Mendohet se dyshja mund të jetë e përfshirë në një lidhje romantike, pasi të dy kanë ndarë foto që duket të jetë e njëjta rezidencë në Liqenin e Komos, Itali.

Armando Broja ka qenë një nga goditjet e verës për Burnley-n, por detajet e reja nga marrëveshja me Chelsea-n zbulojnë prapaskena interesante të kontratës së tij. Sulmuesi i kombëtares shqiptare u transferua së bashku me mesfushorin Lesley Ugochukwu për një shumë të kombinuar prej 35 milionë paundësh. Por, sipas “The Sun”, Burnley nuk ka paguar të gjithë shumën menjëherë.

Chelsea ka pranuar që pagesat të bëhen me këste, një pjesë e vogël tani, një tjetër në janar dhe pjesa tjetër e shpërndarë gjatë viteve të kontratave të lojtarëve.

“Zero respekt pas katër vitesh…”/ Donnarumma përplaset me PSG, agjenti kërcënon me veprime ligjore Megjithatë, klubi londinez ka futur një klauzolë të veçantë: nëse Burnley bie nga Premier League dhe vendos të shesë Brojën, atëherë duhet t’i paguajë Chelsea-t menjëherë të gjithë shumën e mbetur. Kjo do t’i siguronte “Blues” një rritje të shpejtë të të ardhurave dhe e mbron klubin nga humbjet e mundshme.

Broja ka firmosur me shpresën për të rigjetur formën e tij pas dëmtimeve dhe për të ndihmuar Burnley-n të qëndrojë në elitë. Megjithatë, kjo klauzolë do të thotë se çdo lëvizje e tij në të ardhmen mund të ketë ndikim të madh financiar për të dy klubet.

Policia e Tiranës ka finalizuar me sukses operacionin policor të koduar “Vlera”, i cili kishte në fokus zbardhjen e disa rasteve të vjedhjes së pronës dhe pasurisë.

Si rezultat i hetimeve, janë identifikuar dhe ndaluar dy autorë të dyshuar për vjedhje me thyerje në dy banesa, që ndodhën gjatë muajve shkurt dhe korrik. Në pranga ka rënë shtetasi R. K., 57 vjeç, ndërsa bashkëpunëtori i tij, G. L., 30 vjeç, është shpallur në kërkim.

Gjatë kontrollit në banesën e të arrestuarit, policia gjeti dhe sekuestroi si prova materiale shumën prej 900 mijë lekësh, 5 700 euro, 12 orë dore, 20 bizhuteri të ndryshme, 8 celularë, si dhe mjete që dyshohet se janë përdorur për të kryer vjedhjet.

Hetimet vijojnë për të kapur personin në kërkim dhe për të dokumentuar raste të tjera të mundshme vjedhjeje.
Materialet procedurale i janë referuar Prokurorisë së Tiranës për veprime të mëtejshme, për veprën penale “Vjedhja”, kryer në bashkëpunim.

Zbardhen detaje të reja lidhur me grupin kriminal që akuzohet se trafikoi 6 ton kokainë me vlerë 411 mln euro, nga Amerika Latine drejt vendeve të Evropës.

Në kuadër të operacionit të SPAK kundrejt këtij grupi janë arrestuar, Ermir Ndreaj, Artur e Klevis Hoxhosman, Plaurent Dervishaj dhe Erion Alibej, ndërsa në kërkim janë shpallur Ilir Lloshi dhe Devid Patrut. Në dosje janë zbuluar nofkat që grupi kriminal i kokainës përdorte në kominikimet e tyre në aplikacionin SKYECC.

Artur Hoxhosmani njihet me nofkat Burrelsi, Lambo, Santucio dhe Santocio New. Devid Patrut alias Devid Boraj alias Elidon Skëndat njihet me pseudonimet Bisha dhe Bisha New. Ermir Ndreaj njihet me pseudoninim Cinco.

Plaurent Dervishaj njihet me pseudonimet “Xio” “shoku” dhe “plaku matuf”. Klevis Hoxhosmani njihet me pseudonimet “keli” dhe “Santucio brother”.

LEZHA- Një aksion për goditjen e veprimtarive kriminale në fushën e narkotikëve është zhvilluar në Lezhë nga ku mësohet se në dy fshatra përkatësisht në Rrabosht dhe në Gocaj janë zbuluar dy sera në të cilat ishin kultivuar 1 640 fidanë dhe bimë narkotike kanabis sativa.

Bëhet me dije se në pranga kanë rënë tre persona, Gjovan Gjini,⁠ Agustin Çotaj dhe ⁠Pashk Ndreca, ndërsa dy të tjerë janë shpallur në kërkim, të përfshirë në këtë veprimtari kriminale.

Nga hetimet dyshohet se këta persona bashkëpunonin me 2 të tjerë që u konstatuan një ditë më parë, duke transportuar rreth 34 kg kanabis, për kultivimin, prodhimin dhe shitjen e kanabisit.

Në drejtimin e Prokurorisë vijojnë hetimet për dokumentimin e plotë të kësaj veprimtarie kriminale, identifikimin dhe kapjen e personave të tjerë që mund të jenë të përfshirë. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

Njoftimi i plotë i policisë:

Lezhë/Vijon operacioni i koduar “Vakumi”, për goditjen e veprimtarive kriminale në fushën e narkotikëve.

Si rezultat i hetimeve me metoda proaktive dhe i kontrolleve, zbulohen në fshatrat Rrabosht dhe Gocaj, 2 sera në të cilat ishin kultivuar 1 640 fidanë dhe bimë narkotike cannabis sativa.

Vihen në pranga 3 shtetas që u kapën në flagrancë në sera. Shpallen në kërkim 2 shtetas të tjerë të dyshuar të përfshirë në këtë veprimtari kriminale.

Nga hetimet dyshohet se këta shtetas bashkëpunonin me 2 shtetasit që u konstatuan një ditë më parë, duke transportuar rreth 34 kg kanabis, për kultivimin, prodhimin dhe shitjen e kanabisit.

Sektori për Hetimin e Narkotikëve i DVP Lezhë, në bashkëpunim me Drejtorinë e Forcës së Posaçme Operacionale në Departamentin e Policisë Kriminale në Policinë e Shtetit, dhe me Seksionin për Mbështetjen Operacionale të DVP Lezhë, si rezultat i hetimeve të kryera me metoda proaktive, për goditjen e veprimtarive kriminale në fushën e narkotikëve, në vijim të operacionit të koduar “Vakumi”, kanë arrestuar në flagrancë shtetasit:

Gj. Gj., 46 vjeç, banues në fshatin Rabosht, A. Ç., 33 vjeç, banues në fshatin Balldre dhe P. N., 31 vjeç, banues në fshatin Ungrej.

Gjithashtu, shpallën në kërkim shtetasit A. B., 40 vjeç, banues në fshatin Rabosht dhe M. D., 31 vjeç, banues në fshatin Ungrej.

Bazuar në informacionet e siguruara nga hetimet, shërbimet e Policisë kanë ushtuar kontroll në territoret e fshatrave Rrabosht, njësia administrative Kallmet, dhe Gocaj, njësia administrative Balldre, ku kanë zbuluar 2 sera në të cilat ishin kultivuar në total, në tokë dhe në vazo, 1 640 fidanë dhe bimë narkotike cannabis sativa. Një pjesë e tyre u sekuestrua në cilësinë e provës materiale, ndërsa pjesa tjetër u asgjësua me anë të djegies.

Gjithashtu, u sekuestruan 7 automjete dhe 7 celularë, që do t’i shërbejnë vijimit të hetimeve.

Në drejtimin e Prokurorisë vijojnë hetimet për dokumentimin e plotë të kësaj veprimtarie kriminale, identifikimin dhe kapjen e shtetasve të tjerë që mund të jenë të përfshirë. Ndërkohë, vijon puna për kapjen e shtetasve që janë shpallur në kërkim.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

Dy “shtëpi bari” u zbuluan në fshatin Xhan në Shkodër, ndërsa u arrestua në flagrancë një 46-vjeçar, i cili dyshohet se kishte kultivuar bimët narkotike.

Vijon me intensitet megaoperacioni “Territor i pastër”, kundër kultivimit të bimëve narkotike.

Operacioni nga Komisariati i Policisë Shkodër, i zhvilluar në territorin e fshatit Xhan, të njësisë administrative Pult, gjatë të cilit u godit një tjetër rast i kultivimit dhe prodhimit të kanabisit dhe i armëmbajtjes pa leje.

Gjatë operacionit, shërbimet e Policisë kapën në flagrancë dhe vunë në pranga një 46-vjeçar, që dyshohet se kishte kultivuar bimët narkotike dhe mbante pa leje armë zjarri e municion luftarak.

Asgjësohen rreth 390 bimë kanabis, shumica në proces tharjeje.

Sekuestrohet një armë zjarri kallashnikov dhe municion luftarak.

Në vijim të megaoperacionit kombëtar të koduar “Territor i pastër”, shërbimet e Komisariatit të Policisë Shkodër, gjatë kontrollit të territorit, në fshatin Xhan, të njësisë administrative Pult, kanë konstatuar të mbjella në tokë 54 bimë të dyshuara kanabis.

Gjithashtu, gjatë kontrollit në dy banesa të braktisura, u gjetën rreth 336 bimë të dyshuara narkotike kanabis në proces tharjeje, të cilat u asgjësuan nëpërmjet djegies.

Po gjatë kontrollit, shërbimet e Policisë gjetën dhe sekuestruan një armë zjarri kallashnikov dhe municion luftarak.

Në vijim të veprimeve, u bë arrestimi në flagrancë i shtetasit A. F., 46 vjeç, banues në fshatin Bleran, i dyshuar si autor i kultivimit të bimëve kanabis dhe posedues i armës së zjarrit dhe municionit luftarak që u gjetën në dy banesat e braktisura që i kishte në përdorim ky shtetas.

Materialet procedurale i kaluan Prokurorisë për veprime të mëtejshme.

Tirana, Elbasani dhe Korça janë tre qytetet me ndotjen më të lartë të ajrit për vitin e shkuar. Në këtë përfundim ka dalë Agjencia Kombëtare e Mjedisit në raportin e vitit 2023.

Bazuar në rezultatet e monitorimit kemi tejkalim të normës vjetore të PM10 në stacionin e Tirana Higjiena dhe në stacionin e Elbasanit. Në stacionin e Tirana higjiena kemi një tejkalim të normës vjetore të PM10 në masën 35.4%, ndërsa në stacionin e Elbasanit kemi një tejkalim të normës vjetore në masën 19.62%.

Agjencia Kombëtare e Mjedisit

Sipas AKM, shkaku kryesor i ndotjes së ajrit në kryeqytet janë automjetet, në Korçë drutë e  zjarrit që përdoren për ngrohje, ndërsa në Elbasan aktiviteti industrial në zonën e Ish-metalurgjikut. Kjo situatë kryesisht në muajt e verë, e veçanërisht në korrik.

“Është djegur më shumë karburant si pasojë e shtimit të lëvizjes së automjeteve, por edhe avionëve. Gjithashtu temperaturat e larta amplifikojnë ndotësit e ajrit”, thotë për televizionin A2 Françeska Korançe, pedagoge, eksperte mjedisi.

Sipas gjetjeve të Agjencisë Kombëtare të Mjedisit, grimcat e dëmshme në ajër  mund të prodhojnë një “krizë të rëndë të shëndetit publik”. “Kjo shton sëmundjet e kancerit me 10 për qind. Gjithashtu shtohen sëmundjet kardiovakulare etj. “Ne nuk do duhej të kishim këta tregues. Kjo pasi nuk kemi industri apo prodhim energjie me djegie si vendet e tjera të Rajonit”, thotë Korançe.

Sipas Agjencisë Evropiane të Mjedisit, 23 për qind e vdekjeve në Shqipëri shkaktohen nga probleme mjedisore që kthehen në probleme shëndetësore

Një 31-vjeccar ka rënë në pranga në Pogradec në fshatin Tallë. Sipas policisë, i riu dyshohet se ishte përgjegjës për mbjelljen e 610 bimëve narkotike, kanabis. Gjithashtu policia ka sekuestruar edhe një armë gjahu dhe municion luftarak.

Njoftimi i policisë:

Pogradec/Kontroll intensiv i territorit, në kuadër të planit operacional anticannabis të koduar “Territor i pastër”.

Goditet një rast i kultivimit të bimëve narkotike, në fshatin Tallë. Asgjësohen 610 bimë narkotike cannabis sativa.

Vihet në pranga një 31-vjeçar që u kap në flagrancë duke u kujdesur për bimët narkotike.

Sekuestrohen 1 armë gjahu dhe municion luftarak, që u gjetën në tokën ku ishin kultivuar bimët narkotike.

Në zbatim të masave të përcaktuara në planin operacional kombëtar “Territor i pastër”, për parandalimin, evidentimin dhe goditjen e veprimtarisë kriminale të kultivimit të bimëve narkotike, shërbimet e Komisariatit të Policisë Pogradec kanë intesifikuar kontrollet në terren, duke u bazuar në inteligjencën policore. Si rezultat i kontrolleve, në vendin e quajtur “Uji i Ftohtë”, në fshatin Tallë, u gjetën të kultivuara 610 bimë narkotike cannabis sativa, të cilat u asgjësuan me anë të djegjes.

Gjatë kontrollit të territorit, u gjetën dhe 1 armë gjahu dhe municion luftarak, të cilat u sekuestruan në cilësinë e provës materiale, bashkë më 2 celularë.

Në vijim të veprimeve për këtë rast u arrestua në flagrancë shtetasi D. S., 31 vjeç, banues në fshatin Çermë-Sektor, Divjakë.

Vijojnë veprimet hetimore për identifikimin e shtetasve të tjerë për përfshirë në këtë rast të kultivimit të bimëve narkotike.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprat penale “Kultivimi i bimëve narkotike”, kryer në bashkëpunim dhe “Prodhimi dhe mbajtja pa leje e armëve të gjuetisë dhe sportive”.

20 qytete të vendit do të pajisen me një sistem kamerash inteligjente me qëllim rritjen e sigurisë në komunitet, mbrojtjen e jetës e pronës private si dhe monitorimin e trafikut rrugor.

Tv Klan ka zbardhur listën me 20 qytetet ku do të instalohen këto pajisje, të cilat do jenë funksionale 24 orë.

Në 5 prej qyteteve, konkretisht Kamëz, Vlorë, Lezhë, Rrëshen dhe në një pjesë të Tiranës ka nisur instalimi i kamerave inteligjente.

Përmes këtyre pajisjeve me rezolucion të lartë monitorohet situata në terren, lëvizja e çdo automjeti si dhe identifikohen targat e makinave të shpallura ‘alert’.

Kamerat inteligjente me rezolucion të lartë funksionojnë edhe në audio dhe mundësojnë pamje të qarta edhe për persona të dyshuar që lëvizin në këmbë apo me automjet.

Qytetet e përcaktuara për të qenë pjesë e projektit “Smart City” janë përzgjedhur nga Ministria e Brendshme në bashkëpunim me Policinë e Shtetit bazuar në nivelin e kriminalitetit që ato kanë.

Projekti për monitorimin me kamera inteligjente të 20 qyteteve do të kushtojë në total 60 milionë Euro, ku një pjesë e konsiderueshme e vlerës do të mundësohet nga Emiratet e Bashkuara Arabe.

Lista e plotë e qyteteve që do të përfshihen nga projekti “Smart City”

Tiranë
Durrës
Kamëz
Kavajë
Krujë
Laç
Lezhë
Rrëshen
Shkodër
Elbasan
Pogradec
Korçë
Lushnje
Fier
Berat
Vlorë
Sarandë
Gjirokastër
Peshkopi
Kukës

Ministri izraelit i Sigurisë Itamar Ben-Gvir është aksidentuar këtë të premte, duke pësuar kështu disa lëndime të lehta. Ai u transportua në spital dhe ndodhet në gjendje të qëndrueshme shëndetësore.

Ende nuk dihet shkaku i aksidentit dhe policia po punon për zbardhjen e rrethanave të ngjarjes.

Në pamjet e publikuara nga mediat izraelite duke se aksidenti ka qenë i fortë pasi makina e ministrit izraelit është përmbysur.