tel Avivit konfirmon se ka hapur një hetim për rastin tragjik, që është dënuar ashpër nga disa vendeve perëndimore, përfshirë Gjermaninë.

“Objektivi ishte një terrorist i lëvizjes islamike palestineze që mori pjesë në sulmin e 7 tetorit”, thuhet në një reagim të ushtrisë.

UKRAINË- Forcat ruse kanë garantuar qytetin lindor ukrainas të Harkivit, duke vrarë një person dhe plagosur 16 të tjerë, tha kryetari i qytetit, Ihor Terekhov, përderisa Ministria e Jashtme e Ukrainës edhe një herë i bëri thirrje Washingtonit për më shumë sisteme të mbrojtjes ajrore.

Më 27 mars, edhe të paktën dy civilë u vranë nga sulmet ruse në pjesën lindore dhe jugore të Ukrainës. Sulmi në Harkiv kishte për cak një ndërtesë banimi, shkroi Terekhov në Telegram, duke e përshkruar sulmin si një tjetër akt të terrorit të përgjakshëm kundër ukrainasve.

Guvernatori i Harkivit, Oleh Synyehubov, tha se ndodhën dy sulme në një qark të qytetit të Harkivit, duke raportuar për dëme në infrastrukturën civile. “Një ndërtesë pesëkatëshe pësoi dëme të mëdha dhe po ashtu edhe Instituti i Emergjencave,” tha ai.

Në javët e fundit, rusët kanë intensifikuar sulmet ajrore ndaj Ukrainës duke shënjestruar infrastrukturën kyçe, përfshirë stacionet elektrike, në shenjë hakmarrjeje për bombardimet në rajonet kufitare ruse. Gjatë një konference online më 27 mars, kryediplomati ukrainas, Dmytro Kuleba, bëri thirrje për dërgesa urgjente të sistemeve të mbrojtjes ajrore.

“Veçmas, sulmet aktuale ruse janë intensive dhe po përdoren raketa balistike që mund të arrijnë caqe me një shpejtësi jashtëzakonisht të madhe, duke u dhënë pak kohë njerëzve që të strehohen, dhe duke shkaktuar dëm të madh”, tha ai.

“Sistemet Patriot dhe të ngjashme janë vendimtare. Ato janë të dizajnuara të mbrojnë jetë, e jo të marrin jetë”, tha ai, duke iu referuar raketave të prodhimit amerikan.

Më herët gjatë javës, gjatë një interviste për Politico, Kuleba tha se Ukraina ka nevojë të madhe për këto raketa tokë-ajër për t’u mbrojtur nga sulmet e pareshtura ruse, teksa pushtimi i Ukrainës i nisur nga Rusia tashmë ka hyrë në vitin e tretë./ REL