Rreth orës 09:30, në lagjen “Partizani” një automjet tip “Benz”, me drejtues shtetasen 27 vjeçe, ka aksidentuar këmbësorin me iniciale 62 vjeç, i cili aktualisht ndodhet në spitalin e Vlorës, nën kujdesin e mjekëve.about:blank

Në vendngjarje ndodhet grupi hetimor dhe po punon për zbardhjen e plotë të ngjarjes.

Një aksident i rëndë ka ndodhur mbrëmjen e kësaj të shtune, në aksin Elbasan- Metalurgjik. Si pasojë e aksidentit kanë mbetur të plagosur katër persona të cilët janë dërguar në spitalin e Elbasanit me lëndime të rënda.

Nuk dihet ende identiteti i tyre, ndërsa nga informacionet paraprake mësohet se ishin të rinj, ndërsa policia ndodhet në vendngjarje për të mësuar shkaqet e aksidentit.

Policia po punon për zbardhjen e ngjarjes

Një turiste gjermane ka ndërruar jetë në Theth, raporton gazetari i ABC News, Ervin Leka.about:blank

Mësohet se shtetasi ka qenë duke eksploruar zonën me një shtetas tjetër gjerman në vendin e quajtur “Shpella e Harapit”, ndërsa ka rrëshqitur dhe ka rënë në humnerë.

Shërbimet e Policisë janë nisur në vendin e ngjarjes, bashkë me shërbime të specializuara, për të nxjerrë trupin e pajetë të kësaj shtetaseje, nga terreni i vështirë malor ku ka rënë.

Njoftimi i policisë:

Shkodër/Informacion paraprakabout:blank

Mesditën e sotme, salla operative e Komisariatit të Policisë Shkodër ka marrë njoftim nëpërmjet një telefonate se shtetasja gjermane, 31 vjeçe, duke u ngjitur në mal, bashkë me një shtetas tjetër gjerman, në vendin e quajtur “Shpella e Harapit”, Shalë, Shkodër, kishte rrëshkitur dhe kishte rënë në greminë.

about:blank

Si pasojë e dëmtimeve, kjo shtetase ka humbur jetën.

Shërbimet e Policisë janë nisur në vendin e ngjarjes, bashkë me shërbime të specializuara, për të nxjerrë trupin e pajetë të kësaj shtetaseje, nga terreni i vështirë malor ku ka rënë.about:blank

Grupi hetimor vijon punën për sqarimin e rrethanave të kësaj ngjarjeje.

Një mobileri në zonën e Urës së Gjolës është djegur këtë të shtunë si shkak i një shkëndije elektrike, duke përhapur zjarr në magazinën e shtetasit me iniciale E. H.about:blank

Njoftimi policisë:

Krujë/Informacion paraprak

Më datë 07.10.2023, rreth orës 14:30, në Fushë Krujë, në afëri së Urës së Gjolës, në magazinën e mobilerisë së shtetasit E. H., dyshohet se si pasojë e një shkëndije elektrike, ka rënë zjarr. Zjarri është fikur dhe ka vetëm dëme materiale.

Grupi hetimor po punon për sqarimin e rrethanave të ngjarjes.

Një aksident është shënuar mbrëmjen e sotme në tunelin e Elbasanit.

Një makinë ka humbur kontrollin edhe është përplasur me murin brenda në tunel.

Fatmirësisht nuk raportohet për persona të lënduar.

Një i moshuar është gjetur pa shenja jete në afërsi të njësisë Dajt, në Tiranë, ndërsa prej disa ditësh ishte denoncuar në polici nga familjarët si i humbur.about:blank

Policia e Tiranës bën me dije se në trupin e viktimës nuk janë konstatuar shenja dhune, dhe se po punohet për zbardhjen e plotë të ngjarjes.

Njoftimi i policisë:

Më datë 03.10.2023, pas Njësisë Administrative Dajt, është gjetur pa shenja jete dhe pa shenja dhune, shtetasi A. Ç., 83 vjeç.

Ky shtetas është shpallur në kërkim nga Komisariati i Policisë Nr. 4, pas kallëzimit të bërë nga familjarët për largim nga banesa. Grupi hetimor po punon për zbardhjen e rrethanave të ngjarjes.

Disa persona janë raportuar të vdekur pas disa të shtënave me armë zjarri në Roterdam të Holandës.about:blank

Mësohet se nga sulmi me armë zjarri në spitalin universitar të Rotterdamit, dy viktimat e shënuara janë një pedagoge 42-vjeçare e Qendrës Mjekësore Erasmus dhe një zonjë 39-vjeçare.

Po ashtu, bëhet me dije se një vajzë 14-vjeçare, ka mbetur e plagosur nga të shtënat.

Një 38-vjeçar i shpallur në kërkim, është ndaluar ditën e sotme në doganën e Muriqanit.

38-vjeçari M. K banues në Laprakë, pasi nga verifikimet ka rezultuar se Gjykata Durrësit e ka dënuar me 1 muaj burgim, për veprën penale “Drejtim i automjetit në mënyrë të parregullt”.

Shërbimet e PKK Muriqan, në hyrje të vendit, kanë ndaluar shtetasin M. K., 38 vjeç, banues në Laprakë, pasi nga verifikimet ka rezultuar se Gjykata Durrësit e ka dënuar me 1 muaj burgim, për veprën penale “Drejtim i automjetit në mënyrë të parregullt”. Veprimet e tjera procedurale do të kryhen nga DVP Durrës.

Specialistët për Hetimin e Krimeve të Komisariatit të Policisë Shkodër referuan materialet në Prokurori ku nisi procedimi në gjendje të lirë për shtetasin D. Xh., 39 vjeç, pasi u kap duke kryer punime ndërtimi, në tejkalim të lejes që ka marrë për këto punime.

Po këta specialistë referuan materialet në Prokurori ku nisi procedimi në gjendje të lirë për shtetasin Z. L., pasi u kap duke hedhur pa autorizim, materiale ndërtimi (beton), në një sipërfaqe toke, në malin e Taraboshit.

Specialistët për Hetimin e Krimeve të Komisariatit të Policisë Vau i Dejes referuan materialet në Prokurori ku nisi procedimi në gjendje të lirë për shtetasin B. Z., 61 vjeç, pasi dyshohet se ka ndezur një zjarr në fshatin Barbullush, si pasojë e të cilit, është djegur një sipërfaqe toke e mbjellë me misër, në pronësi të një shtetasi tjetër.

Mbrëmjen e djeshme, në fshatin Mali Kolaj, Velipojë, shtetas ende të paidentifikuar, për motive të dobëta, kanë goditur duke i shkaktuar dëme të lehta shtetasit F. P., 38 vjeç, banues në këtë fshat. Ndërkaq, Policia vijon punën për identifikimin dhe për kapjen e autorëve, si dhe për zbardhjen e rrethanave të këtij rasti.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Një aksident ka ndodhur ditën e sotme në Kolonjë, ku një automjet ka përplasur një këmbësor.

Policia bën me dije se rreth orës 13:20, në Leskovik, automjeti tip “Ford”, me drejtues shtetasin K. P., rreth 68 vjeç, banues në Çarçovë, Përmet, ka përplasur këmbësorin B. C., rreth 74 vjeç, banues në Leskovik, i cili u dërgua në spitalin e Ersekës, ku ndodhet jashtë rrezikut për jetën.

Me drejtuesin e automjetit po kryhen veprimet e mëtejshme procedurale. Grupi hetimor po punon për përcaktimin e shkaqeve të aksidentit.

Një bombol gazi ka shpërthyer në një banesë në lagjen ‘Donika Kastrioti’ në Berat.

Mësohet se nuk ka të lënduar, por vetëm dëme materiale.about:blank

Ekipet zjarrfikëse kane shkuar në vendngjarje, dhe kanë bërë të mundur shuarjen e flakëve. 

Vijon…