Partia Socialiste ka depozituar zyrtarisht dokumentin me propozimet për ndarjen e Komisioneve Parlamentare.

Dokumenti iu është depozituar kryetarit të Kuvendit, me firmën e Taulant Ballës, Olta Xhaçkës, Eduard Shalsit, Ulsi Manjës dhe Evis Kushit.

Komisioni i Medias është ndarë ndarë në 3 pjesë dhe do t’i bashkohet atij të Jashtëm me Komisionin e Integrimit.

Sipas propozimit të PS, do të shtohet Komisioni Burimeve Natyrore, Komisioni për Turizmin dhe ai për Qytetarët, të cilat kryedemokrati Sali Berisha ka paralajmëruar që PD nuk do t’i votojë.

Tiranë, më .09.2025

Lënda: Projektvendim “Për disa ndryshime në vendimin e Kuvendit nr. 166, datë 16.12.2004, “Për miratimin e Rregullores së Kuvendit të Shqipërisë”, të ndryshuar

NIKO PELESHI

Kryetar i Kuvendit

Fation Bushgjokaj, një prej tre vëllezërve të arrestuar për vrasjen e Renis Dobrës në Mat, ka dhënë dëshminë para grupit hetimor.

Ai ka pranuar se me 23-vjeçarin janë njohur në Gjermani dhe kanë punuar në aktivitete të paligjshme të trafikut të lëndëve narkotike.

Megjithatë, ai mohon të ketë lidhje me vrasjen e tij, duke theksuar se nuk ka asnjë përfshirje në ngjarje, por pranon konfliktet dhe sherret që ka pasur më parë me viktimën.

Nga ana tjetër, Petrit Çakrri pranon pjesërisht se ditën e ngjarjes ka qenë në zonën ku ndodhi krimi.

Sipas tij, ai nuk e njihte personalisht viktimën dhe pohon se nuk ka lidhje me ngjarjen, as nuk e dinte çfarë kishte ndodhur.

Çakrri ka deklaruar se i vetmi nga vëllezërit Bushgjokaj që njihte ishte Kristi Bushgjokaj, i cili aktualisht është në kërkim nga policia.

Ai ka sqaruar se me Kristin është njohur në burg dhe marrëdhënia e tyre kishte vazhduar edhe pas daljes.

Sipas dëshmisë së tij, Çakrri thotë se ishte takuar me vëllezërit Bushgjokaj pasi ata i kishin thënë se do të dilnin në zonë për të kërkuar një sasi droge nëpër fshatra.

Gjatë rrugës, sipas tij, janë ndarë në dy makina. Ai ka treguar edhe dinamikën e lëvizjes, e cila përputhet me pamjet e kamerave të sigurisë të analizuara nga policia.

Megjithatë, Çakrri mohon çdo përfshirje në vrasje, duke deklaruar se nuk e di çfarë ka ndodhur me Renis Dobrën.

Ai ka shtuar se në një moment, vëllezërit Bushgjokaj janë futur në një tjetër makinë, që sipas grupit hetimor, mendohet të jetë automjeti i 23-vjeçarit.

Më pas më thanë “ik tani”, ka treguar më tej Çakrri. Në lidhje me atë çfarë kishte ndodhur me Dobrën, ai shprehet se e ka marrë vesh vetëm nga mediat.

Një ditë më parë, Policia e Dibrës zbardhi ngjarjen duke arrestuar dy persona, Fation Bushgjokën dhe Petrit Çakrrin.

Ndërsa në kërkim shpalli dy vëllezërit e Fationit, Kristi dhe Aleksandër Bushgjokajn.

Sipas Policisë së Dibrës, motiv i vrasjes së 23-vjeçarit në Mat dyshohet të ketë qenë konflikti për drogën në Gjermani.

Renis Dobra 23 vjeç u vra mbrëmjen e 8 Korrikut 2025 në fshatin Madhesh të Matit. Ai ishte mbytur me litar nga autorët dhe më pas trupi i tij ishte futur brenda makinës. Autorët tentuan ta hidhnin makinën në Liqenin e Ulzës, por trupi mbeti pa rënë./shqiptarja.com

Lokali ishte me pak njerëz në momentin që është ekzekutuar me 14 plumba në gusht të vitit të kaluar Elis Rroshkodoli. Njëri prej qytetarëve që po konsumonte kafe në lokalin që ndodhej viktima ka dhënë versionin e tij të ngjarjes.

Sipas dosjes së siguruar  I.I. ka deklaruar se: “Banon në lagjen “Ahmet Haxhia” dhe rreth orës 10.30 ka shkuar i vetëm për të pirë kafe tek lokal “Gjuetari”. Kur ka mbërritur tek lokali është ulur i vetëm në krahun e djathtë të verandës së jashtme, me fytyrë nga hyrja e lokalit.

Kujton që tek pjesa e jashtme e verandës, në krahun e majtë të pjesës së brendshme të verandës, kanë qenë të ulur dy shtetas. Njëri nga shtetasit ishte një djalë i dobët, me kapele, me bluzë me krahë të shkurtra (djali që i shpëtoi atentatit), ndërsa shtetasin tjetër (që ka mbetur i vrarë) nuk e ka fiksuar në karakteristika, pasi ishte në profil me të. Njerëz të tjerë të ulur në verandë nuk kishte.

Pasi është ulur ka qenë duke luajtur shah në telefon. Në një moment ka dëgjuar krisma, ka ngritur kokën dhe ka parë që një person i veshur me rroba me ngjyrë midis kafes dhe të zezës po gjuante me armë në drejtim të shtetasit që ka mbetur i vdekur. Pasi ka vrarë shtetasin që ka mbetur i vdekur, ai ka drejtuar armën tek shtetasi tjetër që ishte në tavolinë, i cili nga frika beson se ishte i shtrirë në tokë.

Në momentin që autori drejtoi armën, shtetasi i shtrirë në tokë është shprehur se nuk kishte asnjë faj dhe kishin të bënin me të. Menjëherë pas kësaj autori është tërhequr dhe është drejtuar për nga trotuari, tek është dhe hyrja e lokalit. Deklaron se mesa arrin të kuptojë ai nga situata, ishte vetëm nje autor i përfshirë në vendin e ngjarjes, pasi nga pjesa e trotuarit para lokalit dhe brenda verandës së lokalit, ka qenë vetëm një shtetas që ka vepruar.

Ky shtetas kishte të veshur rroba me ngjyrë midis kafes dhe të zezës, ishte mbi 170 cm, trup mesatar përsa i përket shëndetit. Ka fiksuar vetëm që autori ishte i maskuar. Gjë tjetër nuk kujton, pasi tregon se e ka humbur toruan nga ngjarja. Rrugën se nga erdhi autori nuk e di, pasi e kuptoi situatën vetëm në momentin që kishte krisma, pasi ka qenë duke luajtur në telefon.

Pastaj kur iku kujton që në rrugën përballë lokalit ka qenë një makinë ngjyrë e errët dhe nuk di të thotë në ka hipur në makinë apo ka ikur në këmbë, pasi nuk e ka fiksuar dot. Tregon se arma nuk ishte pistoletë, domethënë nuk ishte armë e shkurtër, ishte një armë rreth 60 cm e gjatë dhe qitjet i kishte tek e tek të gjitha.

Autoriteti Kombëtar për Sigurinë Kibernetike (AKSK) ka ndërmarrë menjëherë masa për të bllokuar një skemë mashtruese që synonte vjedhjen e të dhënave bankare përmes mesazheve të rreme që vinin në emër të Postës Shqiptare.

Sipas AKSK-së, domaini i dyshuar është raportuar dhe i është dërguar për bllokim pranë Autoritetit të Komunikimeve Elektronike dhe Postare (AKEP). Fushata mashtruese përbën një tjetër përpjekje për të vjedhur të dhënat e kartave të kreditit, në mënyrë të ngjashme me rastet e mëparshme që janë shënuar në vend.

Njoftimi  Autoritetit për Sigurinë Kibernetike:

Autoriteti Kombëtar për Sigurinë Kibernetike ka ndërmarrë menjëherë të gjitha masat për të bllokuar një skemë mashtruese që synonte vjedhjen e të dhënave bankare përmes mesazheve të rreme në emër të Postës Shqiptare. Domaini i rrezikshëm është raportuar dhe dërguar për bllokim te AKEP. Kjo fushatë nuk ka lidhje me një aktor të sponsorizuar specifik, por është një tjetër përpjekje për të vjedhur të dhënat e kartave të kreditit, njësoj si rastet e mëparshme që janë hasur nga imitues të Postës Shqiptare. Kujdes! Mos jepni në asnjë rast të dhënat tuaja bankare apo të kartës përmes formave të dyshimta! AKSK vijon monitorimin dhe bashkëpunimin e ngushtë me institucionet përgjegjëse për të parandaluar çdo përpjekje për mashtrim digjital

Përmes një postimi në Instagram, Kevin tha se tashmë po fillon një kapitull i ri për të dhe Anën, të cilën e quajti Hyjneshë.

“Kemi qenë larg njëri-tjetrit një kohë të gjatë dhe nuk ka qenë e lehtë për të dy. Por, sot është kapitulli i parë i historisë tonë, duke jetuar së bashkë dhe jetesës sime zyrtarisht në Kosovë”.

Mediat turke raportuan se arsyeja e qëndrimit të Izraelit në Festivalin e Këngës në Eurovision, pas thirrjeve të shumta për përjashtim, ishte një kërcënim nga kanali televiziv gjerman ARD, i cili tha se do të tërhiqej nëse Izraeli përjashtohej. Sipas burimit Martin Gak nga Unioni Evropian i Transmetimeve (EBU), arsyeja e qëndrimit të Izraelit në konkurs pavarësisht reagimeve ndaj përjashtimit të tij nga Festivali i Këngës në Eurovision për shkak të gjenocidit në Gaza është kërcënimi i kanalit televiziv gjerman ARD, i cili tha: “Nëse Izraeli përjashtohet, edhe ne do të tërhiqemi”.

Siç raporton gazeta turke Cumhuriyet, dështimi i thirrjes për të përjashtuar Izraelin nga Festivali i Këngës në Eurovision për shkak të gjenocidit në Gaza dhe pjesëmarrja e Izraelit në këtë konkurs ngritën pyetje në lidhje me qëndrimin ndaj Izraelit në institucionet ndërkombëtare. Gak pohoi se Gjermania luajti një rol aktiv në mbajtjen e Izraelit në Festivalin e Këngës në Eurovision dhe komentoi për AA-në mbi vendimin e organizatës për të mos e përjashtuar Izraelin nga konkursi, pavarësisht përjashtimit të mëparshëm të Rusisë.

Ai deklaroi gjithashtu se kërkesat për përjashtimin e Izraelit nga Festivali i Këngës në Eurovision po bllokohen në veçanti nga Gjermania dhe tha: “Gjermania është një pjesë e fortë e EBU-së. Ndërsa transmetues të ndryshëm ishin ulur rreth tryezës duke kërkuar përjashtimin e Izraelit, gjermanët thanë se nëse pjesëmarrja e Izraelit pezullohej, edhe ata do të tërhiqeshin.”

“Nëse shikoni marrëdhënien e qeverisë gjermane me Izraelin, qëndrimi i tyre e bën këtë pretendim të besueshëm”-tha Gak, duke cituar një burim brenda EBU-së, organizatorëve të Festivalit të Këngës në Eurovision. Gak pohoi gjithashtu se konkurrenti holandez Joost Klein u skualifikua nga Festivali i Këngës në Eurovision 2024 menjëherë pasi kritikoi Izraelin dhe tha: “Konkurrenti holandez, i cili portretizohet si favoriti për Festivalin e Këngës në Eurovision, kritikoi Izraelin ndërsa ishte ulur pranë përfaqësuesit izraelit në një konferencë për shtyp dhe e bëri të qartë se është kundër pjesëmarrjes së izraelitëve në konkurs.”

“Disa ditë më vonë, papritur, filloi të qarkullonte një thashethem se Klein kishte ngacmuar ose ngacmuar një anëtare femër të ekipit në prapaskenë, dhe EBU njoftoi se po hetonte incidentin,”-pohoi Gak, duke shtuar se izraelitët fajësuan Klein dhe EBU e skualifikoi konkurrentin holandez nga finalja pa pritur që hetimi të përfundonte. Rikujtojmë se kryeministri i Spanjës, Pedro Sanchez, tha se Izraeli duhet të përjashtohet nga Festivali i Këngës në Eurovision dhe transmetuesi publik spanjoll RTVE, së bashku me disa shërbime të tjera publike të vendeve evropiane, kërkuan të diskutohej pjesëmarrja e tij në konkurs.

Policia italiane zbardhi detaje nga operacioni më i fundit i arrestimit të një shqiptari në Piza, me një ngarkesë 21 kg kokainë të fshehur në depon e shtëpisë dhe arsenal armatimi gati për “luftë”.

Karabinierët e kompanisë Firence Oltrarno, me mbështetjen e forcave të Pizës në Firence publikuan edhe foto nga ky aksion, ku ra në sy detaji se pakot e drogës ishin të stampuara me markën “CR7”, të futbollistit portugez Cristiano Ronaldo.

Aksioni u krye në apartamentin e shqiptarit, në zonën e Pisano, në Calambrone. Karabinierët dyshonin për lëvizjet e pazakonta të makinës së përdorur nga i dyshuari, të cilat, pas një sërë operacionesh vëzhgimi, i lejuan ata të identifikonin depon e vërtetë të drogës.

Droga ishte e ndarë në 21 pako një kilogramëshe. U gjetën dhe sekuestruan një armë automatike “Kallashnikov”, një pistoletë, disa telefona, materiale paketimi për fishekët dhe dozat e drogës, informon media italiane.

Droga vlerësohet me një çmim prej të paktën 600 mijë eurosh në tregun e shumicës, por që fitimet trefishoheshin pas prerjes së saj

Gara mes kandidatëve për deputetë të listës së hapur duket se po shndërrohet në shqetësim për partitë e mëdha. Kjo pasi, diferencën mes kandidatëve e bën një votë më shumë e cila të çon në Parlament. Teksa jemi 42 ditë larg zgjedhjeve parlamentare të 11 majit, kandidatët e të gjithëve krahëve të politikës po luftojnë për çdo votë.

Dhe kjo “luftë” në terren duket se ka shqetësuar kryetarin e PS dhe njëherazi kryeministrin Edi Rama. Rama u është drejtuar të gjithë kandidatëve përmes një mesazhi duke kërkuar që secili prej tyre të respektojë kufijtë e zonave elektorale të përcaktuara nga drejtuesi politik.

“Asnjë deputet s’duhet të hapë zyra te veta jashtë zonës së caktuar nga drejtuesi politik. Deputeti është i lirë të bëjë takime ku të dojë, por në asnjë mënyrë nuk duhet të përdorë për takimet e tij strukturën. Struktura është në funksion të qëllimit të përbashkët, jo për t’u bërë tabelë qitje e çdo deputeti”, thuhet në mesazhin e Ramës.

Kreu i qeverisë i ka tërhequr vëmendjen edhe kandidatëve të listës së mbyllur të cilët në këto zgjedhje nuk e kanë të nevojshme të bëjnë fushatë për veten. Rama u kujton atyre se nuk duhet kurrsesi të kërkojnë vota për kandidatët e listës së hapur, por vetëm për PS-në, numrin 5.

“Të gjithëve duhet t‘u thonë tek vota preferenciale jeni të lirë! Po ashtu deputetët në listën e hapur nuk është mirë t’u kërkojnë kolegëve në listën e mbyllur vota në zonën përkatëse, pasi e para i vënë në pozitë të vështirë, e dyta i shtyjnë drejt prishjes së barazisë së garës dhe e treta i bëjnë të çorodisin strukturën””, vijon më tej mesazhi i Ramës.

Mesazhi i Ramës drejtuar kandidatëve të PS:

“Asnjë deputet s’duhet të hapë zyra te veta jashtë zonës së caktuar nga drejtuesi politik. Deputeti është i lirë të bëjë takime ku të dojë, por në asnjë mënyrë nuk duhet të përdorë për takimet e tij strukturën. Struktura është në funksion të qëllimit të përbashkët, jo për t’u bërë tabelë qitje e çdo deputeti. Deputetët në listë të mbyllur nuk duhet kategorikisht të kërkojnë vota për asnjë deputet në listën e hapur, po vetëm për numrin 5. Të gjithëve duhet t‘u thonë tek vota preferenciale jeni të lirë! Po ashtu deputetët në listën e hapur nuk është mirë t’u kërkojnë kolegëve në listën e mbyllur vota në zonën përkatëse, pasi e para i vënë në pozitë të vështirë, e dyta i shtyjnë drejt prishjes së barazisë së garës dhe e treta i bëjnë të çorodisin strukturën”.

Është identifikuar autori i vrasjes së 67-vjeçarit Dod Mamli, i cili u ekzekutua mbrëmjen e djeshme me armë zjarri në rrugën e fshatit Vilëz në Kurbin.

Siç njofton policia, autori i dyshuar është shtetasi me iniciale D. T., ndërsa shkak i vrasjes së 67-vjeçarit, thuhet se janë qenë përplasjet mes tyre për motive pronësie.

Pas ngjarjes, shërbimet operacionale dhe ato të Forcës Kombëtare të Sigurisë kanë vijuar përgjatë natës kontrollet për kapjen e autorit të dyshuar, por dhe si pasojë e errësirës nuk u bë e mundur gjetja e tij.

NHjoftimi i policisë Kurbin:

Falë veprimeve të shpejta profesionale dhe hetimore të kryera në vendngjarje, Policia identifikon dhe shpall në kërkim autorin e dyshuar të vrasjes me armë zjarri, të 67-vjeçarit, në fshatin Vilëz, Zhejë, Kurbin.

Menjëherë pas njoftimit të marrë rreth orës 18:00 të datës 24.02.2025, se një shtetas ishte vrarë me armë zjarri në fshatin Vilëz, Zhejë, Kurbin, shërbimet e Policisë kanë shkuar në vendngjarje.

Për hetimin dhe zbardhjen e kësaj ngjarjeje u ngrit një grup i posaçëm hetimor dhe me specialistët e Drejtorisë së Krimeve të Rënda në Departamentin e Policisë Kriminale në Policinë e Shtetit.

Në ndihmë të Policisë vendore shkuan katër grupe të Forcës Kombëtare të Sigurisë, Njësia Shkodër.

Falë veprimeve të shpejta hetimore, të kryera nga grupi hetimor, në bashkëpunim me Prokurorinë, u bë i mundur identifikimi i autorit të dyshuar shtetasit D. T., i cili dyshohet se për motive pronësie, ka vrarë me armë zjarri pistoletë, shtetasin D. M.

Shërbimet operacionale dhe ato të Forcës Kombëtare të Sigurisë kanë vijuar përgjatë natës kontrollet për kapjen e autorit të dyshuar, por dhe si pasojë e errësirës nuk u bë e mundur gjetja e tij.

Shërbimet e Policisë vijojnë kontrollet në të gjithë zonën dhe po kryhen veprime të tjera hetimore me qëllim lokalizimin, kapjen dhe arrestimin e autorit dhe dokumentimin e plotë ligjor të ngjarjes.

Reshjet e dëborës kanë zbardhur zonat malore të Shqipërisë.

Reshje kanë rënë edhe në lartësinë 500 m mbi nivelin e detit.

Aktualisht nuk ka vështirësi në rrugë, megjithatë policia bën thirrje drejtueseve të automjeteve të kenë kujdes.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.