Policia greke ka vënë në pranga 4 shqiptarë, të cilët ishin pjesë e një bande që trafikonte drogë. Sipas mediave greke, pjesë e bandës ishin edhe 3 grekë, të cilët po ashtu u arrestuan gjatë operacionit policor.
Ndërsa ende nuk ka informacione për veprimtarinë kriminale të grupit, bëhet me dija se të shtatë personat e arrestuar do të dalin nesër para gjykatës për tu njohur me masën e arrestit.
Ndërkohë, mësohet se 3 grekët ishin të punësuar në shtet dhe së fundmi ishin nën vëzhgim nga policia deri sa sot zbuluan skemën e tyre.
Sipas informacioneve, njëri prej tyre është zjarrfikës me shërbim në Patra, tjetri shef shërbimi luftarak në Drejtorinë e Policisë Akaia dhe i treti nëpunës civil.
