Pas tre orësh kërkimesh intensive, Shërbimi Zjarrfikës i Himarës ka gjetur një çift turistësh izraelitë, të moshës 22 vjeç, me të cilët ishte humbur çdo kontakt.

Çifti u lokalizua në zonën e Gjipesë dhe aktualisht po shoqërohet drejt një vendi të sigurt nga forcat zjarrfikëse. Ata ndodhen në gjendje të mirë shëndetësore dhe nuk kanë pasur nevojë për ndërhyrje mjekësore.

Çdo vit mijëra pushues vizitojnë plazhet dhe kanionet e izoluara të Gjipesë, por shpesh turistët kërkojnë ndihmë pasi humbasin rrugën ose rrezikojnë gjatë eksplorimeve.

Një video e siguruar nga gazetarja e Top Channel, Bruna Kërçyku, tregon momentin kur banorët e fshatit Skënderbegas përballen me momente tmerri teksa zjarri u afrohej banesave.

Situata alarmoi edhe ekipet e zjarrfikësve.

“Hajde ikim, do digjemi”, shprehet një nga zjarrfikësit.

Ndërkohë, në zonë dëgjohen shpërthime predhash si pasojë e flakëve që përfshinë malin.

Situata në njësinë Skënderbegas të Gramshit vijon të jetë e rënduar si pasojë e zjarrit që kalon nga fshati në fshat.

39 banesa u shkrumbuan, sipërfaqe të mëdha me pyje e shkurre, por edhe dhjetëra bagëti që mbetën të rrethuara nga flakët.

Në mesditë flakët kanë hyrë në fshatin e tetë të kësaj njësie.

Për shuarjen e tij po punojnë më shumë se 350 efektivë të ndihmuar edhe nga ajri me helikopter.

Vatrat e zjarrit në Kroaci po bëhen gjithnjë e më masive, duke djegur bimësi dhe pyje. Në shuarjen e zjarreve morën pjesë 149 zjarrfikës me 39 vetura zjarrfikëse nga zona e qarkut dhe një dislokim i jashtëzakonshëm nga qarqet Lika-Senj dhe Sisak-Moslavina.

Faqja në Facebook, “Vatogasci – 193” ka publikuar një video nga vendi i zjarrit ku zjarrfikësit nga DVD Marina kalojnë pranë zjarrit.

Zjarri

Shtatë aeroplanë zjarrfikës (2 Canadair dhe 5 Air Tractors) kanë ndihmuar forcat tokësore në shuarjen e zjarreve, raporton index.hr. Zjarri dogji bimësi, halorë dhe pisha në sipërfaqen e vlerësuar aktualisht prej 660 hektarë. Gjatë natës dhe paradites, zjarrfikësit kanë vazhduar në mënyrë aktive shuarjen e zjarrit në Kroaci.

Sezoni i zjarreve tashmë ka pushtuar gjithë rajonin e Ballkanit ku vatrat e mëdha të flakëve kanë pushtuar zonat pyjore ndërsa kanë rrezikuar banorët e zonave përreth.

Ndërkohë në vjë të parë me këtë situatë po luftojnë zjarrfikësit të cilët sado që janë munduar të neutralizojnë janë të pafuqishëm kundrejt zjarrit i cili favorizohet nga temperaturat dhe era.

Edhe Kroacia është një nga shtetet e cila po vuan me zjarret ndërsa zjarrfikësit punojnë me orë të të tëra për të vënë nën kontroll situatën dhe për të fikur flakët.

Një foto që po qarkullon në internet duken dy zjarrfikës të rraskapitur të cilët janë shtrirë në asflat pasi kanë luftuar me flakët gjithë natën.

Zjarrfikësit e lodhur ranë në gjumë në rrugën pranë Tucep të Kroacisë teksa ishin rraskapitur dhe i vetmi vend ku mund të shtrihen disa minuta ishte rruga.

Fotoja tregon se sa të vështirë e kanë zjarrëfikësit të cilët rrezikojnë jetën për te neutralizuar zjarret ndërsa nuk kanë kohë asnjë sekond të pushojnë pasi ato sekonda mund të jenë vendimtare për pushtetin e flakëve dhe të përhapen akoma më shumë.

Zjarrfikësja e Vlorës i kanë ardhur në ndihmë një fëmije, i cili mbeti i bllokuar në banesën e tij.

Gazetari Elton Nika, raporton se momentin që po dilte me prindërit fëmijës i është mbyllur dera dhe ka mbetur brenda banesës.
Duke qenë që dera e banesës ka qenë e blinduar, familjarët nuk kanë mundur ta hapin dot dhe në këto kushte kanë kërkuar ndihmën e zjarrfikëseve, të cilët kanë ndërhyrë në kohë.

Ngjarja ndodhi në lagjen “24 maji” në zonën e Çoles.

Greqia vijon luftën me zjarret. Në qytetin Keratea rreth 35 kilometra në juglindje të Athinës dhjetëra forca zjarrfikëse të mbështetura nga 17 helikopterë që hedhin ujë nga ajri, po mundohet të shuajnë flakët që u ndezëm mëngjesin e kësaj të dielë.

Përhapja e flakëve po favorizohet nga erërat e forta. Mediat në vendin fqinjë treguan pamjet teksa zjarret qe ka dale jashtë kontrollit prek dhe banesat e këtij qyteti.

Si pasojë e temperaturave të larta dhjetëra zjarre shpërthyen përgjatë kësaj fundjave në Greqi me autoritetet që këshilluan qytetarët të qëndronin larg zonave pyjore.

Zjarrfikësit në shtetin fqinjë po luftojnë me flakët edhe në ishullin Serios që shpërthyen pasditen e të shtunës duke nxitur evakuimin e disa fshatrave. Ky zjarr është përhapur në 15 kilometra katror territor sipas asaj që ka deklaruar kryebashkiaku i ishullit.

Prej disa vitesh zjarret masive në Greqi janë kthyer në një fenomen të zakonshëm përgjatë muajve të verës, por ato po bëhen më shkatërrues përgjatë viteve të fundit si pasojë e ndryshimeve të shpejta klimatike.

Një banesë private është përfshirë nga flakët mbrëmjen e sotme në lagjen “ 15 tetori” në Fier.

Në vendngjarje kanë shkuar menjëherë shërbimet zjarrfikëse të cilat po punojnë për shuarjen e flakëve.

Sipas informacioneve paraprake, dyshohet se i zoti i banesës u ka vënë flakën mbeturinave, por flakët kanë dalë jashtë kontrollit duke alarmuar edhe banorët e pallateve që ndodhen pranë, pasi banesa e rrënuar ndodhet në afërsi të tyre.

Ndërkohë i zoti i shtëpisë është nxjerrë nga banesa nga shërbimet zjarrfikëse pa pësuar lëndime.

Zjarrfikësit shpëtojnë macen në majë të shtyllës së tensionit në Fier.

Ngjarja ka ndodhur në lagjen “Liri” .

Macja kishte mbetur në një shtylle elektrike të tensionit të lartë.

Të zotët e maces lajmëruan shërbimin zjarrfikës të frikësuar se ajo mund të rrezikohej.

Operacioni i shpëtimit nuk ishte aq i lehtë.

Pas disa minutash përpjekje më në fund zjarrfikësit, kanë mundur të zbresin macen nga shtylla.

Shpëtimi i maces ka ngjallur kureshtjen e gjithë banorëve të shqetësuar për fatin e saj.

Një banesë është përfshirë nga flakët në fshatin Mylte të Lezhës. Flakët kanë djegur katin e dytë të banesës e cila ka qenë në ndërtim. Familjarët nuk ndodheshin në shtëpi, në momentin kur ka rënë zjarri.

Dyshohet se shkak për zjarrin është bërë një bombol gazi që po përdorej për punimet e banesës.

Policia dhe zjarrfikësja ndodhen në vendin e ngjarjes ku të paktën për momentin zjarri është neutralizuar. Ndërkohë 3 zjarrfikëse janë në gatishmëri për çdo lloj situate.

Një zjarr i madh ka rënë gjatë natës në Malin Shpirag, zjarr që mori përmasa të mëdha dhe shtrirje të gjerê pêr shkak të erës.

Në zonë kanë punuar gjatë gjithë natën forca të shumta zjarrëfikëse,që për shkak të mungesës së rrugës kanë punuar pêr shuarjen e flakëve me pompa uji krahu dhe mjete rrethanore.

Në ndihmë të zjarrëfikëseve të Beratit kanë mbërritur edhe forcat e ushtrisë dhe helikopterë,që kanë kryer hedhjen e ujit nga ajri.

Pas disa orësh luftë me flakët,zjarri u shua mëngjesin e sotëm.

Si pasojë e zjarrit janë djegur 100 rrënjë pemë frutore dhe rreth 40 ha me shkurre e ferra.

Farmirësisht nga zjarri nuk ka pasur dëme në njerëz apo banesa