Një zjarr i përmasave të mëdha ka përfshirë kodrat në lindje të qytetit të Himarës në afërsi të fshatit Pilur, prej më shumë se 15 orësh.

Zjarri i ndihmuar dhe nga era, ka përparuar duke djegur shkurre por dhe pemë që ndodhen në atë zonë, por duke u ngjitur edhe me lart në mal.

Nga mesdita e djeshme dhe në vijim rreth 15 forca të zjarrfikëses së Himarës, punonjës së policisë së komisariatit dhe bashkisë së Himarës por dhe emergjencat civile po luftojnë për ta shuar zjarrin.

Por, terreni i vështirë e ka bërë të pamundur ndërhyrjen nga zona kodrinore dhe për këtë situatë është njoftuar dhe helikopteri, që këtë mëngjes nisi ndërhyrjen.

Ajo që ngelet me shqetësuese është tymi që përhapet në ajër dhe ky është një shqetësim për pushuesit. Zjarrfikësit shprehen se me shqetësues është humusi, i cili riaktivizohet kur fryn erë, ndaj punonjësit po e mbajnë në kontroll.

Dhjetra zjarre të nxitura nga rrëmbimet e forta të erës, shpërthyen të hënën në jug të Kilit , ku më shumë se 40,000 hektarë tashmë janë bërë hi, sipas autoriteteve të vendit të Amerikës Latine.

“Ne po përballemi me një situatë shumë komplekse dhe të gjitha mjetet materiale dhe të gjitha njësitë janë mobilizuar për të luftuar këto zjarre”, tha ministri i Brendshëm kilian Alvaro Elizalde gjatë një konference për shtyp në Santiago.

Rajonet e Nuble, Biobio Araucania dhe Los Rios janë prekur nga flakët, të cilat filluan të përhapen pas mesditës të së dielës shpërthimet u shumëfishuan nga erërat më shumë se 60 kilometra në orë.

Kalifornia u godit nga dy tërmete të njëpasnjëshme të premten ndërsa shteti perëndimor i SHBA-ve lufton me zjarret vdekjeprurëse.

Një tërmet me magnitudë 3.7 u regjistrua pranë zonës së Gjirit të San Franciskos rreth orës 7:02 të mëngjesit, me epiqendrën e tij rreth pesë milje në jugperëndim të urës Golden Gate dhe dy milje në perëndim të Highway Highway.

Studimi Gjeologjik i SHBA-së (USGS) tregon se më shumë se 5000 njerëz raportuan se ndjejnë lëkundjet në zonë dhe numri është në rritje.

Zona ndodhet në vijën San Andreas Fault, e cila kalon nga Kepi Mendocino në veri deri në Detin Salton në jug.

Tërmeti u pasua nga një lëkundje tjetër me magnitudë 2.2 me qendër në të njëjtën zonë rreth 4 minuta më vonë, tha USGS.

Aktiviteti sizmik ndodhi gjithashtu rreth 350 milje larg zonës së Los Anxhelosit, ku zjarret shkatërruese vranë të paktën 10 dhe detyruan 180,000 të largoheshin nga shtëpitë e tyre.

Shtëllunga tymi në aksin Thumanë-Kashar.

Vatra ndodhet në afërsi të Fushë-Krujë dhe ka krijuar një situatë mjegulle në segmentin rrugor.

Ky aks rrugor ka prodhuar protesta të shumta të banorëve të zonës, pasi në projektin e zbatimit nuk janë respektuar nyjet lidhëse me rrugën e vjetër, duke izoluar kështu mbi 80 mijë banorë të zonës së Krujës, Fush-Krujës, Thumanës, Niklës dhe fshatrave të tjerë.

Ministria e Mbrojtjes ka publikuar të dhënat lidhur me situatën e zjarreve ditën e sotme. Pas një pune të pandërprerë nga forcat zjarrfikëse u shuan 9 vatra dhe ndërkohë që 19 të tjera janë ende aktive.

Njoftimi i Ministrisë së Mbrojtjes:

Gjatë ditës së sotme, sipas Qendrës Kombëtare Operacionale të Emergjencave Civile në #AKMC, në të gjithë territorin e vendit janë identifikuar 28 vatra zjarri. Pas një pune të pandërprerë të forcave operacionale në terren, u bë i mundur izolimi i plotë dhe shuarja e 9 vatrave, ndërsa 19 mbeten ende aktive.

Situata paraqitet problematike në fshatin Kostar të bashkisë Finiq, ku forcat operacionale me angazhimin edhe të helikopterit Cougar po punojnë për shuarjen e vatrave të zjarrit, për të mos lejuar kalimin drejt fshatit Vllahat të bashkisë Delvinë. Në ndihmë për shuarjen e zjarrit janë forca të shumta nga strukturat e pushtetit vendor të bashkive Sarandë, Himarë, Gjirokastër, Dropull dhe Konispol, të mbështetura nga efektivët e FA.

Në fshatin Mërtiraj të bashkisë Selenicë situata është nën kontroll. Ndërsa në fshatin Bashaj, po në këtë bashki është riaktivizuar zjarri i rënë një ditë më parë në sipërfaqe me shkurre. Era e fortë që po fryn në drejtim të fshatit Mesaplik e bën të vështirë ndërhyrjen.

Në Parkun Kombëtar të Prespës, Mali i Thatë zjarri vijon të jetë aktiv, pasi terreni vështirëson shuarjen e plotë të tij. Forcat vendore të bashkisë Pustec ndihmuar edhe nga 27 efektivë të FA po punojnë për ta mbajtur nën kontroll.

Në zonat pyjore të fshatit Rajë dhe Geghysen të bashkisë Tropojë ka një vatër zjarri aktive në drejtim të Qafës së Kolçit, e cila është duke u monitoruar nga punonjës të pyjeve të bashkisë Tropojë.

Në fshatin Kus është izoluar vatra e zjarrit në Malin Lugë, në njësinë administrative Bërzhitë. Vijon të ketë djegie në humus, por nuk paraqet rrezik për përhapje në sipërfaqe më të gjerë.

Në fshatin Tërnovë të bashkisë Bulqizë, zjarri është aktiv në sipërfaqe livadhore dhe po përhapet drejt një sipërfaqe pyjore. Situata paraqitet problematike. Forcat në terren po punojnë për kufizimin e përhapjes së flakëve.

Në fshatin Selixë të bashkisë së Matit zjarri zhvillohet në tre vatra dhe po punojnë rreth 80 forca të bashkisë dhe Forcave të Armatosura. Temperaturat e larta dhe era kanë rritur intensitetin e vatrave. Po punohet edhe në një vatër në fshatin Maqellarë të bashkisë së Dibrës.

Në vendin e quajtur “Bjeshkët e Xhurajve”, në bashkinë e Shkodrës, ka rënë zjarr në një sipërfaqe pyjore në terren të thepisur dhe të vështirë për të operuar. Zjarri po monitorohet nga strukturat vendore të kësaj bashkie dhe nuk paraqet rrezik për banesa.

Në fshatin Halil të bashkisë së Krujës është riaktivizuar një vatër zjarri. Terreni i vështirë si dhe prania e erës vështirëson ndërhyrjen e forcave.

Zjarri i rënë në fshatin Skuraj të bashkisë së Kurbinit po zhvillohet me intensitet të ulët.

Në afërsi të stacionit të trenit në Milot, në bashkinë e Kurbinit, zjarri i rënë në një sipërfaqe me shkurre dhe ferra është vënë nën kontroll nga forcat zjarrfikëse të bashkive Kurbin e Lezhë, duke bërë të mundur largimin e rrezikut nga objektet e banimit.

Mbi fshatin Sotirë në bashkinë e Dropullit zjarri ka kaluar në kurorën e pishave. Helikopteri Cougar i FA është angazhuar në këtë operacion veç zjarrfikësve të bashkisë Dropull, forcave vullnetare dhe 30 forcave të FA.

Në fshatin Luzat të bashkisë Tepelenë, në fshatin Karat të bashkisë Këlcyrë si dhe midis fshatrave Bogovë dhe Dobrushë të bashkisë Skrapar janë raportuar vatra zjarri, në të cilat po punohet nga efektivët zjarrfikës për shuarjen e tyre.

Në operacionet për shuarjen e zjarreve u angazhuan 665 forca operacionale dhe 43 automjete, 99 trupa ushtarake, 14 mjete dhe helikopteri i Forcës Ajrore.

Uniformat blu bëjnë me dije se në pranga ka rënë një 60-vjeçar, banues në fshatin Zigxhafaj, pasi dyshohet se ka ndezur zjarr në pronën e tij, për të djegur mbeturina, dhe si pasojë e përhapjes së flakëve, janë rrezikuar banesa në zonë, janë djegur sipërfaqe toke të mbjella me ullinj dhe pemë frutore, si dhe janë djegur sipërfaqe pyjore; Po ashtu është arrestuar dhe një 58-vjeçar, banues në fshatin Sineballaj, pasi dyshohet se ka ndezur zjarr në pronën e tij, për të djegur mbeturina, dhe si pasojë e përhapjes së flakëve, është djegur një sipërfaqe toke e mbjellë me ullinj.

Neutralizimi i flakëve dhe shpëtimi i banesave janë bërë të mundur si rezultat i ndërhyrjes së menjëhershme të shërbimeve zjarrfikëse dhe atyre të Forcës së Sigurisë Kombëtare, me asistimin e një helikopteri të Ministrisë së Mbrojtjes. Materialet procedurale i kaluan Prokurorisë së Durrësit, për veprime të mëtejshme, për veprën penale “Shkatërrimi i pronës me zjarr”.

Njoftimi i Policisë:

Golem dhe Rrogozhinë/Policia identifikon dhe vë në pranga dy autorë të dyshuar të zjarrvënieve mesditën e djeshme. Si pasojë e zjarreve u rrezikuan banesa, si dhe u dogjën parcela të mbjella me ullinj e pemë të tjera frutore dhe sipërfaqe pyjore, në fshatrat Zigxhafaj dhe Sineballaj. Ndërhyrja e menjëhershme e zjarrfikësve dhe shërbimeve të Forcës së Sigurisë Kombëtare, të asistuar nga një helikopter i Ministrisë së Mbrojtjes, mundësoi neutralizimin e flakëve dhe shpëtimin e banesave. Si rezultat i hetimeve dhe veprimeve operacionale të menjëhershme, të kryera nga shërbimet e Policisë me qëllim përcaktimin e autorësisë së 2 rasteve të zjarrvënies në fshatrat Zigxhafaj dhe Sineballaj, të ndodhura mesditën e djeshme, u arrestuan shtetasit:

-B. H., 60 vjeç, banues në fshatin Zigxhafaj, pasi dyshohet se ka ndezur zjarr në pronën e tij, për të djegur mbeturina, dhe si pasojë e përhapjes së flakëve, janë rrezikuar banesa në zonë, janë djegur sipërfaqe toke të mbjella me ullinj dhe pemë frutore, si dhe janë djegur sipërfaqe pyjore;

-Z. S., 58 vjeç, banues në fshatin Sineballaj, pasi dyshohet se ka ndezur zjarr në pronën e tij, për të djegur mbeturina, dhe si pasojë e përhapjes së flakëve, është djegur një sipërfaqe toke e mbjellë me ullinj.

Neutralizimi i flakëve dhe shpëtimi i banesave janë bërë të mundur si rezultat i ndërhyrjes së menjëhershme të shërbimeve zjarrfikëse dhe atyre të Forcës së Sigurisë Kombëtare, me asistimin e një helikopteri të Ministrisë së Mbrojtjes. Materialet procedurale i kaluan Prokurorisë së Durrësit, për veprime të mëtejshme, për veprën penale “Shkatërrimi i pronës me zjarr”. Policia e Shtetit apelon sërish për qytetarët që në asnjë rast të mos shkaktojnë zjarr, pasi reagimi i Policisë për arrestimin e autorëve do të jetë i menjëhershëm, konform parashikimeve të Kodit Penal për këtë krim.

Një zjarr i madh ka rënë në disa fshatra në Bashkinë e Dropullit.

Flakët janë përhapur me shpejtësi.

Në vendngjarje kanë mbërritur zjarrëfikëset edhe një helikopter.

Sipas informacioneve paraprake, rrezikohen disa banesa, por zjarrfikëset thonë se janë vënë nën kontroll.

Akoma nuk dihet se cili është shkaku i zjarrit.

Strukturat hetimore të Drejtorisë Vendore të Policisë Vlorë dhe të Komisariateve në varësi të saj janë të angazhuara maksimalisht për identifikimin dhe arrestimin e autorëve të zjarrvënieve në territorin e qarkut Vlorë.

I vuri zjarrin një sipërfaqe toke me ullinj,në fshatin Vllahat, Delvinë, vihet në pranga autori i dyshuar.
Në vijim të punës hetimore për zbulimin dhe kapjen e autorëve të zjarrvënieve, si rezultat i informacioneve dhe provave të grumbulluara nga Komisariati i Policisë Delvinë, u bë arrestimi në flagrancë i shtetasit L. Q., 56 vjeç, banues në Delvinë.
Ky shtetas dyshohet se ditën e djeshme ka djegur me zjarr një sipërfaqe toke me 2300 pemë ullinj, me pronarë të ndryshëm, në fshatin Vllahat, Delvinë.
Materialet i kaluan Prokurorisë së Rrethit Gjyqësor Sarandë për veprën penale “Shkatërrimi i pronës me zjarr”.
Drejtoria Vendore e Policisë Vlorë apelon për të gjithë banorët dhe në veçanti për ata që kanë në përdorim sipërfaqe kullosore që në asnjë rast të mos shkaktojnë zjarrvënie, pasi do të përballen me ligjin. Policia fton qytetarët që të denoncojnë në numrin 112 dhe Komisariatin Dixhital për çdo rast të zjarrvënies apo të paligjshmërisë në tërësi, duke ju garantuar anonimat dhe reagim të shpejtë e të paanshëm nga strukturat policore.

Pas më shumë se 12 orësh dhjetëra fronte zjarri që kanë shpërthyer në Lasithi të Kretës juglindore mbeten ende eaktive.

Flakët kanë përpirë një zonë të pyllëzuar dhe të paarritshme nga mjetet e zjarrfikësve në afërsi të qytetit Ierapetra , por më vonë zjarri i është afruar katër vendbanimeve dhe organet greke kanë urdhëruar përmes numrit evropian të emergjencës 112 banorët e zonës të evakuohen.

Rreth 170 zjarrfikës, 12 njësi këmbësorie, 38 automjete dhe 3 helikopterë janë mobilizuar dhe kanë luftuar me flakët duke pasur pengesë kryesore erërat e forta .

Sipas informacioneve të autoriteteve lokale nga ishulli, zjarri ka përfshirë edhe banesa dhe tre persona janë lënduar. Pas përpjekjeve të zjarrfikësve janë fikur shumë vatra, por ende luftohet me flakët dhe nata do të jetë e vështirë kanë theksuar zyrtarë të shërbimit zjarrfikës.

Bëhet fjalë për zjarret e para të mëdha në këtë vit, ndërsa specialistët shprehin shqetësimin se sezoni i verës sivjet mund të jetë i shumë më i vështirë se ai i kaluar, duke pasur parasysh se Greqia ka kaluar dimrin e saj më të ngrohtë në histori, pa reshje shiu e bore.

Vetëm gjatë gjithë ditës së shtunë në gjithë Greqinë kanë rënë 71 zjarre në zona agrare. Forcat e Mbrojtjes Civile do të jenë në tre ditët në vijim në gatishmëri të nivelit 4 (rrezik i lartë zjarri) për zonat e rajoneve: Peloponez,Atikë,Kretë,Egjeu verior dhe jugor dhe Greqia Qendrore.

Kujtojmë se vitin e kaluar zjarre tepër të fuqishme dogjën për më shumë se dy javë Greqinë verilindore duke shkatërruar një zonë më të madhe se qyteti i Nju Jorkut dhe duke vrarë të paktën 21 persona.