Ky njoftim vjen pas nënshkrimit të një marrëveshjeje mes Shell Brand Licensees Coral S.A., e cila operon që prej vitit 1926 në Greqi dhe Evropën Juglindore, Coral Albania Sh.a, e themeluar në vitin 2017 në Shqipëri, dhe kompanisë shqiptare Kastrati Group Sh.a.
Stacionet e para të furnizimt me karburant të markës Shell priten të hapen deri në fund të vitit 2025.
Rrjeti Shell thotë se do t’u ofrojë klientëve shqiptarë portofolin Shell të karburanteve me cilësi të lartë, lubrifikantët dhe shërbime te tjera.
Stacionet e karburantëve Shell në Shqipëri do të ofrojnë karburantet Shell V-Power, të cilat përmbajnë 99% të të njëjtëve përbërës që gjenden në karburantin V-Power të Shell që përdoren nga makinat e Scuderia Ferrari gjatë garave në pistë.
