Gëzim Hajdaraj dhe Ernest Lama mbetën të plagosur pas një sulmi me armë zjarri në lagjen nr. 4. Policia po heton për autorin

SARANDË – Janë identifikuar dy të rinjtë që mbetën të plagosur pas një ngjarjeje me armë zjarri të ndodhur pasditen e sotme në lagjen nr. 4 të qytetit të Sarandës. Burime zyrtare bëjnë me dije se bëhet fjalë për shtetasit Gëzim Hajdaraj, 32 vjeç, dhe Ernest Lama, 24 vjeç.

Ngjarja ka ndodhur rreth orës 15:00, në rrethana ende të paqarta. Dy të plagosurit janë transportuar fillimisht në spitalin rajonal të Sarandës, ku kanë marrë ndihmën e parë mjekësore, dhe më pas janë nisur me urgjencë drejt Spitalit të Traumës në Tiranë për trajtim të specializuar.

Grupi hetimor, në bashkëpunim me Prokurorinë pranë Gjykatës së Shkallës së Parë Sarandë, është vënë në punë për identifikimin dhe kapjen e autorit të dyshuar, si dhe për zbardhjen e plotë të rrethanave të ngjarjes.

Policia ka sekuestruar pamje nga kamerat e sigurisë në zonë dhe po mbledh dëshmi nga banorët e lagjes, ndërkohë që pritet një deklaratë më e zgjeruar nga autoritetet në orët në vijim. /noa.al

Afrim Kolgjini, 50 vjeç dhe Festim Gjeta 35 vjeç humbën jetën pas një aksidenti të rëndë të ndodhur në autostradën  Milot-Morinë.

Policia njoftoi më herët se aksidenti u regjistrua rreth orës 23:35, të datës 1 prill.

Afrim Kolgjini duke drejtuar një mjet tip “Benz” ka humbur kontrollin e makinës dhe ka dalë nga rruga.

Fatkeqësisht Kolgjini, dhe 35-vjeçari Festim Gjeta i cili ishte pasagjer humbën jetën.

Grupi hetimor po punon për zbardhjen e plotë të rrethanave dhe shkakut të daljes nga rruga të automjetit.

Janë identifikuar dy të burgosurit shqiptarë, të cilët mbrëmjen e djeshme u arratisën nga burgu i Kassavetias në Greqi.

I pari është Romeo Qosja, 41 vjeç nga Cërriku, i dënuar nga Gjykata e Athinës me 20 vjet heqje lirie për vrasje, grabitje, shkatërrim prone me zjarr dhe armëmbajtje pa leje.

Personi i dytë është Lefter Toçi, 41 vjeç nga Bradasheshi i Elbasanit, i dënuar nga Gjykata e Athinës me 20 vjet heqje lirie për pjesëmarrje në organizatë kriminale, bashkëpunim në vrasje, plagosje me pasojë vdekje, grabitje, shkatërrim prone me zjarr.

Ata ndodheshin në burgun e Kassavetias prej vitit 2019 dhe mbaheshin në një zonë të parrethuar për shkak të sjelljes së mirë. Ata rezultojnë të kenë marrë 5 leje gjatë vitit 2024. Mesa duket kanë përfituar nga kthimi i tyre nga leja disa ditë më parë, për të planifikuar arratisjen.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një vatër me murtajën afrikane është identifikuar në Malin e Rrencit në Lezhë.

Sëmundja është shfaqur tek derrat dhe sipas informacioneve të paktën 10 krerë kanë ngordhur, prej të cilëve pesë brenda një ferme dhe pesë të tjerë përgjatë masivit pyjor të kësaj zone.

Pas identifikimit të rasteve, Shërbimi i Veterinarisë në Lezhë është vënë menjëherë në lëvizje dhe nga analizat e kryera ka rezultuar se derrat kanë ngordhur nga murtaja afrikane. Për ketë arsye zona është vendosur në karantinë, ndërsa po kryhen verifikime në të gjithë zonën.

Shërbimi veterinar nuk ka pranuar të komentojë ndërsa i gjithë personeli janë në punë ditën e sotme dhe po vazhdojnë analizimin e situatës.

Murtaja Afrikane e Derrave Sëmundja e Murtajës Afrikane të derrave (ASF), shkaktohet nga një virusi i familjes Asfaviridae dhe është shumë ngjitëse që prek derrat shtëpiak dhe ato të egër, ku shkalla e vdekshmërisë së të cilëve mund të arrijë deri në 100%. Virusi i kësaj sëmundje është shumë rezistent në mjedis, që do të thotë se mund të mbijetojë në rroba, çizme, rrota dhe materiale të tjera dhe mund të mbijetojë edhe në produkte të ndryshme të derrit dhe nënprodukte.

Është parë që virusi i ASF mbijeton në mish, mish i grirë dhe të brendshme 105 ditë, mish i kripur 182 ditë, mish i thatë, lëkurë yndyrë 300 ditë, mish i ngrirë 1000 ditë dhe inaktivizohet në mishin e zier (30 minuta në 70 gradë). Mbijetesa e virusit në produktet e mishit, është faktori potencial për transmentimin e Murtajës Afrikane të derrave.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

POGRADEC- Në Pogradec është ngritur alarmi për sëmundjen e zgjebes. Sipas informacioneve të marra në rrugë zyrtare nga mjekë të DSHP Pogradec, janë gjithsej 7 raste.

Tre raste janë persona që frekuentonin konviktin turk në Pogradec të cilët janë banues ne Veliterne. Ato janë izoluar ndërkohë që në konvikt është bërë pastrimi dhe pritet dezifektimi i tij.

Ndërkohë katër rastet e tjera nga Pogradeci janë raste dhe që janë drejt shërimit. Bëhet me dije se pas këtyre 7 rasteve mjekët do të vijojnë me procedurat për kontrolle të zgjeruara në shkolla të tjera të qytetit për të evidentuar raste të tjera.

Të shtëna me armë zjarri janë regjistruar në Shkodër këtë të mërkurë.

Sipas informacioneve paraprake, dyshohet se ngjarja ka ndodhur në lagjen ‘Dobraç’’, pranë zonës së ish lapidarit të 5 heronjve.

Paraprakisht dyshohet për 3 persona që kanë ndërruar jetë dhe 1 tjetër i plagosur.

Policia dhe ambulanca kanë mbërritur në vendin e ngjarjes, teksa nuk dihen ende detaje nga ngjarja e rëndë.

Dyshohet se viktimat janë Hamza Lici dhe  ndërsa viktima tjetër Arlind Bushati

Identifikohen dy të prekur me “Ethet e Nilit” në Elbasan.

Mësohet se të prekurit janë nga fshatrat Bujqës dhe Jagodinë, përkatësisht të moshës 45 dhe 74 vjeç.

Nga analizat e kryera kanë rezultuar të prekur nga virusi.

Sipas burimeve spitalore dy të prekurit ndodhen kjashtë rrezikut për jetën.

Menjëherë pas konstatimit të rasteve janë kryer dezinfektimet në familjet dhe në kontienerët e mbetjeve urbane si dhe në zonën përreth.

Janë identifikuar dy personat që ndërruan jetë në Fushëkuqe, pas aksidentin me zetorin.

Mësohet se 21-vjeçari Gjin Muhaj dhe Ismail Ismaili kanë qenë të dy hipur në mjet, kur në një moment, 60-vjeçari ka humbur kontrollin. Zetori ka rënë në kanal dhe për pasojë të dy viktimat janë mbytur pasi në kanal kishte ujë.

Ndërkohë, këto janë pamjet nga vendngjarja, pas nxjerrjes së trupave nga kanali me ujë.

Njomza Olluri Gashi dhe vajza e saj Olta janë dy viktimat nga Kosova, të cilat humbën jetën si pasojë e aksidentit që ndodhi një ditë më parë në Kroaci.

Si pasojë e përplasjes së dy mjeteve, ka mbetur i plagosur edhe bashkëshorti i saj, Safet Gashi dhe djali i tyre.

Kjo familje nga Pjetërshtica e Shtimes, me vendbanim në Abensberg, ishin nisur për në Kosovë nga Gjermania. Ndërsa nga po ky aksident pati edhe një tjetër të vdekur, i cili është një kroat nga Zara.