Mbrëmjen e sotme, në qytetin Leskovac, do të zhvillohet ndeshja mes Serbisë dhe Shqipërisë, një duel që ka ngjallur interes të madh në gjithë rajonin. Për këtë arsye, autoritetet serbe kanë vendosur masa të shtuara sigurie, me qëllim garantimin e rendit dhe mbarëvajtjes së takimit.

Sipas mediave në Beograd, presidenti Aleksandar Vuçiç është përfshirë personalisht në menaxhimin e situatës dhe madje ka telefonuar vetë pronarin e hotelit ku qëndron kombëtarja shqiptare, për t’u siguruar se gjithçka është në rregull dhe se delegacioni kuqezi po trajtohet siç duhet.

Një detaj interesant nga akomodimi i përfaqësueses shqiptare është fakti se shefi i kuzhinës në hotelin ku qëndron skuadra është kosovar nga Prizreni, çka ka krijuar

Presidenti rus, Vladimir Putin e ka ftuar presidentin serb, Aleksandar Vuçiç, për të vizituar Moskën më 25 maj të vitit tjetër, kur do të shënohet përvjetori i 80-të i fitores në Luftën e Dytë Botërore, transmeton Radiotelevizioni i Serbisë (RTS).

“Ju ftoj të merrni pjesë në festimet për 80-vjetorin e fitores së Luftës së Madhe Patriotike, që do të mbahen në Moskë në maj të vitit 2025”, është cituar të ketë thënë Putin.

Kabineti i presidentit të Serbisë, as nuk e ka pohuar, dhe as mohuar këtë informacion, kur është pyetur nga Radio Evropa e Lirë për konfirmim.

Mes tjerash, Putin është thënë të ketë përmendur në ftesë se ai është i bindur që ruajtja “e kujtesës së fitores së madhe do të forcojë vendosmërinë e përbashkët” për të rritur “bashkëpunimin konstruktiv, me qëllim të garantimit të paqes dhe sigurisë në planet”.

Putin e pati ftuar Vuçiqin edhe në samitin BRICS, të mbajtur në tetor, në qytetin rus, Kazan. Megjithatë, Vuçiç nuk i është përgjigjur ftesës, duke thënë se Serbia do të ishte nikoqire e disa mysafirëve të rëndësishëm në atë periudhë.

Ato ditë, Serbia ka pritur presidenten e Komisionit Evropian, Ursula von der Leye, si dhe liderë të shteteve të BE-së, në mesin e tyre, kryeministrin polak, Donald Tusk dhe kryeministrin grek, Kyriakos Mitsotakis.

Një delegacion i Qeverisë së Serbisë pati marrë pjesë në samitin BRICS, i cili konsiderohet si përpjekje e Rusisë për të krijuar një kundërpeshë ndaj ndikimit të Perëndimit në botë. Zëvendëskryeministri i Serbisë, Aleksandar Vullin, pati marrë pjesë në samit dhe më pas pati takuar edhe Putinin.

Vullin është nën sanksione amerikane, mes tjerash edhe për lidhjet e ngushta me Rusinë. BE-ja kishte reaguar pas këtij takimi, duke thënë se të gjitha shtetet që kanë statusin e vendit kandidat për bllokun evropian, “duhet të përmbahen nga kontaktet me Rusinë dhe presidentin e saj”.

Ndonëse Serbia e gëzon këtë status, ajo është e vetmja në Ballkanin Perëndimor që nuk u është bashkuar sanksioneve të Perëndimit për të dënuar Rusinë për luftën e nisur në Ukrainë, dhe vazhdon të kultivojë lidhje me zyrtarët në Moskë./REL

Presidenti i Francës, Emmanuel Macron do ta vizitojë Serbinë në fund të gushtit ose në fillim të shtatorit.

Kjo u bë e ditur nga presidenti i Serbisë, Aleksandar Vuçiç në një takim për media sot gjatë Samitit të Komunitetit Politik Evropian në Londër.

Ai tha se ka pasur një takim të gjatë me Macron për Kosovën, bashkëpunimin bilateral, çështje gjeopolitike dhe integrimin evropian të Serbisë, por nuk ka dhënë më shumë detaje.

Vuçiç ka takuar edhe presidentin e Ukrainës, Volodymyr Zelensky me të cilin ka diskutuar për “çështje dypalëshe dhe situatën politike”. Ndër tjera, Vuçiç tha se ai “po pret ende presion” që Serbia të vendosë sanksione ndaj Rusisë.

Presidenti i Serbisë, Aleksander Vucic, ka njoftuar se ka biseduar në telefon me presidentin e Francës, Emmanuel Macron. Presidenti serb në postimin e tij për këtë bisedë ka thënë se ka folur edhe për dialogun në mes të Kosovës dhe Serbisë dhe për kushtet në të cilat jeton komuniteti serb në Kosovë.

Vuçiq shkruan se në këtë bisedë telefonike ka thënë se dialogu duhet të zërë vend të lartë në agjendën e BE-së me një angazhim të fortë diplomatik që kërkon realizimin përfundimtar të Marrëveshjes për Normalizim dhe formimin e Asociacionit, pa i përmendur detyrimet e Serbisë.

“E ritheksova se kjo çështje duhet të vazhdojë të zërë një vend të lartë në agjendën e BE-së, me angazhim të fortë diplomatik që synon realizimin përfundimtar të Marrëveshjes së Brukselit dhe formimin e Asociaconit të Komunave Serbe, si bazë për ndërtimin e paqes së qëndrueshme dhe garantimin e sigurisë. për popullin serb”, ka shkruar Vuçiq pas bisedës.

Kjo bisedë vjen pak ditë para takimit të nivelit të lartë Kurti-Vuçiq i caktuar të mbahet më 26 qershor në Bruksel.

Zëvendëskryeministri i Serbisë dhe ministri i Mbrojtjes, Millosh Vuçeviç do të jetë mandatues për përbërjen e Qeverisë së re të Serbisë.

Kjo është bërë e ditur nga presidenti serb Aleksandar Vuçiç, shkruajnë mediat serbe.

“I propozoj Kuvendit Kombëtar të Republikës së Serbisë, Millosh Vuçeviçin për kandidat për kryeministër të Republikës së Serbisë”, ka thënë Vuçiç në llogarinë e tij në Instagram.

Vuçeviç është aktualisht ministër i Mbrojtjes, i cili pritet të jetë pasues i Ana Bërnabiçit.

Presidenti i Serbisë, Aleksandër Vuçiç është takuar sot me të dërguarin e posaçëm të BE-së për dialogun Kosovë-Serbi, Miroslav Lajçak.

Në një postim të bërë në instagram, Vuçiç shkruan se gjatë takimit e ka informuar Lajçakun për situatën e serbëve në Kosovë, të cilën presidenti serb e ka cilësuar si “të padurueshme”. Më tej ai i bën thirrje ndërkombëtarëve të angazhohen për popullin serb në Kosovë.

“Kam biseduar me Miroslav Lajçak për situatën në Kosovë dhe Metohi dhe kushtet e padurueshme për jetën e popullit tonë. Shqyrtuam mundësitë dhe temat për vazhdimin e bisedimeve konstruktive në Bruksel, si dhe hapat e nevojshëm për progres drejt normalizimit të marrëdhënieve ndërmjet Beogradit dhe Prishtinës. Edhe një herë i kam bërë thirrje bashkësisë ndërkombëtare që të angazhohet konkretisht dhe me vendosmëri për çështjet me rëndësi themelore për mbijetesën e popullit serb në Kosovë e Metohi dhe për stabilitetin rajonal”- shkruan Vuçiç.

Presidenti serb, Aleksandër Vuçiç tha se zgjedhjet në Beograd do të mbahen më 2 Qershor. Sipas tij, është e rëndësishme që të respektohen rekomandimet e ODIHR-it. Presidenti serb pretendoi gjithashtu se nuk ka pasur asnjë presion nga jashtë për mbajtjen e zgjedhjeve të përsëritura në Beograd.

“Të gjitha zgjedhjet do të mbahen brenda afatit ligjor dhe kushtetues. Është e saktë juridikisht, data e fundit për shpalljen e zgjedhjeve në Beograd është 3 prilli dhe duhet të shpallet nga kryetari i Kuvendit. Afati i fushatës është nga 45 deri në 60 ditë, pra deri më 2 qershor. Të gjithë nga SNS janë pro që zgjedhjet në Beograd të mbahen më 28 prill.

Meqenëse kanë respekt për atë që kam bërë për vendin dhe partinë, pranuan që më 2 qershor të ketë zgjedhje në Beograd. Të gjitha të tjerat lokale brenda afatit ligjor. Mendoj se është ende e rëndësishme që ne të kemi një zgjedhje që të gjithë do të thonë – ky është rezultati. U bëj thirrje njerëzve të Ministrisë së Punëve të Brendshme që të zbatojnë me rigorozitet ligjin për ndryshimin e qendrave të votimit deri në formimin përfundimtar të listës zgjedhore.”, tha Vuçiç.