Qershitë nuk janë vetëm një kënaqësi sezonale – ky frut i kuq, i freskët dhe krokant, është një superushqim me vlera të jashtëzakonshme për shëndetin. Studiuesit kanë konfirmuar se përveçse janë të pasura me vitamina, minerale dhe fibra, qershitë ndihmojnë në përmirësimin e gjumit, ulin inflamacionin dhe forcojnë zemrën.

Forcojnë sistemin imunitar dhe tretjen
Të mbushura me vitaminë C dhe kalium, qershitë luajnë rol kyç në rregullimin e presionit të gjakut, funksionimin e muskujve dhe nervave, ndërsa fibrat që përmbajnë ndihmojnë tretjen dhe shëndetin e zorrëve.

Antioksidantë që luftojnë plakjen dhe sëmundjet
Antioksidantët e fuqishëm dhe përbërësit bimorë që ndodhen në qershi luftojnë stresin oksidativ, duke reduktuar rrezikun për sëmundje kronike dhe plakje të parakohshme. Studimet kanë treguar ulje të ndjeshme të inflamacionit dhe stresit oksidativ tek konsumuesit e rregullt të qershive.

Rikuperim më i shpejtë pas aktivitetit fizik
Qershitë ndihmojnë në reduktimin e dhimbjes muskulore dhe përshpejtojnë rikuperimin pas stërvitjes. Sportistët që konsumuan qershi para dhe pas garave përjetuan më pak dhimbje dhe performancë më të mirë. Edhe individët e zakonshëm kanë përfituar nga efektet lehtësuese në muskuj pas ushtrimeve.

Zemër më e fortë dhe tension më i ulët
Qershitë përmbajnë kalium, polifenole dhe flavonoide që ruajnë shëndetin kardiovaskular. Vetëm një grusht qershi (rreth 150 gr) mbulon 10% të nevojës ditore për kalium dhe ndihmon në eliminimin e natriumit të tepërt, duke ulur tensionin e gjakut dhe duke reduktuar rrezikun për goditje apo sëmundje zemre.

Gjumi i qetë fillon nga fruti
Përmbajtja e melatoninës në qershi ndihmon në rregullimin e ciklit të gjumit. Studimet kanë treguar se konsumimi i lëngut të qershive të tharta rrit ndjeshëm kohëzgjatjen dhe cilësinë e gjumit, veçanërisht tek të moshuarit me probleme pagjumësie.

Kristiano Ronaldo mban një rrip të veçantë gjatë ndeshjeve. Grafiku tregon të dhënat mbresëlënëse të rrahjeve të zemrës së tij gjatë sekuencës së fundit të penalltive që kualifikoi Portugalinë në çerekfinalen e Kampionatit Evropian kundër Sllovenisë.

Në atë moment Ronaldo ka hyrë në “Flow State (gjendjen rrjedhëse). Le të shpjegojmë se çfarë është. Ronaldo ka aftësinë të hyjë në “gjendjen e rrjedhës”, domethënë një gjendje të vetëdijes në të cilën njeriu është i zhytur plotësisht në një aktivitet dhe çdo gjë tjetër – përfshirë komponentin emocional – minimizohet.

Të qenit në “rrjedhë” – ose siç thuhet ndryshe edhe “në zonë” – shpreh kështu një gjendje të ekstazës konkurruese në të cilën të gjitha burimet e dikujt drejtohen drejt objektivit, ndërsa gjatë gjithë kohës koha duket se pothuajse ndalon.

Të jesh në gjendje të ulësh rrahjet e zemrës është padyshim një pjesë e rëndësishme e këtij procesi, veçanërisht kur nuk jeni në veprim dhe ka një pauzë që ju lejon ta bëni këtë. Kristiano Ronaldo mundet, por kjo nuk e bën të mbinatyrshëm. Në fakt ky është një proces që mund të mësohet.

Shumë atletë elitarë e praktikojnë, sidomos në momentet vendimtare të përformancave të tyre. Pikërisht në atë çast, rrahjet minimizohen duke dhënë një gjejnë qetësie e cila mundëson përqendrimin në një aktivitet të caktuar.

Dy ish-banorët e “BBV3”, Ilnisa Agolli dhe Meriton Mjekiqi, duket se kanë nisur pushimet me njëri-tjetrin, ku këtë gjë e kanë zbuluar përmes postimeve në rrjetet sociale.

“Mirëmëngjes të gjithëve. Do thoni ju sa shpejt është zgjuar Ilnisa. Ilnisa për pak niset në një udhëtim. Normalisht jo vetëm po me njeriun e zemrës”, dëgjohet të thotë gazetarja në videon e postuar në “Instastory”.

Më pas Ilnisa shprehet se më vonë do të zbulojë se cilin destinacion kanë zgjedhur për pushime. Gjithashtu ajo ka postuar edhe një foto të Meritonit, të cilën e shoqëron me këngën “Not like us”, “jo si ne!”. 

Nga ana tjetër, Meriton ka postuar në “Instastory” një foto të tij.