Një rast i kultivimit të bimëve narkotike është zbuluar në fshatin Mezhgoran të Tepelenës, ku dy persona, babë e bir, janë arrestuar pasi dyshohet se kishin mbjellë 194 bimë të dyshuara cannabis sativa në afërsi të banesës së tyre.

Gjatë kontrollit të zonës, u sekuestrua një sasi e vogël e bimëve si provë materiale, ndërsa pjesa tjetër u asgjësua nëpërmjet djegies në vendngjarje.

Dy të arrestuarit janë shtetasit M. C., 64 vjeç, dhe E. C., 35 vjeç. Të dy do të përballen me akuzat për kultivim të paligjshëm të lëndëve narkotike.

Kontrollet në territor do të vijojnë në ditët në vijim, me qëllim parandalimin e rasteve të ngjashme. Ndërkohë, materialet hetimore i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.

Një aksident ka ndodhur në Tepelenë rreth orës 19:50 në rrugën e fshatit Luzat, kur shtetasi Z. Ç., 65 vjeç, ka humbur kontrollin mbi automjetin e tij, duke dalë nga rruga. Si pasojë e këtij aksidenti, janë dëmtuar lehtë si drejtuesi i mjetit, Z. Ç., ashtu edhe pasagjeri, shtetasi S. K.

Të dy të lënduarit po marrin ndihmën mjekësore në Spitalin Rajonal të Gjirokastrës, dhe ndodhen jashtë rrezikut për jetën.

Grupi hetimor ka nisur punën për të sqaruar shkaqet dhe rrethanat e këtij aksidenti.

Njoftimi i policisë:

Tepelenë/Informacion paraprak

Rreth orës 19:50, në rrugën e fshatit Luzat, shtetasi Z. Ç., 65 vjeç, banues në Tepelenë, ka humbur kontrollin mbi drejtimin e automjetit dhe për pasojë automjeti ka dalë nga rruga.

Si pasojë janë dëmtuar lehtë shtetasi Z. Ç., dhe pasagjeri shtetasi S. K., të cilët po marrin ndihmë mjekësore në Spitalin Rajonal Gjirokastër.

Grupi hetimor po punon për sqarimin e rrethanave të aksidentit.

Një aksident është regjistruar pasditen e sotme në aksin rrugor Tepelenë-Krahës.

Policia bën me dije se aksidenti është regjistruar rreth orës 17:10, kur një makinë ka humbur kontrollin dhe ka dalë nga rruga. Për shkak të aksidentit ka mbetur i plagosur shoferi 51-vjeçar i identifikuar me inicialet Y. S.

I plagosuri është dërguar në spitalin e Tepelenës ku po merr ndihmë mjekësore, ndërsa grupi hetimor po punon për sqarimin e rrethanave të aksidentit.

E fshihte kokainën në trungun e lajthive, arrestohet 35-vjeçari shqiptar në Itali

Njoftimi i plotë:

Memaliaj/Informacion paraprak. Rreth orës 17:10, në aksin rrugor “Tepelenë-Krahës”, shtetasi Y. S., 51 vjeç, banues në Memaliaj, ka humbur kontrollin mbi drejtimin e automjetit dhe për pasojë automjeti ka dalë nga rruga.

Si pasojë është dëmtuar lehtë 51-vjeçari, i cili po merr ndihmë mjekësore në Spitalin e Tepelenës. Grupi hetimor po punon për sqarimin e rrethanave të aksidentit.

Para pak minutash, në aksin Gjirokastër-Tepelenë, ka ndodhur një aksident në kthesën për tek Ura e Hormovës.

Mendohet se automjeti ka humbur kontrollin dhe ka përfunduar në rrjedhën e Lumit Drino, duke rënë nga një lartësi mbi 15 metra.

Në vendngjarje, kanë shkuar forcat policore dhe autoambulanca.

Fatmirësisht, raportohet se shoferi dhe pasagjeri në bordin e automjetit kanë pësuar vetëm dëmtime të lehta dhe janë jashtë rrezikut për jetën.

Ndërkohë, policia po punon për zbardhjet e plotë të shkaqeve të aksidentit.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Drejtuesi i mjetit që shkaktoi aksidentin mbrëmjen e së hënës në aksin rrugor “Levan-Tepelenë” është arrestuar në flagrancë nga policia. Sipas njoftimit të bluve, 24-vjeçari, teksa drejtonte automjetin e tij, ka kryer një parakalim të gabuar dhe për pasojë është përplasur me një mjet tjetër.

Si rezultat i përplasjes, katër persona kanë mbetur të lënduar, përfshirë drejtuesit e dy mjeteve dhe dy pasagjerët, të cilët janë transportuar në spital dhe kanë marrë ndihmën mjekësore. Policia ka bërë me dije se të lënduarit janë jashtë rrezikut për jetën.

Njoftimi i Policisë:

Në vijim të informacionit paraprak të dhënë mbrëmjen e djeshme, për një aksident në aksin rrugor “Levan-Tepelenë”, Sektori i Qarkullimit Rrugor kreu veprimet për arrestimin në flagrancë të shtetasit 24 vjeç, banues në Fier, pasi dyshohet se si pasojë e një parakalimi të gabuar, automjeti që drejtonte ky shtetas, është përplasur me një automjet tjetër. Nga përplasja janë dëmtuar shtetasi dhe pasagjeri në automjetin e tij, shtetasi 23 vjeç, të dy banues në Fier, të cilët në kujdesin e mjekëve dhe jashtë rrezikut për jetën.

Një aksident i rëndë ka ndodhur një ditë më parë në aksin Tepelenë – Fier.
Si pasojë humbi jetën çifti i bashkëshortëve dhe mbetën të plagosur dy të tjerë.
Lidhur me këtë ngjarje është arrestuar 61-vjeçari drejtuesi i automjetit autobot që u përplas me automjetin me të cilin udhëtonte çifti i bashkëshortëve.

Në vijim të informacionit të dhënë ditën e djeshme, për një aksident rrugor në aksin “Tepelenë-Fier”, si pasojë e të cilit humbën jetën shtetasit V. A., 31 vjeç dhe M. A., 36 vjeçe (bashkëshortë), informojmë se specialistët e Policisë Rrugore arrestuan shtetasin S. A., 61 vjeç, banues në fshatin Ndërmenas, drejtuesi i automjetit autobot që u përplas me automjetin me të cilin udhëtonte çifti i bashkëshortëve.

Kodrat e Salarisë në Tepelenë janë përfshirë mbrëmjen e sotme nga flakët.
Burime bëjnë me dije se zjarret e përhapura shfaqen duke djegur hapësira të tëra me bimësi.

Sakaq, edhe pse zjarri vijon të djegë bimësinë në zonë nuk ka ndërhyrje nga forcat zjarrfikëse dhe autoritetet përkatëse.

Policia Rajonale ka ndëmarrë një aksion në zonën e Kurveleshit në Tepelenë pas disa informacioneve për prezencën e kanabisit.

Bimët narkotike ishin mbjellë në një ambient të mbyllur, të braktisur, teksa në momentin që është zbuluar nga policia kanë qenë të instaluar drita verbuese për ngrohje të përshtatur si shtëpi bari kultivuese

Burime informojnë se deri më tani janë zbuluar mbi 230 rrënjë kanabisi. Ndërkaq Policia ka shoqëruar në Komisariatin e Tepelenës 4 persona ku njëri prej tyre dyshohet se është kryesori në këtë akt ilegal. Aksioni për verifikimin e personave të tjerë vijon.

‘Në zbatim të masave për parandalimin dhe goditjen e tentativave për kultivim të bimëve narkotike cannabis sativa në terren apo në ambiente të mbyllura me llamba, shërbimet e Komisariatit të Policisë Tepelenë dhe ato të Drejtorisë Vendore të Policisë Gjirokaster kanë intensifikuar kontrollet.

Si rezultat i kontrolleve dhe inteligjencës policore shërbimet e Drejtorisë Vendore të Policisë Gjirokastër dhe shërbimet e Komisariatit të Policisë Tepelenë në bashkëpunim me shërbimet e OSHEE-së, në rrugën e fshatit Veliqot kanë zbuluar një ambient (shtëpi e pabanuar) të përshtatur me llamba që furnizoheshin me energji elektrike, për kultivim të bimëve narkotike cannabis sativa në vazo.

Grupi hetimor po vijon punën për dokumentimin e plotë të rastit. Në përfundim të veprimeve të para do ketë informcion më të detajuar.

Ndërkohë shërbimet e policisë vijojnë kontrollet në terren dhe në ambientet e mbyllura’, informon policia.

Një automjet ka marr flakë në ecje pasditen e sotme në autostradën Levan – Tepelenë në afërsi të Kthesës së Poçemit.

Burime informacioni nga Drejtoria e Policisë Vendore pohuan se makina ka qenë në lëvizje kur është përfshirë nga flakët. Drejtuesi i automjetit kur ka parë tymin në pjesën para makinës ka hapur krahun e ka ndaluar mjetin duke njoftuar policinë.

Kanë qenë forca të policisë dhe zjarrfikëseve që kanë shkuar në vendngjarje për të shuar flakët në automjet dhe për të përcaktuar rrethanat se përse ka ndodhur zjarri.

Po këto burime informacioni pohuan se ka pasur vetëm dëme materiale.

Mbrëmjen e sotme ka ndërruar jetë personi i pestë i përfshirë në aksidentin e 17 marsit në Tepelenë.

Jani Çela, 58 vjeç, i cili ndërroi jetë mbrëmjen e sotme ndodhej në gjendje kome, në spitalin e Traumës në Tiranë.

Mbrëmjen e 17 marsit një aksident tragjik me pasojë vdekjen e katër personave ndodhi në Tepelenë si pasojë e përplasjes së 3 automjeteve.