Një ngjarje e rëndë ka ndodhur këtë mëngjes në Limassol, ku biznesmenit qipriot, njëkohësisht president i ekipit të futbollit FC Karmiotissa, Stavros Demosthenous (49 vjeç), është qëlluar me armë zjarri pranë banesës dhe ka ndërruar jetë.

Atentatorët duket se ishin në dijeni të lëvizjeve të biznesmenit, pasi kishin bërë pritë jashtë shtëpisë së tij. Sipas policisë qipriote, autorët e krimit ishin dy persona dhe po udhëtonin me një furgon të vjedhur. Sapo Stavros Demosthenous doli nga dera e banesës, ata e qëlluan.

Ndërkohë djali i biznesmenit e futi në makinë të atin dhe u përpoq ta dërgonte në spital. Megjithatë, gjatë rrugës Stavros Demosthenous vdiq dhe makina ku udhëtonte u përplas me automjete të tjera në autostradë.

Autorët e vrasjes u larguan nga vendi i ngjarjes dhe disa kilometra më larg dogjën furgonin me të cilin udhëtonin. Policia ka nisur kërkimet për të identifikuar autorët, ndërsa dyshohet të kenë qenë vrasës profesionistë me pagesë.

Po shqyrtohet mundësia që vrasja të ketë lidhje me aktivitetin e basteve në ndeshjet e futbollit, pasi FC Karmiotissa ka qenë nën hetim disa herë për trukim ndeshjesh me transmetimin e dosjeve të kuqe nga UEFA.

Një ngjarje e rëndë ka tronditur të dielën në mbrëmje lagjen Itterbeek në Anderlecht të Belgjikës. Mediat atje raportojnë se një 61-vjeçar shqiptar i identifikuar me iniciale N.M, pronar i kafenesë së njohur lokale “Maison Haute”, është qëlluar për vdekje nga qiramarrësi i tij rreth orës 20:30 së të dielës.

Sipas dëshmitarëve, në kafene u dëgjuan të paktën katër të shtëna. Autoritetet konfirmojnë se autori i dyshuar është arrestuar nga policia, ndërsa viktima, me origjinë shqiptare, u dërgua në spital, por nuk mundi t’u mbijetojë plagëve të marra.

Ngjarja ka shkaktuar tronditje të madhe në komunitet. Michèle, një banuese e lagjes dhe mike e ngushtë e shqiptarit, tregon me lot në sy: “Vetëm dje në mesditë pimë një gotë bashkë. Ishte njeri i mrekullueshëm, gjithmonë i gatshëm të ndihmonte. E kisha paralajmëruar një ditë që ky qiramarrës do të sillte telashe… dhe ja ku jemi sot.”

Zonja shton se shqiptari sapo ishte kthyer nga pushimet dhe nuk kishte asnjë konflikt të mëparshëm në lagje. Policia vendore ka izoluar zonën për hetime dhe ka përjashtuar për momentin lidhjen e ngjarjes me trafikun e drogës. Gjithçka dyshohet të ketë nisur pas një konflikti personal mes shqiptarit dhe qiramarrësit të tij.

Paris- Persona të armatosur kanë hapur zjarr në një dasmë në Francën juglindore të dielën në mëngjes, duke vrarë dy persona, përfshirë nusen, dhe duke plagosur tre të tjerë. Konkretisht sulmi ka ndodhur rreth orës 4:30 të mëngjesit në fshatin Goult.

Sipas informacioneve fillestare, nusja dhe dhëndri po largoheshin nga festa kur u përballën me sulmues të maskuar të cilët hapën zjarr, shtoi burimi pranë hetimit. Nusja vdiq dhe njëri nga sulmuesit u vra, i shtypur nga makina e nuses dhe dhëndrit ndërsa përpiqeshin të iknin.

Gjithashtu një operacion në shkallë të gjerë që përfshin rreth 100 policë ka nisur për të gjetur ata që janë përgjegjës për të shtënat. Sipas mediave të huaja po ndiqen të gjitha pistat e hetimit, përfshirë një larje hesapesh të mundshme.

Vushtrii- Vritet me armë zjarri një 18-vjeçar në Kosovë. Ngjarja ka ndodhur në qendër të komunës së Vushtrrisë, ku si pasojë ka mbetur i vrarë një person.

Mediat në Kosovë raportojnë se viktimë është rreth moshës 18-vjeçare, dhe i përket familjes Zymberi.

Ndërkohë, i dyshuari është identifikuar dhe është nga fshati Dumnicë i Vushtrrisë, dhe i përketë familjes Dibrani.

Ende nuk ka informacion mbi rrethanat dhe motivet e ngjarjes së rëndë.

Kryebashkiaku i Tancawich, në Meksikën qendrore, një anëtar i partisë qeverisëse MORENA, u vra të dielën, njoftuan autoritetet lokale. Trupi i të zgjedhurit Jesus Eduardo Franco, së bashku me ato të tre personave të tjerë, u gjet brenda një makine në atë qytet, sipas zyrës së prokurorisë lokale, e cila ka nisur hetimet për katër vrasjet.

“Jemi thellësisht të pikëlluar nga vdekja e kolegut tonë Eduardo Franco, kryebashkiak i Tancavic”, tha përmes X-it Rita Rodríguez, presidentja e organizatës shtetërore të MORENA-s në San Luis Potosí, ku administrohet bashkia.

LONDËR- Një vrasje me armë zjarri ka ndodhur mbrëmjen e djeshme në Londër. Rreth orës 21:15 të mbrëmjes së djeshme, oficerët e Policisë Metropolitane u njoftuan për të shtënat që lanë të vdekur një grua dhe plagosën dy burra, një prej tyre në gjendje kritike për jetën.

Gruaja, e cila besohet të jetë rreth të 40-ave, u gjet e plagosur, por pavarësisht përpjekjeve të shërbimeve të urgjencës, ajo u shpall e vdekur në vendngjarje.

Rrugët pranë vendit të ngjarjes vijojnë të mbeten të mbyllura për shkak të veprimeve hetimore. Lidhur me vrasjen asnjë arrestim nuk është bërë deri më tani, ndërsa nuk dihen as arsyet e krimit.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një drejtor famëkeq burgu i akuzuar për tortura dhe vrasje të të burgosurve të luftës nga Ukraina, është vrarë sot me bombë në makinë në rajonin lindor të Donetsk.

49-vjeçari Sergey Yevsyukov, drejtonte burgun Olenivka jail, ku në vitin 2022, 12 të burgosur ukrainas humbën jetën nga një sulm me raketë, për të cilin dy palët akuzonin njerëz-tjetrën.

Yevsyukov vdiq sot kur automjeti tij Toyota Land Cruiser shpërtheu në qytetin Donetsk. Në sulm bashkëshortja e tij u plagos rëndë në këmbë dhe është dërguar në spital.

Dyshja ishin ndihmuar nga kalimtarët që kishin nxjerrë çiftin nga makina dhe dërguar me pas në spital. Automjeti i shkatërruar Toyota shihej në pamjet e mediave teksa eksplozivi ishte vendosur në sediljen e shoferit.

Yevsyukov akuzohej nga Ukraina për disa vrasje në burgun e Olenivka ku kanë humbur jetën të paktën 50 të burgosur lufte ukrainas, shkruan rrjeti the Mirror. Shumica e tyre ishin të mbijetuar nga rrethimi rëndë i fabrikës së çelikut Azovstal një vit më parë. Yevsyukov akuzohej gjithashtu nga inteligjenca e Ukrainës për tortura ndaj të burgosurve ukrainas në burgjet ruse.

Inteligjenca ukrianase SBU akuzonte me herët: “Në dhomën e tij të torturave të burgosurit vendoseshin në presion fizik, psikologjik, me kërcënime të shpeshta për ‘vdekje të ngadaltë’”, sipas rrjetit ukrainas Mirotvorets, ku shtohej se një shpërblim prej rreth 15 000 dollarë ishte shpallur për jetën e tij.

Disa javë më parë Yevsyukov ishte ngritur në detyrë duke u bërë nga drejtor i burgut, kryetar i komisionit të likujdimeve në Donetsk.

SHBA- CEO i “UnitedHealthcare”, Brian Thompson, u vra mëngjesin e së mërkurës, në atë që hetuesit dyshojnë se ishte një shënjestër e të shtënave jashtë një hoteli në Manhattan, ku siguruesi shëndetësor po mbante një konferencë investitore.

Vrasja ishte një “sulm i pacipë dhe i shënjestruar”, tha Jessica Tisch, komisionerja e policisë së Nju Jorkut.

Thompson, 50 vjeç, ishte vendosur të fliste në një takim investitorësh kur u qëllua rreth orës 6:45 të mëngjesit jashtë Hilton Midtown në Nju Jork nga një sulmues i cili u largua në këmbë dhe më pas mori një biçikletë elektronike në Central Park, sipas Departamentit të Policisë në York.

Thompson u dërgua në spital, por nuk mundi të shpëtonte. Policia ishte ende në kërkim të autorit deri në orët e vona të mëngjesit dhe nuk kishte asnjë të arrestuar. Megjithëse zyrtarët thanë se sulmi dukej se ishte në shënjestër, ata nuk kishin ende një motiv për të shtënat.

Kryebashkiaku Eric Adams tha se policia po shqyrtonte provat nga vendi i ngjarjes, përfshirë videon. “Duket se është qartësisht në shënjestër nga një individ dhe ne do ta kapim atë individ,” tha Adams.

Një pjesë e bllokut ku ndodhën të shtënat është rrethuar me shirit policie, me një kontigjent të madh policësh në vendngjarje. Shumë kamera sigurie janë afër.

UnitedHealthcare është krahu i sigurimeve të gjigantit të kujdesit shëndetësor UnitedHealth Group Inc. UnitedHealthcare është ofruesi më i madh i planeve Medicare Advantage në SHBA dhe menaxhon mbulimin e sigurimeve shëndetësore për punëdhënësit dhe programet Medicaid të financuara nga shteti dhe federale.

Thompson kishte shërbyer si CEO për më shumë se tre vjet dhe kishte qenë me kompaninë që nga viti 2004.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një mosmarrëveshje mes fqinjëve ka përfunduar me vrasjen e një shqiptari në Garbagnate Milanese, Itali. Sipas policisë italiane, ngjarja ka ndodhur rreth orës 02:30 të mëngjesit të sotëm në Via Varese. Nga informacionet e para, një shqiptar rreth 40 vjeç u qëllua me armë nga fqinji i tij pas një debati.

I moshuari, sipas mediave italiane, pasi kishte debatuar me shqiptarin, kishte rrëmbyer armën. Ai dyshohet se fillimisht qëlloi në ajër dhe më pas drejt 40-vjeçarit. Pavarësisht ndërhyrjes së menjëhershme të ekipeve të urgjencës, shqiptari ndërroi jetë në vendin e ngjarjes. Autori i dyshuar u arrestua, teksa policia po punon për të rindërtuar dinamikën e saktë të ngjarjes.

Ngjarje tragjike në Shkodër. Vritet me thik/ i mituri 15 vjeç.

‘Rreth orës 19:30, në zonën e Fermentimit, në lagjen “Skenderbeg”, dyshohet se gjatë një konflikti për motive të dobëta, një shtetas ende i paidentifikuar ka dëmtuar me mjet prerës (thikë), një të mitur 15-vjeç, i cili si pasojë e plagëve të marra ka ndërruar jetë në Spitalin Rajonal Shkodër.

Shërbimet e Policisë kanë shkuar menjëherë në vendngjarje ku po punojnë për identifikimin dhe kapjen e autorit.

Ndërkohë, vijon puna e grupit hetimor, për sqarimin e plotë të rrethanave të ngjarjes’, njofton policia.