TIRANË- Policia ka njoftuar se janë liruar hapësirat publike përreth stadiumit “Arena Kombëtare”. Në lidhje me këtë aksion bëhet me dije se janë proceduar penalisht 7 administratorët e lokaleve që kishin zënë hapësirat.

Policia shton se janë sekuestruar 330 objekte që ishin vënë pa autorizim. Një prej të proceduarve mësohet se ka kundërshtuar punonjësit e IMT-së ndërsa personat e tjerë u proceduan për veprën penale “Pushtimi i tokës”. Ky aksioni ka ardhur pas urdhrit të kryeministrit Edi Rama për të liruar të gjitha hapsësirat publike dhe se fenomeni “tokë e xnanun” nuk do të funksionojë më.

“Tiranë/Lirohen hapësira publike përreth stadiumit “Arena Kombëtare”. Procedohen penalisht 7 administratorët e lokaleve që kishin zënë hapësirat. Hiqen dhe sekuestrohen rreth 330 objekte që iu shërbenin këtyre aktiviteteve ekonomike dhe ishin vënë pa autorizim.

Procedohet penalisht dhe një 40-vjeçar që kundërshtoi punonjësit e IMT-së, gjatë veprimeve për lirimin e hapësirave. Në vijim të monitorimin intensiv në terren dhe verifikimeve që po kryhen me objektiva: konstatimin e rasteve të zënies së kundërligjshme të hapësirave publike, nxjerrjen e autorëve përpara përgjegjësisë ligjore dhe lirimin e këtyre hapësirave, shërbimet e Komisariatit të Policisë Nr. 1, në bashkëpunim me shërbimet e Policisë Bashkiake dhe ato të Inspektoratit të Mbrojtjes së Territorit, konstatuan se hapësira publike përreth stadiumit “Arena Kombëtare” ishin zënë në kundërshtim me ligjin.

Hapësirat (trotuare dhe vendkalime këmbësorësh) ishin zënë me tavolina, ulëse dhe çadra, për llogari të 7 lokaleve përreth stadiumit. Në lidhje me këto raste u referuan materialet në Prokurori, ku nisi procedimi penal në gjendje të lirë për administratorët e subjekteve, shtetasit: A. S., N. R., Xh. B., M. S., K. M., L. L. dhe B. K., për veprën penale “Pushtimi i tokës”.

Gjithashtu, nisi procedimi në gjendje të lirë për shtetasin F. P., 40 vjeç, punonjës në njërin prej lokaleve, pasi kundërshtoi punonjësit e IMT-së, gjatë kryerjes së detyrës. Kontrollet dhe verifikimet vijojnë. Materialet procedurale iu referuan Prokurorisë së Tiranës, për veprime të metëjshme,” thuhet në njoftim.

37 të burgosur u liruan gabimisht sipas një skeme të lirimit të parakohshëm të prezantuar nga qeveria britanike për shkak të mbipopullimit të burgjeve në Angli dhe Uells, sipas ministrisë së drejtësisë.

Rreth 1,750 të dënuar u liruan këtë muaj sipas programit të qeverisë që konsideron se disa të burgosur kanë të drejtë për lirim, të cilët kanë kryer 40 për qind të dënimit të tyre.

Mijëra të tjerë pritet të lirohen.

Në një deklaratë, një zëdhënës i Ministrisë së Drejtësisë, duke konfirmuar raportimin e djeshëm të Daily Mirror, tha se një numër shumë i vogël i të burgosurve, janë liruar gabimisht.

Gjithsej 37 të burgosur që ishin në burg për shkelje të urdhrave të ndalimit u liruan gabimisht, por shumica prej tyre tashmë janë kthyer në burg.

Pesë nuk janë kthyer ende.

Britania ka shkallën më të lartë të të burgosurve në Europën Perëndimore dhe po përballet me një krizë, me numrin e të burgosurve që po rritet ndjeshëm pas periudhës së pandemisë për shkak të dënimeve më të gjata, vonesave në shumë raste dhe një marrëveshje sipas së cilës ata që janë dënuar për krime të rënda duhet të kryejnë të paktën 65% të dënimit të tyre.

Pas marrjes së pushtetit në korrik, qeveria laburiste njoftoi një skemë të lirimit të parakohshëm për shkak të mbipopullimi të burgjeve.

Tashmë janë liruar kosovarët që janë ndaluar nga autoritetet kufitare serbe në vendkalimin Kroaci-Serbi.

Ata u ndaluan pak orë pasi në Asamblenë Parlamentare të Këshillit të Evropës u dha drita e gjelbër për anëtarësimin e Kosovës në këtë organizatë.

Ndalimi i tyre ka nxitur reagime të shumta. Kryeministri Albin Kurti ka thënë se me këto veprime, Serbia po hakmerret ndaj votimit të Asamblesë Parlamentare të Këshillit të Evropës që i hap rrugë anëtarësimit të Kosovës në këtë organizaty

Edhe Bashkimi Evropian ka thënë se Serbia shkeli Marrëveshjen e Lëvizjes së Lirë.

Ndërkohë ende nuk dihet për kosovarët e ndaluar në vendkalimin kufitar Serbi – Hungari.

Deputeti shqiptar në Kuvendin e Serbisë, Shaip Kamberi ka njoftuar edhe për ndalimin e shqiptarëve të Luginës së Preshevës te “Dheu i Bardhë”.

Ai tha se qytetarët atje po mbahen me orë të tëra nga autoritetet serbe.