Në futbollin modern rezultatet vijnë para gjithçkaje, por Xavi Hernández mendon ndryshe. Ish-trajneri i Barcelonës thekson se projektet kërkojnë durim për të dhënë fryte dhe si shembull përmend gjendjen aktuale të skuadrës katalanase:

“Duhet kohë, Barcelona është ende në proces ndërtimi. Kur e thashë këtë si trajner, më kritikuan, por kujtoni: Lamine është 17 vjeç, Cubarsí 18, Pedri 22, Gavi 20 dhe Baldé 21. Fatkeqësisht, nëse nuk fiton asgjë brenda një sezoni, njerëzit kapen nga paniku”.

Në një intervistë për “The Athletic”, Xavi përmendi edhe Manchester United dhe punën e Ruben Amorim si shembuj të projekteve që kanë nevojë për kohë e durim: “E di çfarë po përpiqet të bëjë Amorim.

Ndodhet në fillim të projektit, ajo që shoh është se lojtarët duan të luftojnë për të. Kjo është thelbësore. Simeone është një tjetër shembull. Pavarësisht nëse ju pëlqen stili i tij apo jo, lojtarët vrapojnë dhe luftojnë për të”.

Xavi gjithashtu doli në mbrojtje të Carlo Ancelottit, rivalit të tij në sezonet e fundit, i cili shpesh është kritikuar, pavarësisht rekordeve të arritura: “Nuk është e drejtë. Ai ka fituar 30 tituj në 10 vite dhe e kritikojnë sikur s’ka fituar kurrë asgjë.

Ernesto Valverde e tha më së miri: Nëse kritikojnë Ancelottin, çfarë shprese kemi ne të tjerët? Presioni në Spanjë është shumë i madh, sidomos te Barcelona dhe Real Madridi”.

Pesë ndeshjet e mbetura deri në fund të La Ligës do të jenë edhe pesë ndeshjet e fundit të Sergio Busquets me fanellën e Barcelonës.

Mesfushori spanjoll njoftoi largimin e tij nga “katalanasit” gjatë javës dhe në konferencën për ndeshjen kundër Espanyol-it, trajneri Xavi ka dashur të flasë ëmbël për kapitenin e tij.

“Është shumë e rëndësishme që Sergio të largohet duke fituar dhe duke u ndjerë i rëndësishëm.

Lamtumira e tij ndikon në ekipin tonë, por është vendimi i tij, është vendimi i një miku tim, lojtari më i zgjuar me të cilin kam luajtur.

Ai ishte 10 në gjithçka, sjellje, stërvitje, qëndrim, në futboll.”-tha trajneri i Barçës.

• Më të lexuarat
• Butrint Imeri nuk i ndahet Kiara Titos? Këngëtari publikon fotot që “çmendën” ndjekësit
• Parashikimi i motit/ Vera që nuk po vjen, si do të jetë koha…
• Kiara Tito publikon foton e veçantë me Luiz Ejllin
• Luiz Ejlli është takuar me Dorin? Olta Gixhari tregon haptazi raportin me çiftin…