Durrës, 15 shtator 2025 – Në Stacionin e Policisë Plazh është paraqitur shtetasja A. P., 67 vjeçe, banuese në Çeki, e cila ka kallëzuar largimin e bashkëshortit të saj, shtetasit P. P., 68 vjeç, gjithashtu banues në Çeki. Sipas deklarimeve, ai është larguar nga hoteli ku çifti ishte akomoduar në zonën e plazhit.

Shërbimet e Policisë po punojnë për gjetjen e shtetasit në fjalë dhe sqarimin e rrethanave të ngjarjes.

Gëzim Hajdaraj dhe Ernest Lama mbetën të plagosur pas një sulmi me armë zjarri në lagjen nr. 4. Policia po heton për autorin

SARANDË – Janë identifikuar dy të rinjtë që mbetën të plagosur pas një ngjarjeje me armë zjarri të ndodhur pasditen e sotme në lagjen nr. 4 të qytetit të Sarandës. Burime zyrtare bëjnë me dije se bëhet fjalë për shtetasit Gëzim Hajdaraj, 32 vjeç, dhe Ernest Lama, 24 vjeç.

Ngjarja ka ndodhur rreth orës 15:00, në rrethana ende të paqarta. Dy të plagosurit janë transportuar fillimisht në spitalin rajonal të Sarandës, ku kanë marrë ndihmën e parë mjekësore, dhe më pas janë nisur me urgjencë drejt Spitalit të Traumës në Tiranë për trajtim të specializuar.

Grupi hetimor, në bashkëpunim me Prokurorinë pranë Gjykatës së Shkallës së Parë Sarandë, është vënë në punë për identifikimin dhe kapjen e autorit të dyshuar, si dhe për zbardhjen e plotë të rrethanave të ngjarjes.

Policia ka sekuestruar pamje nga kamerat e sigurisë në zonë dhe po mbledh dëshmi nga banorët e lagjes, ndërkohë që pritet një deklaratë më e zgjeruar nga autoritetet në orët në vijim. /noa.al

Durrës, 23 qershor 2025– Pasditen e kësaj të hëne, në Drejtorinë e Policisë së Durrësit ka mbërritur një denoncim nga pronari i një mjeti lundrues i ankoruar në portin e qytetit, i cili ka konstatuar mungesën e jahtit të tij.

Dori Alikaj, pronari i jahtit “Tamomar 2”, ka deklaruar në polici se rreth orës 14:00 është njoftuar se jahti nuk ndodhej në vendin ku ishte ankoruar pak ditë më parë. Ai ka kontaktuar menjëherë Kapitenerinë e Portit të Durrësit dhe Policinë Kufitare, dhe më pas ka bërë kallëzim në komisariat.

Pas ndërhyrjes së shpejtë të institucioneve, personat që kishin marrë mjetin lundrues në tentativë për të dalë nga akuariumi janë kthyer në vendin ku jahti ishte ankoruar. Policia ka shoqëruar në komisariat personat e përfshirë për të sqaruar rrethanat e ngjarjes.

Ende nuk dihet si është ndezur jahti, pasi çelësat e tij i mbante kapiteni Memet Ayhan Ulus. Burime nga policia bëjnë me dije se tre persona po merren në pyetje për të sqaruar të gjitha detajet e kësaj historie.

Policia greke po kryen hetime për të identifikuar dhe arrestuar një punëtore shtëpiake 39-vjeçare e cila grabiti një grua të moshuar në Aigio.

Sipas një padie të ngritur nga fëmijët gruas 90-vjeçare, për të cilën kujdesej punëtorja shtëpiake, u zbulua se ajo kishte tërhequr pjesërisht shumën prej 30,000 eurosh nga llogaria bankare e së moshuar.

Punëtorja shtëpiake kujdesej si për gruan 90-vjeçare ashtu edhe për njërin nga djemtë e saj, i cili vuan nga probleme shëndetësore.

“Oficerët e policisë së Departamentit të Hetimit dhe Ndjekjes Penale të Krimeve në Aigialea kanë ngritur një padi për mashtrim kundër një gruaje vendase, të dhënat e plota të së cilës janë identifikuar.

Konkretisht, sipas një kallëzimi, e akuzuara, nga maji i vitit 2024 deri në janar të këtij viti, duke punuar si ndihmëse shtëpiake për një grua të moshuar dhe djalin e saj që ka probleme mendore, u mori kodet e kartave bankare dhe tërhoqi prej tyre shumën prej 30,000 eurosh me këste”, thotë policia helene.

Një 28 vjeçar me iniciale A.Z është denoncuar i zhdukur nga vëllai i tij. Sipas bluve i riu është zhdukur 2 ditë më parë dhe po punohet për gjetjen e tij.

-Më datë 12.04.2025, shtetasi K. Z., 25 vjeç, kallzon se më datë 11.04.2025, është larguar nga banesa vëllai i tij shtetasi A. Z., 28 vjeç. Punohet për gjetjen e tij.

Materialet procedurale iu referuan Prokurorisë së Tiranës, për veprime të mëtejshme

Një shtetase ka bërë kallëzim në Policinë e Tiranës.

Ajo ka deklaruar se babai i saj është larguar nga banesa më 26 dhjetor dhe nuk është kthyer.

Policia bëri shpalljen në kërkim të këtij shtetasi dhe po punohet për gjetjen e tij.

Një 39-vjeçar është zhdukur në Tiranë. Ka qenë vëllai i tij, i cili ka bërë denoncim në polici për largimin nga banesa të 39-vjeçarit.

Policia thotë se po punohet për gjetjen e tij.

Njoftimi i Policisë:
Në Komisariatin e Policisë Nr. 6 është paraqitur shtetasi S. H., i cili ka kallëzuar se është larguar nga banesa vëllai i tij, shtetasi B. B., 39 vjeç. Punohet për gjetjen e tij.

Një adoleshent ka humbur në qytetin e Kukësit. Ishte babai i tij që ka denoncuar dhe kërkuar ndihmën e Policisë së Kukësit për gjetjen e djalit të tij, i cili është larguar nga banesa dhe nuk është kthyer më, duke humbur kontaktet.

Burime zyrtare bënë me dije se depozitimi i kallëzimit është bërë ditën e djeshme (26 Nëntor) në Komisariat nga ana e M. E., banues në Kukës.

Ai ka dëshmuar se “djali i tij 17 vjeç, është larguar nga banesa”. “Shërbimet e Policisë po ushtrojnë kontrolle për gjetjen e tij”, bëri me dije policia vendore, por pa dhënë detaje të tjera që lidhen me shkaqet, konfliktet e mundshme apo kohën e largimit.

Ndërsa materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.

Një 48-vjeçare raportohet e zhdukur në Shkodër.

Denoncimin për zhdukjen e 48-vjeçares e ka bërë djali i saj 21-vjeçar.

Policia thotë se po punon për gjetjen e saj.

“Më datë 18.06.2024, shtetasi A. Rr., 21 vjeç, ka kallëzuar se është larguar nga banesa, nëna e tij, shtetasja M. Rr., 48 vjeçe. Punohet për gjetjen e 48-vjeçares”, thuhet në njoftim.

Një 32-vjeçar në Tiranë, ka humbur kontaktet me familjarët e tij.

Ka qenë babai, i cili i është drejtuar komisariatit të policisë nr.2, për të bërë kallëzim se i biri është larguar nga banesa.

“Në Komisariatin e Policisë Nr. 2 ka kallëzuar një 64-vjeçar, se djali i tij 32 vjeç, është larguar nga banesa.

Po punohet për gjetjen e tij. Materialet i kaluan Prokurorisë”, njofton policia.