Florian Semani është emëruar zëvendësministër i Financave, sipas vendimit të Këshillit të Ministrave të bërë publik pas mbledhjes së sotme.

“Në mbështetje të nenit 100 të Kushtetutës dhe pikës 2 të nenit 6 të ligjit nr. 9000, datë 30.1.2003, ‘Për organizimin dhe funksionimin e Këshillit të Ministrave’, me propozimin e Kryeministrit, Këshilli i Ministrave vendosi: Florian Semani emërohet zëvendësministër i Financave. Ky vendim hyn në fuqi menjëherë dhe botohet në ‘Fletoren Zyrtare’”, thuhet në njoftimin zyrtar.

Ky emërim vjen pas disa ndryshimeve në strukturën e zëvendësministrave të Financave. Në mars 2024, Adela Xhemali u lirua nga detyra e zëvendësministres së Financave dhe Ekonomisë për t’u emëruar zëvendësministre e Financave. Po ashtu, Olta Manjani u emërua zëvendësministre e Financave dhe Ekonomisë, duke zëvendësuar Dajna Sorensen.

Aktualisht, Ministria e Financave drejtohet nga ministri Petrit Malaj.

Dorian Tola është liruar nga detyra si zëvendësministër i Mbrojtjes. Ai e kishte marrë këtë post në qershor të vitit 2024.

Tola ka pasur një karrierë të gjatë në shërbimin publik, ku ka mbajtur detyrën e kreut të Drejtorisë së Sigurimit të Informacionit të Klasifikuar (DSIK) dhe ka shërbyer në Forcat e Armatosura, me fokus në planifikimin afatgjatë të Forcës Detare dhe bashkëpunimin ushtarak me NATO-n.

Vendimi për lirimin e tij nga detyra është marrë nga Këshilli i Ministrave në mbështetje të Kushtetutës dhe ligjit për organizimin e Këshillit të Ministrave, me propozimin e Kryeministrit. Ky vendim ka hyrë në fuqi menjëherë.

VKM:

V E N D I M  PËR LIRIM NGA DETYRA

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Z. Dorian Tola, zëvendësministër i Mbrojtjes, lirohet nga kjo detyrë.

Ky vendim hyn në fuqi menjëherë.

Një zëvendësministër rus i Mbrojtjes është akuzuar për marrje ryshfeti, në skandalin e korrupsionit të profilit më të lartë në Rusi që kur presidenti Vladimir Putin filloi pushtimin e tij në Ukrainë më shumë se dy vjet më parë.

Timur Ivanov dyshohet se ka marrë ryshfet prej 1 milion rubla (të paktën 10,800 dollarë), njoftoi media shtetërore ruse TASS sipas CNN.

Ai u shfaq në një gjykatë në Moskë të mërkurën, i veshur me rroba të plota ushtarake ndërsa qëndronte në një kafaz xhami dhe u akuzua për marrje ryshfeti si pjesë e një grupi të organizuar ndërsa kryente punë të kontraktuara për Ministrinë e Mbrojtjes.

Nëse shpallet fajtor, ai përballet me 15 vjet burg.

Zëvendësministri i Mbrojtjes i Rusisë, Timur Ivanov, është arrestuar nën dyshimin për marrje ryshfeti, njoftoi Komiteti Hetues rus më 23 prill.

Komiteti njoftoi për arrestimin e Ivanovit në Telegram, por nuk dha hollësi të tjera.

Por, 49-vjeçari kishte qenë cak i një hetimi të publikuar në dhjetor 2022 nga Fondacioni Kundër Korrupsionit i Alexei Navalnyt (FBK).

Sipas FBK-së, Ivanovi i kishte udhëhequr dhe kishte përfituar nga projektet e ndërtimit në qytetin ukrainas Mariupol, i cili u shkatërrua pothuajse tërësisht nga forcat ruse në muajt e parë të pushtimit të plotë të Ukrainës nga Rusia.

Hetimi gjeti se Ivanovi dhe bashkëshortja e tij, Svetlana, i shpenzuam më shumë se një milion euro për pushime, në qira për vila dhe jahte, dhe për blerjen e stolive dhe rrobave.

Ai gjithashtu gjeti se faturat personale të gruas së Ivanovit ishin paguar nga një kompani e lidhur me rindërtimin në Mariupol.
Sipas FBK-së, e cila është ndaluar në Rusi për gjoja ekstremizëm, zëvendësministri u shkurorëzua nga bashkëshortja në mënyrë që ajo t’i shmangte sanksionet e Bashkimit Evropian.

“Sot është një ditë e mirë”, tha Maria Pevchikh, e cila e udhëhoqi hetimin në FBK.

“Njeriu i përfshirë në hetimin tonë u ndalua nën dyshimin për ryshfet.

Në folëm për jetën luksoze të zëvendësministrit të Mbrojtjes Timur Ivanov në vitin 2022”, shkroi ajo në X.

Ivanov ishte emëruar zëvendësministër i Mbrojtjes me urdhër presidencial në maj 2016.

Ai është i sanksionuar nga Shtetet e Bashkuara, Bashkimi Evropian, Britania e Madhe dhe Kanadaja.

Revista Forbes e kishte shpallur Ivanovin si njërin nga burrat më të pasur në strukturat ruse të sigurisë./REL