Flakët kanë përfshirë një sipërfaqe me shkurre dhe kullota në pyllin e Hidrovorit, ndërsa forcat zjarrfikëse janë nisur menjëherë drejt vendit të ngjarjes.

Vlorë-Një zjarr ka rënë pasditen e sotme në afërsi të Akërnisë, në pyllin e Hidrovorit, që ndodhet në njësinë administrative Novoselë në Vlorë.

Flakët kanë përfshirë një sipërfaqe me shkurre dhe kullota, ndërsa forcat zjarrfikëse janë nisur menjëherë drejt vendit të ngjarjes.

Falë ndërhyrjes së tyre, zjarri është izoluar në orët e mbrëmjes, duke shmangur përhapjen drejt zonës së pyllëzuar./Shqiptarja

Zjarr i madh ka përfshirë pyjet në zonën e Baldushkut, duke shkaktuar dëme të mëdha në natyrë dhe ekonominë lokale.

Flakët kanë kapluar ullishtet, duke djegur ullinj shekullorë me vlerë të jashtëzakonshme historike dhe ekologjike. Ngjarja ka zemëruar banorët dhe komunitetin.

Në lagjen nr. 15, Durrës, dyshohet se si pasojë e një defekti në motor, ka rënë zjarr në një kamionçinë të parkuar, në pronësi të shtetasit N. Ç.

Për pasojë, është djegur edhe automjeti në pronësi të shtetasit R. M., si dhe pjesërisht automjeti në pronësi të shtetasit O. Ç.

Grupi hetimor ndodhet në vendngjarje dhe po punon për sqarimin e plotë të rrethanave të rastit.

SARANDË- Një vatër zjarri ka përfshirë ditën e sotme vendin e quajtur Qafa e Butrintit. Mësohet se flakët kanë përfshirë zonën e gjelbëruar të Parkut të Butrintit. Era që fryn rrezikon që zjarri të përhapet në brendësi të Parkut.

Ndërkohë zjarrfikësja ndodhet në vendin e zjarrit për shuarjen e zjarrit. Megjithatë ende nuk dihet se cili ka qenë shkaku i këtij zjarri.

Një zjarr i madh shpërtheu natën e së shtunës në dy ndërtesa në distriktin Tondo të Manilës, duke prekur rreth 700 familje, sipas mediave lokale.

Autoritetet thanë se zjarri tashmë është vënë nën kontroll, ndërsa tre persona u plagosën. Shkaku i zjarrit mbetet nën hetim.

Lushnje, 26 Gusht 2025,- Një pallat në qytetin e Lushnjes është përfshirë mbrëmjen e sotme nga flakët, duke shkaktuar panik dhe rrezik për jetën e banorëve. Zjarri ka shpërthyer në katet e poshtme të ndërtesës dhe është përhapur me shpejtësi, duke bërë që disa familje të mbeten të bllokuara në apartamente.

Sipas të dhënave paraprake, katër persona janë dërguar në spital në gjendje të mesme për shkak të asfiksisë nga tymi, ndërsa shërbimet zjarrfikëse dhe emergjencat civile po punojnë në vendngjarje për evakuimin e plotë të ndërtesës dhe izolimin e flakëve.

Nuk dihet ende shkaku i zjarrit, ndërsa autoritetet kanë nisur hetimet për të zbardhur rrethanat dhe për të vlerësuar dëmet materiale.

Gjendja e personave të shtruar në spital po monitorohet nga stafi mjekësor dhe sipas raportimeve të para, nuk ka rrezik për jetën e tyre.

VLORË- Një apartament është përfshirë nga flakët ditën e sotme në lagjen “Pavarësia” në Vlorë. Zjarrfikëset dhe policia kanë shkuar menjëherë në vendngjarje për të fikur zjarrin dhe që mos të përhapet në banesa të tjera.

Fatmirësisht deri më tani nuk raportohet për persona të lënduar, por vetem dëme materiale. Ndërkohë autoritetet kanë nisur hetimet për shkaqet e zjarrit në banesë.

Një zjarr i madh ka shpërthyer në Shkopet, ku për pasojë janë djegur edhe dy banesa. Fatmirësisht, brenda shtëpive nuk ka pasur persona brenda.

Zjarri ka shpërthyer pak më shumë se një orë më parë dhe po merr përmasa të mëdha.

Një autobus ka marrë zjarr sot në aksin rrugor Kardhiq–Delvinë, pranë tunelit të Skërficës. Menjëherë pas marrjes së njoftimit, në vendngjarje u nisën dy automjete zjarrfikëse.

Zjarri kishte përfshirë pjesën e motorit të autobusit, ndërsa drejtuesi i mjetit kishte ndërhyrë fillimisht me mjete zjarrfikëse dore për të frenuar përhapjen. Forcat zjarrfikëse arritën të shuanin plotësisht flakët dhe të siguronin zonën.

Fatmirësisht nuk pati persona të lënduar, ndërsa dëmet të kufizuara vetëm në pjesën e motorit të autobusit.

GJIROKASTËR- Një vatër zjarri ka rënë në orët e para të mëngjesit të sotëm në hyrje të fshatit Palokastër, në qarkun e Gjirokastrës. Bëhet me dije se njoftimi për zjarrin u dha nga një banor i zonës.

Pas njoftimit se një vatër zjarri ka përfshirë qarkun e Gjirokastrës menjëherë forcat zjarrfikëse u paraqitën në zonë duke bërë të mundur ndalimin e përhapjes së flakëve që rrezikonin zonën përreth. Gjithashtu bëhet me dije se flakët janë vënë nën kontroll pa shkaktuar dëme në njerëz apo në pronë.