Një stuhi shkaktoi tornado nëpër pjesë të Shteteve të Bashkuara qendrore të mërkurën dhe të enjten, duke lënë të paktën shtatë persona të vdekur, ndërsa sinoptikanët paralajmëruan se sistemi i pandërprerë do të sjellë edhe disa ditë të tjera shiu të tepërt që mund të shkaktojë përmbytje të përhapura kërcënuese për jetën.

“Siç është thënë në mënyrë të përsëritur gjatë disa ditëve të fundit, kjo ka pasojat e një ngjarje katastrofike, potencialisht historike të reshjeve të mëdha dhe përmbytjeve të shpejta,” tha Shërbimi Kombëtar i Motit në parashikimin e tij të fundit , duke paralajmëruar se 15 inç shi ose më shumë mund të bien në disa zona.

Raundet e vazhdueshme të stuhive intensive të afta për të prodhuar shira të rrëmbyeshëm” janë të mundshme, shtoi shërbimi i motit. “Mund të priten raste të shumta të përmbytjeve të shpejta.”

Shiu i dendur sipas parashikimit mund të thyejë rekordet dhe të çojë në përmbytje të përhapura në pjesë të luginës së poshtme të Ohajos dhe 

Stuhia Martinho ka shkaktuar dëme të mëdha dhe rreziqe përmbytjesh në Spanjë, me Madridin që po përballet me reshje rekord dhe Galicia dhe Andaluzia po përjetojnë erëra të forta dhe ndërprerje.

Autoritetet në Madrid kanë lëshuar një paralajmërim për përmbytje të mundshme pasi stuhia Martinho u përcoll me reshje të mëdha shiu në kryeqytetin spanjoll.

Shërbimet e urgjencës kanë kërkuar “kujdes maksimal” në zonat përreth pjesëve të pakanalizuara të lumit Manzanares.

Ky mars tashmë është konfirmuar si më i lagështi i regjistruar, dhe Madridi është në rrugën e duhur për të thyer rekordet vjetore të reshjeve.

Në Galicia, stuhia shkaktoi mbi 400 incidente gjatë natës.

Veriu i Italisë u godit nga një stuhi që shkaktoi rrëshqitje dheu dhe përmbytje, si pasojë e së cilës u ndalua qarkullimi hekurudhor, ndërsa në disa vende u mbyllën shkollat. Stuhia goditi rajonin veriperëndimor të Liguria.

Dy fluturime për në Genova u devijuan në Piza dhe Torino, dhe fluturimet nga Roma dhe Piza u devijuan për në Catania ose u anuluan. Alarmi portokalli u aktivizua në Emilia Romagna dhe qytetin port të La Spezia, ku shkollat ​​u mbyllën, raporton Stampa. Stuhia do të prekë sot Lombardinë dhe Toskanën, thanë shërbimet kompetente.

Vëmendja është përqendruar në provincat e Parmës dhe Piacenza-s dhe në zonat malore dhe kodrinore të provincës Reggio Emilia. Në Milano është aktivizuar alarmi i verdhë i motit për shkak të rrezikut të përmbytjes së dy lumenjve Seveso dhe Lambro.

Reshjet e pazakonta të borës sot shkaktuan probleme të mëdha në rrjetin rrugor të Afrikës së Jugut, ku në mesditë me orën lokale njerëzit mbetën të bllokuar pasi kaluan natën në automjetet e tyre.

Autostrada N3, e cila lidh Johanesburgun me qytetin bregdetar lindor të Durbanit, ishte një nga më të goditurat dhe shumë pjesë të saj u mbyllën, edhe nëse devijimi i trafikut ishte i pamundur, thanë autoritetet.

Shërbimet e urgjencës kanë punuar gjatë gjithë natës dhe po vazhdojnë të ndihmojnë personat e bllokuar në makinat e tyre, por për momentin nuk dihet se sa janë bllokuar apo në çfarë gjendje janë, tha një zyrtar nga kompania që menaxhon autostradat, Tanya Doogra, në rrjetin televiziv ENCA.

Batanije dhe vakte janë shpërndarë për disa nga shoferët e bllokuar, tha qeveria provinciale KwaZulu-Natal në një deklaratë për shtyp të lëshuar këtë pasdite.

Kamionët janë parkuar në anë të rrugës që nga dje dhe autobusët që udhëtojnë midis provincave kanë mbetur të bllokuar për rreth 7 orë në pikat e karburantit, i tha AFP Simone Zouane, një oficer komunikimi në RTMC, organi kryesor që menaxhon rrugët në vend.

Stuhia “Atena” ka goditur një pejsë të Greqisë duke shkaktuar përmbytje në Athinë dhe në Rodos. Mediat helene raportojnë se gjatë kësaj të mërkure një stuhi e fortë shiu ka goditur zonën e Atikës në Athinë duke shkaktuar përmbytje në rrugë.

Ndërkohë që e njëjta situatë është paraqitur edhe në Rodos ku disa nga rrugët kryesore janë kthyer në lumenj.

Ndërkohë mediat raportojnë që edhe përgjatë ditës së premte në Greqi pritet të ketë një tjetër stuhi të fortë shiou dhe breshëri e cial do të sjellë në ulje të ndjeshme temperaturash.

Dy persona kanë humbur jetën si pasojë e një stuhie të fuqishme që goditi Malin e Zi me shira të dendur dhe erëra të forta.

Dhjetëra pemë u rrëzuan, teksa era mori me vete çadra plazhi, tjegulla dhe objekte të tjera të forta.

Sipas mediave malazeze, si pasojë e stuhisë ka humbur jetën një punëtor i vinçit në një kantier ndërtimi si dhe një person që u godit nga rrufeja në Lushticë.

Sipas të dhënave nga stacioni meteorologjik i Barit, në momentin e stuhisë, fuqia e erës arriti në 200 kilometra në orë.

Reshje të shumta shiu shoqëruar me era të forta në qytetin e Leskovikut dhe rrethinat.

Nga stuhia mësohet se janë rrëzuar pemë dekorative brenda qytetit ndërkohë që reshjet e shiut janë shoqëruar edhe me breshër për disa minuta

Burime zyrtare bëjnë të ditur se nga stuhia janë shkaktuar probleme përsa i përket furnizimit me energji elektrike jo vetëm në qytetin e Leskovikut por dhe në disa fshatra në afërsi të këtij qyteti.

Grupet e punës të OSSHE janë në terren për rikthimin e energjisë elektrike.

Të paktën shtatë persona kanë humbur jetën si pasojë e stuhisë tropikale “Eviniar” që goditi Filipinet gjatë fundjavës.

Për shkak të erërave të forta dhe shiut në jug të kryeqytetit të Filipineve, Manila, pati ndërprerje të energjisë elektrike, si dhe u mbyllën disa aeroporte dhe porte detare.

Stuhia solli erëra deri në 130 kilometra në orë.

ë paktën 14 persona janë vrarë dhe dhjetëra të tjerë janë plagosur pasi një billbord gjigant u shemb gjatë një stuhie të papritur në qytetin indian të Mumbait. Billbordi, me përmasa 70 me 50 metra sipas policisë, ra mbi shtëpi dhe një pikë karburanti. Shërbimet e urgjencës thonë se disa njerëz janë ende të bllokuar nën të dhe një operacion shpëtimi është duke u zhvilluar.

Pamjet në kanalet lokale të lajmeve tregojnë billbordin e madh që lëkundet nga era përpara se të lëshojë rrugën dhe të përplaset me ndërtesat pranë një rruge të ngarkuar në periferinë lindore të qytetit, Ghatkopar. Në aksident janë përplasur disa automjete. Në fotot nga vendi i ngjarjes, ekipet e emergjencës mund të shihen duke punuar nëpër rrënojat. Pamjet dramatike video tregojnë punëtorët e shpëtimit duke nxjerrë një viktimë nga poshtë billbordit të rënë dhe duke përdorur mjete elektrike për të prerë metalin.

Ne kemi shpëtuar rreth 80 njerëz të sigurt. Është një makinë e kuqe e cila është dëmtuar rëndë, dyshojmë se ka disa njerëz të bllokuar brenda”, tha një zyrtar për agjencinë e lajmeve ANI.

Ministri i Mbrojtjes, Niko Peleshi ka deklaruar mbrëmjen e sotme se situata si pasojë e reshjeve intensive pothuaj në të gjithë territorin e vendit paraqitet më e mirë, por strukturat e emergjencave civile vijojnë punën në terren për eliminimin e çdo pasoje.

Nëpërmjet një postimi, Peleshi sqaron se “tri ekipe nga Forcat e Armatosura janë angazhuar në ndihmë të punonjësve të bashkisë së Tiranës, ku situata është përmirësuar ndjeshëm”.

“Vëmendje e shtuar është në qarqet Dibër e Shkodër, ku po punohet për pastrimin e disa akseve.

Sipas parashikimeve nga IGJEO, gjatë natës priten reshje me intensitet të lartë në të gjithë territorin e vendit, ku në një pjesë të madhe të tij reshjet do të jenë në formën e rrebesheve dhe stuhive shoqëruar me shkarkesa të forta”, shkruan Peleshi.

Po ashtu, ministri u bën thirrje qytetarëve të njoftojnë në kohë, në rast nevoje dhe të shmangin lëvizjet e panevojshme.