Detaje të reja janë zbardhur për ngjarjen te fusha e aviacionit, ku mendohet që 58 vjeçari të jetë rrëzuar aksidentalisht në katin e nëndheshëm të pallatit. Ai u denoncua nga familjarët një ditë më parë se nuk kishte shkuar në shtëpi.about:blank

Dyshimet janë që viktima të jetë endacak dhe të jetë strehuar në ambientet e poshtme të pallatit, ku edhe është rrëzuar nga lartësia duke humbur jetën nga goditja që ka marrë.

Policia e ka konstatuar ditën e sotme pa shenja jete, ndërkohë që në vendin ku është gjetur nuk ka ashensor sikurse njoftoi policia. Identiteti nuk është mësuar ende!

Autoritetet greke kanë arrestuar një shtetas turk të dyshuar si autor i masakrës që ndodhi ditën e djeshme në Lucë, ku u ekzekutuan 6 shtetas turq, të dyshuar fillimisht si shqiptarë.

Mediat greke shkruajnë se gjatë momentin të arrestimit, autori i dyshuar posedonte 2 karta portugeze false, si dhe 4 fishekë 9 mm.

Sipas burimeve, dyshohet se ka qenë një përplasje mes bandave.

Policia greke është duke hetuar rastin si dhe ka ngritur pika kontrolli në aeroportet e vendit.

Detaje të reja janë zbardhur për ngjarjen e rëndë që ndodhi paraditen e  sotme në Vlorë, ku mbeti i vrarë 55-vjeçari me profesion inxhinier, Armando Meshau.about:blank

Bëhet me dije nga burimet për mediat se autori i ngjarjes së rëndë është Rei Meta, i cili u arrestua nga policia disa orë pasi goditi viktimën dhe u largua nga vendi i ngjarjes.

Meta është djali i anëtares së Këshillit të Lartë të Prokurorisë, Nurihan Meta (Seiti).

Autori është zënë me viktimën për ccështje pronësie, teksa ishin Brenda një qendre interneti, në lagjen “Hajro Ccakërri”, të Vlorës.

Detaje të reja janë mësuar nga vrasja e një ditë më parë në fshatin Zëmblak, Maliq, ku burri qëlloi për vdekje gruan e tij. Mullalli ka vrarë gruan e tij, Luiza për motive xhelozie e më pas e ka hedhur në një gropë septike, pranë banesës së saj.

Autori ia ka dalë që të largohet nga vendi i ngjarjes, teksa policia ka ngritur pika kontrolli për kapjen e tij.

55-vjeçari punonte në ndërtim, ndërsa viktima ishte e punësuar në një rrobaqepësi në Korçë. Sipas familjarëve të viktimës, autori konsumonte shpesh alkool. Çifti ishin prindër të 3 fëmijëve, 2 vajza dhe një djalë.

Ndaj 55-vjeçarit rëndon akuza për veprën penale “Vrasja për shkak të marrëdhënieve familjare”.

Zbardhen detaje të reja nga arrestimi mbrëmjen e djeshme në Kavajë me urdhër të SPAK pwr blerje votash. I arrestuari është Klodian Kapidani, 39-vjeç me banim në Kavajë dhe sipas SPAK, në datën 14 maj, kur u zhvilluan zgjedhjet e përgjithshme vendore për zgjedhjen e organeve të qeverisjes vendore, iu ka premtuar dhe iu ka ofruar personave të tjerë shuma monetare me qëllim për të marrë pjesë në votime, për të siguruar pjesëmarrjen edhe të personave të tjerë në votime, si dhe për të përcaktuar mënyrën e votimit.

Për 39-vjeçarin nuk ka pasur asnjë kallëzim nga qytetarë apo subjekte politike, por ai ka dalë nga përgjimet telefonike të disa personave të tjerë që janë nën hetim po nga SPAK, por për vepra të tjera penale që nuk lidhen me shit-blerje votash. Bisedat telefonike dhe SMS-të në aplikacione komunikimi janë kryer pak ditë para zgjedhjeve, si dhe gjatë datës 14 maj, ditë kur qytetarët po votonin.

SPAK nuk e thotë se për cilin kandidat ka punuar, Fisnik Qosen që fitoi, apo Redjan Kralin që humbi. GJKKO ka caktuar masën e sigurimit “arrest në burg” ndaj 39-vjeçarit, i dyshuar për kryerjen e veprës penale “Korrupsioni aktiv në zgjedhje”.