Një 33-vjeçar ka rënë në prangat e policisë së Fierit pasi gjatë nnë kontrolli i janë gjetur disa doza kokaine gati për shitje.about:blank

Njoftimi i policisë:

Fier/Vijojnë kontrollet dhe hetimet, në kuadër të megaoperacionit policor “Tempulli”, për goditjen e rasteve të prodhimit dhe shitjes së narkotikëve.

Shiste doza të lëndës narkotike kokainë, në qytetin e Patosit, arrestohet në flagrancë 33-vjeçari.

Sekuestrohen një sasi lënde narkotike kokainë, 1 peshore elektronike për ndarjen e saj në doza dhe shuma parash të dyshuara të përfituara nga shitja e lëndës narkotike.

Sekuestrohet edhe automjeti që përdorte 33-vjeçari, për këtë veprimtari kriminale.

Si rezultat i kontrolleve intensive në të gjithë territorin e qarkut, si dhe i hetimeve të ndjekura proaktivisht, në kuadër të megaoperacionit policor të koduar “Tempulli”, specialistët për Hetimin e Narkotikëve të DVP Fier, në bashkëpunim me shërbimet e Komisariatit të Policisë Fier, kanë konstatuar dhe goditur një tjetër rast të veprimtarive kriminale në fushën e narkotikëve.about:blank

Për këtë rast u arrestua në flagrancë shtetasi K. O., 33 vjeç, banues në Ballsh.

Gjatë kontrollit fizik dhe kontrollit në automjetin e këtij shtetasi, u gjetën 53 gramë lëndë e dyshuar narkotike kokainë, 1 peshore elektronike, 72 800 lekë të rinj, 1 250 euro dhe 630 paund, të cilat u sekuestruan në cilësinë e provës materiale, së bashku me automjetin.about:blank

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.