Një ngjarje e rëndë ka ndodhur në një shkollë fillore në Republikën Çeke, ku një nxënës ka kryer një sulm me thikë.
Mësohet se dy të mitur kanë mbetur të plagosur nga shoku i tyre i klasës, në qytetin perëndimor të Domazlice, pranë kufirit me Gjermaninë. Sulmi ndodhi në ditën e dytë të vitit të ri shkollor, ndërsa ata janë nxënës të klasës së dytë.
“Një nxënës sulmoi me thikë shokët e klasës. Dy fëmijë kanë mbetur të plagosur dhe prindërit e tyre janë njoftuar”,– tha policia në një deklaratë.
Nuk dihet ende motivi që qëndron pas sulmit të nxënësit, që tashmë është ndaluar nga policia.
