hurmë në Tiranë: Policia nis aksionin për ndalimin e ndotjes akustike, masa të rrepta për lokalet që shpërfillin ligjin

Drejtoria Vendore e Policisë Tiranë ka nisur një aksion të gjerë për të monitoruar dhe kontrolluar nivelin e zhurmës në qytet, me qëllim parandalimin e ndotjes akustike dhe garantimin e qetësisë publike.

Në kuadër të këtij aksioni, komisariatet e Tiranës kanë nisur matjet intensive të zhurmës, kryesisht në lokalet dhe ambiente që shpesh prodhojnë muzikë me volum të lartë.

Ky plan masash është marrë nga Policia e Tiranës pas shqetësimeve të ngritura nga qytetarët për tejkalimin e normave të lejuara të zhurmës, veçanërisht në zonat e banuara dhe gjatë natës.

Matjet po kryhen me pajisje të certifikuara, në përputhje me standardet ligjore dhe teknike të kontrollit të ndotjes akustike.

Subjektet që shkelin normat e përcaktuara për nivelin e zhurmës, përfshirë ata që shfaqin muzikë të lartë pa respektuar kufijtë, do të përballen me masa administrative të rënda.

Gjobat variojnë nga 2 milion lekë deri në 4 milion lekë, dhe në rast përsëritjeje, mund të arrihet deri në pezullimin e aktivitetit të subjektit.

Gjatë verifikimeve të kryera deri tani, është konstatuar një subjekt që ka operuar në kundërshtim me ligjin dhe është gjobitur me 3 milion lekë.

Policia e Tiranës do të vazhdojë kontrollin e pandërprerë dhe fton qytetarët të raportojnë çdo rast të ndotjes akustike përmes numrit pa pagesë 112 ose pranë komisariateve përkatëse. /noa.al

Ky është tingulli i fushës magnetike të Tokës. Madje si ishte 41 mijë vjet më parë, gjatë Epokës së Akullnajave, kur fusha magnetike pësoi një reduktim me 5% të intensitetit aktual. Në ato kushte, një sasi e madhe e rrezeve kozmike, ishte më e lirë të arrinte planetin tonë, pa hasur pengesa.

Një zhurmë e çrregullt në sfond, që kujton atë të erës, është zhurma e Tokës në hapësirë.

Regjistrimi i këtij eventi, është realizuar në sajë të punës së 3 satelitëve “Sëarm” të Agjensisë Hapësinore Evropiane dhe përveç tingujve, kërkuesit kanë rindërtuar edhe hartën e lëvizjeve të fushës magnetike përgjatë atij eventi.

Këta satelitë janë të projektuar për të kuptuar si gjenerohet graviteti, dhe masin sinjalet magnetike të bërthamës, mantelit, kores dhe oqeaneve, por edhe të jonosferës e magnetosferës.