Ish-banori i Big Brother VIP Albania 4, Vserlo, ka shpërthyer në një reagim të ashpër në rrjetet sociale, duke vënë në pikëpyetje suksesin e këngës së re të Gjestit, “Veshu ndreq”, e cila kaloi 1 milion klikime brenda 24 orëve.

Nëpërmjet një postimi në InstaStory, Vserlo ironizoi dhe akuzoi për manipulim me klikimet, duke e krahasuar fenomenin me artistë botërorë si Miley Cyrus dhe Ava Max. Ai e quajti suksesin e Gjestit “të fabrikuar”, duke shtuar: “Vjen një Gjest me 100 mijë subscribers të blerë, kap 1.5 milionë për një ditë…”.

Por nuk ndalet me kaq. Vserlo ka thumbuar edhe këngëtaren Egli Tako, duke parashikuar me ironi se kënga e saj do të arrijë “20 milionë klikime deri nesër”. Ai ka përdorur tone të ashpra për publikun që, sipas tij, bie pre e një “fame imagjinare” dhe playback-u të artistëve që “nuk dinë të këndojnë”, duke e mbyllur mesazhin me fjalët:

“Që jeni popull dele e kemi marrë vesh, por të paktën jini dele që ndjekin logjikën dhe forcën e gravitetit!”

Kjo javë solli një dinamikë të re mes Vserlos dhe Kellyt në shtëpinë e Big Brother VIP Albania.

Viserlo dhe Kelly kanë pasur një përplasje mes tyre, pas një ofendimi të rënde ndaj këngëtarit. Këtë situatë ata e kanë sqaruar edhe në prime, ku Viserlo tha se ajo fjalë i ka shpëtuar.

Pjesë nga klipi dhe debati:

Vserlo: Ti për klikime ke shitur familjen more!

Vserlo: Më tha mua më përmende gruan që e kam me kancer, atë ja thashë si simbolikë në lidhje me ata që rri po ai nuk e kupton

Kelly: Vjen këtu denigro femra asgjë tjetër nuk bën

Vserlo: I vetmi sulm që bën ai dhe të tjerët janë sulme rreth drejtimit seksual dhe kjo është shumë e shëmtuar

Vserlo: Në momentin që Kelly më është qasur me këtë pyetjen “Çfarë ka çuni?, Do qifqi?” dhe nuk ja kisha idenë nëse Kelly kishte fëmijë. Vjen Valbona me përshëndetjet e saj dhe e pyet si e ka emrin djali dhe përshëndet djalin e Kellyt dhe nuk kishte të bënte me atë që thashë unë. Këtë gjënë që ndodhi ky e ka vendosur mbi supet e mija dhe më ka sulmuar e stresuar për 4 ditë rresht. Ka pasur shumë momente për tu qasur me mua dhe për të më thënë që unë ti kërkoj falje. Ajo fjalë që thashë erdhi sepse ai ka ditë të tëra që thotë që un jam i shitur me çdo banor që flet.

Kelly: Kam përpara një person që vetëm denigron. Merret me një mijë persona të tjerë, merret me familje. Dhe me paturpësi më të madhe thotë diçka shumë të rëndë dhe nuk kërkon falje. Ai ka qenë reagimi im pas asaj situate. Ty është për të nxjerrë jashtë me ceremoni.