Nje 85 vjecar mbeti i plagosur sot ne Himare teksa po punonte ne ullishte si pasoje e shperthimit te nje granate. 

Policia tha se i demtuari eshte jashte rrezikut per jeten ndersa per ngjarjen, kane nisur hetimet.

Himarë/Informacion paraprak

Sot, në lagjen “Livadhë”, Himarë, në një sipërfaqe toke (ullishte), shtetasi K. K., 85 vjeç, duke punuar në tokën e tij, ka marrë dëmtime në këmbë, si pasojë e shpërthimit të një granate dore, e cila ndodhej e fshehur në rrënjët e një ulliri.

Shtetasi K. K. aktualisht ndodhet në Spitalin Rajonal Vlorë, jashtë rrezikut për jetën.

Grupi hetimor po kryen veprimet hetimore për zbardhjen dhe dokumentimin e plotë të ngjarjes.

Një incident i pazakontë ndodhi mbrëmjen e djeshme në Himarë, ku Xhonatan Islami, i njohur si partneri i moderatores Roza Lati dhe i apasionuar pas sporteve ekstreme, u rrëzua gjatë një hedhjeje me parashutë.

Ngjarja ndodhi vetëm pak minuta para se të niste një spektakël fishekzjarresh në qytet, duke shkaktuar shqetësim te të pranishmit. Fatmirësisht, Islami ndodhet jashtë rrezikut për jetën dhe ka pësuar vetëm lëndime të lehta.

Ai po trajtohet dhe gjendja e tij shëndetësore paraqitet e mirë.

E teksa disa zona po “përvëlohen” nga temperaturat e larta, në disa zona janë shënuar reshje të dendura shiu.

Himara ditën e sotme është përfshirë nga reshje të dendura shiu gjë që ka shkaktuar edhe problematikat e para.

Burime për media bëjnë me dije se qyteti bregdetar për shkak të rrebeshit të shiut ka mbetur pa drita. Prej katër orësh Himara është pa drita gjë që ka bërë që disa turistë të largohen nga qyteti turistik.

KAS ka vendosur rrëzimin e kërkesës së PD për zgjedhjet në Himarë, të mbajtura në 4 gusht, nga ku rezultoi se Vangjel Tavo i PS-së fitoi postin e Kryebashkiakut me rreth 1500 vota përpara kandidatit të opozitës, Petro Gjikuria.
KAS u njoh me raportin lidhur me hapjen e kutive të materialeve zgjedhore. Sipas raportit të paraqitur, pas hapjes së 36 kutive të materialeve zgjedhore, që përkojnë me po kaq qendra votimi sa kishte Bashkia e Himarës, nuk janë evidentuar mospërputhje.

Lidhur me numrin e personave që janë paraqitur në qendrat e votimit dhe nuk janë lejuar të votojnë për shkak të skadencës së dokumenteve, ka rezultuar se janë vetëm 161 persona.
Përfaqësuesi i opozitës tha se janë rreth 26 % e votuesve me dokumente të skaduara që nuk u lejuan të votojnë, duke zhbërë kështu të drejtën e votës.
Sipas tij, janë të paktën 256 raste kur nga votues është rinovuar karta e identitetit në kohë rekord, 1 apo dy ditë para zgjedhjeve, aq sa nuk njiheshin nga sistemi PEI këto karta.

“Prodhimi i dokumenteve varet nga një kompani shtetërore, ne i qëndrojmë indicies që 311 shtetas janë shtuar në Himarë, 90 shtetas të tjerë janë shtuar pas dekretimit të datës së zgjedhjeve, mbi 560 shtetasve iu mohua e drejta e votës, kemi pasur zhvendosje të zgjedhësve nga një qendër në tjetrën, kemi 88 raste kur votuesit nuk janë identifikuar përmes shenjave”, tha përfaqësuesi i opozitës. Sipas tij, të gjitha këto shkelje përbëjnë arsyet për shpalljen e pavlefshmërinë e zgjedhjeve në të gjithë qendrat e votimit në Bashkinë Himarë.

Ndërkohë përfaqësuesi i Partisë Socialiste tha se pavarësisht se nuk kishte asnjë bazë ligjore, KAS miratoi hapjen e kutive.
“Shumë mirë që u hapën kutitë, të paktën kështu mbyllet njëherë e mirë debati mbi Himarën. Nga hapja e kutive nuk kemi asnjë shkelje të evidentuar, qendër për qendër”, tha përfaqësuesi i PS-së.
Sipas tij, janë vetëm 161 votues që nuk kanë votuar për shkak të dokumenteve, ndërsa u rrëzua ajo shifra 6 mijë që u tha në fillim.

Në votimet për zgjedhjen e kryetarit të ri të Himarës, deri në orën 18:00 kanë marrë pjesë 36.01% e qytetarëve, sipas KQZ.

Në garë për të fituar mandatin janë kandidati i PS-së, Vangjel Tavo dhe ai i opozitës, Petro Gjikuria. Votimi ka nisur në orën 07:00, ku qytetarët iu janë drejtuar 36 qendrave të votimit, ndërsa procesi zgjedhor është mbyllur.

TIRANË- Deputeti demokrat Flamur Noka ka publikuar një skandal ditën e sotme në Himarë. Duke publikuar disa foto në Facebook, Noka thekson se qeveria ka lëshuar karta identiteti të falsifikuara. Siç shihet dhe nga fotot, kartat e identitetit, kanë një afat 50-vjeçar, dukuri kjo që ska ndodhur kurrë më parë.

Postimi i Plotë:

Vesi del me shpirtin. Gjithe qeveria kq dy jave ne Himare per presion dhe blerje , gjithe drejtoret te angazhuar per blerje votash ne Himare. SHISH dhe Policia duke bere presione ne Himare. Por perseri jane ne panik se ndihen te refuzuar Dhe per tu siguruar kane sjelle votues nga zona tjera me karta ID te falsifikuara. Rilindja shpresen nuk e ka te vota e lire. Vetem te vota e blere, e tjetersuar me shantazh dhe e falsifikuar ID karta e leshuar ne 2023 Rilindasve ju skadon ne 2073 ID karta e leshuar ne 2024 Rilindasve ju skadon ne 2074 Keta sbejne kurre zgjedhje. Keta bejne vetem vjedhje.

Edhe djali i Fredi Belerit ushtroi të drejtën e votës mëngjesin e sotëm në një nga qendrat e votimit në Himarë.
Petro Beleri i drejtohet qendrës së votimit, ndërkohë babai i tij ndodhet në burgun e Fierit ku po vuan dënimin me 2 vjet burg për korrupsion aktiv në zgjedhje. Pasi të mbarojë dënimin do të ulet në karrigen e deputetit të Parlamentit Europian pasi u zgjodh me 237 mijë votat e qytetarëve greke në zgjedhjet e 10 qershorit, si përfaqësues i Partisë Demokracia e Re.

Në garë janë Vangjel Tavo Palase i Partisë Socialiste dhe Petro Gjikuria i opozitës. Pritet që të dy kandidatët të votojnë në orën 10:00. Ndërkohë në KQZ është raportuar që votimi në dy QV në Kuç ka nisur me një orë vonesë.
Është raportuar se në disa QV ka pasur debate mes komisionarëve nëse do të lejohen të votojnë apo jo votuesit me karta ID të skeduara.

Sipas sekretarit të KZAZ 88 në Himarë, deri tani janë 70 votues që nuk kanë arritur të votojnë për shkak të kartave të ID të skaduara. Komisionerët kanë marrë udhëzime që mos të lejohen të votojnë ata me karta ID të skaduara, ndërkohë në Himarë Fshat vazhdon i pezulluar votimi për shkak të këtij problemi deri në një përgjigje nga KQZ.

Vangjel Tavo, kandidati i PS-së për Kryebashkiak të Himarës, votoi rreth orës 10:30 në qendrën e votimit në Palasë.
Në një prononcim për mediat, Tavo e konsideroi procesin e deritanishëm të votimit si të qetë dhe uroi që edhe në orët në vijim deri në përfundim, të vijojë e njëjta atmosferë.

Tavo i ka drejtuar një thirrje qytetarëve me të drejtë vote që të marrin pjesë masivisht në proces dhe të zgjedhin alternativën më të mirë.
“Sot Himara dhe himariotët kanë fjalën për të votuar. Procesi ka qenë shumë i qetë, uroj që ky proces të vijojë kështu deri në fund të procesit të votimit.

I bëj thirrje të gjithë himariotëve të dalin masivisht në votime dhe të votojnë alternativën më të mirë”, tha Tavo.
Lidhur me problematikën përsa i takon zgjedhësve me karta identiteti të skaduara që nuk janë lejuar të votojnë, Tavo tha se gjithçka përcaktohet në ligj. “Nuk kam asnjë koment, ligji ka të parashikuar gjithçka”, tha Tavo.

Në datën 4 gusht do të mbahen zgjedhjet për Bashkinë e Himarës, e cila ende nuk ka një kryebashkiak.

Janë 11 parti që kanë bërë kërkesë për regjistrim në KQZ, duke filluar nga Partia Socialiste, Partia Demokratike, Partia e Lirisë dhe PBDNJ.

Gara e 4 gushtit për kryebashkiakun e Himarës pritet të zhvillohet vetëm mes dy kandidatëve.

Mazhoranca me Vangjel Tavon dhe opozita me Petro Gjikuria nën koalicionin “Bashkë Fitojmë”.

Me regjistrimin e partive dhe kandidatëve, në 27 korrik nis zyrtarisht dhe fushata zgjedhore.

Lista e partive:

1. Partia Socialiste e Shqipërisë (PS);
2. Partia e Lirisë (PL);
3. Partia Republikane (PR);
4. Partia Demokristiane (PDK);
5. Partia Balli Kombëtar (PBK);
6. Partia Bashkimi për të Drejtat e Njeriut (PBDNJ);
7. Fryma Re Demokratike (FRD);
8. Partia Demokratike (PD);
9. Partia Agrare Ambjentaliste (PAA);
10. Partia Balli Kombëtar Demokrat (PBKD);
11. Partia Bashkimi Demokrat Shqiptar (PBDSH).

Deputeti socialist Damian Gjiknuri në një intervistë televizive thotë se PS do të garojë fort për të marrë fitoren në Himarë, ndërsa presidenti Begaj ka dekretuar datën 4 gusht për mbajtjen e zgjedhjeve.

Gjiknuri tha se ka ardhur koha për stabilitet në Himarë, e ndërsa thekson se s’ka përse të trajtohet si mollë sherri.

“Qytetarët e Himarës do e thonë fjalën e tyre, PS do garojë fort dhe pse jo do t’i fitojë zgjedhjet. Interesat kanë qenë të larta dhe të politikës ndërkombëtare dhe zgjedhjet lokale u kthyen në mollë sherri politik.

Përfundimi i garës do japë stabilitet në administrimin e bashkisë, s’ka pse të trajtohet Himara si mollë sherri politik. Qytetarëve të Himarës u intereson siguria e pronës, të zgjidhen konfliktet e pronës”, tha Gjiknuri.