GJIROKASTËR- Një vatër zjarri ka përfshirë ditën e sotme zonat mes fshatrave Picar dhe Humelicë, në Bashkinë Gjirokastër. Flakët janë përhapur me shpejtësi, pasi janë favorizuar nga era.

Gjithashtu dhjetëra forca zjarrfikëse dhe të Forcave të Armatosura ndodhen në vendngjarje, duke luftuar me flakët.

Një zjarr i fuqishëm ka përfshirë një ndërtesë dykatëshe në kryeqytetin turk, Stamboll, ndërsa raportohet se flakët janë përhapur në ndërtesat përreth.

Sikurse raportojnë mediat turke, ende nuk dihen shkaqet e rënies së zjarrit në biznesin në fjalë, por situata paraqitet problematike për shkak se janë tre pallate të tjerë ngjitur, që rrezikohen të digjen.

Zjarrfikësit e dërguar në vendngjarje nga Ataşehir, Kadıköy, Üsküdar, Kartal, Pendik, Şişli, Beşiktaş dhe Ümraniye po bëjnë të pamundurën për të shuar flakët, që po përhapen me shpejtësi.

Paraprakisht, sipas informacioneve, edhe pse e pakonfirmuar, dyshohet se shkak është bërë një shkëndije elektrike nga palestra që gjendej në katin e dytë të godinës, për t’u përhapur më tej në pjesën tjetër të ndërtesës.
Deri më tani nuk raportohen dëme në njerëz, ndërsa ekspertët kanë nisur hetimet përkatëse për zbardhjen e plotë të shkaqeve të rënies së zjarrit.

Një zjarr ka rënë në ullishtat dhe shkurret e fshatit Lapardha në Berat. Si pasojë e zjarrit janë djegur rreth 200 m2 shkurre si dhe disa rrënjë ullinj.

Forcat Zjarrfikëse të Beratit vunë nën kontroll flakët, ndërsa në afërsi të vatrës kishte edhe shtëpi banimi si dhe një sipërfaqe me sera.

Pas vënies nën kontroll u arrit edhe fikja e zjarrit. Po punohet për zbardhjen e ngjarjes, ndërsa paraprakisht mendohet se shkaku i zjarrit ishte linja elektrike e amortizuar.

Të paktën 30 persona kanë humbur jetën nga një zjarr në një pikë karburanti në Dagestan, në Rusinë jugore.

Shpërthimi ndodhi në kryeqytetin rajonal Makhachkala, i cili ndodhet në bregun e Detit Kaspik, në orën 21:40. Dhjetëra persona të tjerë kanë mbetur të plagosur, ndërkohë nuk dihet ende shkaku i zjarrit.

Rreth 260 punonjës të urgjencës shkuan në vendngjarje dhe një avion ka evakuuar të plagosurit rëndë në Moskë.

Sipas agjencisë ruse e lajmeve Interfax mjekët kenë thënë se tre fëmijë ishin në mesin e të vdekurve. Zjarri ishte përhapur në një sipërfaqe prej 600 metrash katrorë dhe ekzistonte rreziku i shpërthimeve të mëtejshme.

Një dëshmitar tha për median ruse se zjarri kishte filluar në një makinë përballë pikës së karburantit.

“Pas shpërthimit na ra gjithçka në kokë. Ne nuk pamë më asgjë”, tha dëshmitari.

Komiteti Hetues i Rusisë tha se zjarri kishte shpërthyer gjatë disa punimeve për mirëmbajtjen. Një çështje penale është hapur për të përcaktuar rrethanat që çuan në incidentin, tha Komiteti.