6 zakone të natës që mund të garantojnë një gjumë të qetë

Kur kemi një ritëm të shpejtë dhe një rutinë rraskapitëse, ndonjëherë ndihemi të tunduar të heqim dorë nga ajo që është vërtet e mirë për shëndetin tonë, për shembull, duke bërë një gjumë të mirë. Ose, nganjëherë, pavarësisht se sa të lodhur jemi, thjesht nuk mund të mbyllim sytë dhe të bëjmë një gjumë të mirë. Shpjegimi është i thjeshtë: ne priremi të adoptojmë zakone të këqija që kanë një ndikim të drejtpërdrejtë në shëndetin tonë dhe rrjedhimisht në cilësinë e gjumit tonë.

1. Ndryshoni pozicionet e gjumit. Secili prej tyre ka avantazhet dhe disavantazhet e veta.

Pozicioni më i mirë i gjumit është në shpinë. Sigurisht që është i mirë për shtyllën kurrizore dhe pjesën e pasme të qafës, por mund të shkaktojë gërhitje dhe apnea të gjumit. Nga ana tjetër, gjumi me bark ka më shumë disavantazhe sesa avantazhe. Ky pozicion ju detyron të ktheni kokën, gjë që mund të përfundojë shumë e dhimbshme për pjesën e sipërme të trupit.

Nëse flini në anën tuaj, mund të ulni presionin në shtyllën kurrizore, por ijet tuaja do të preken. Në pozicionin e fetusit, muskujt relaksohen natyrshëm, dhe refluksi dhe urthi ulen . Megjithatë, ky pozicion mund të vështirësojë frymëmarrjen. Si përfundim, është mirë të ndryshoni pozicionin herë pas here për të bërë një gjumë të qetë.

2. Përpiquni që gjithmonë të ngriheni dhe të flini në të njëjtën kohë.

Është e rëndësishme të dini se gjumi  përcaktohet nga një ritëm cirkadian, pra një orë biologjike 24-orëshe që ndryshon nga personi në person. Pra, për të bërë një gjumë të mirë dhe për t’u ngritur në këmbën e djathtë, është thelbësore të përvetësoni një ritëm të qëndrueshëm për sa i përket  kohës së gjumit dhe mbi të gjitha ngritjes.

Zgjimi vonë në mëngjes do të vonojë orarin tjetër të gjumit dhe kjo do të ndikojë në gjumin e natës së ardhshme nëse kjo sjellje bëhet e përsëritur. Prandaj është e rëndësishme që të kemi një ritëm sa më të rregullt për të ndjerë një farë lodhjeje që na paralajmëron se është koha për të fjetur.

3. Shtrati është vetëm për të fjetur.

Shtrati duhet të  konsiderohet si  një vend i dedikuar vetëm për të fjetur. Çdo aktivitet tjetër i papajtueshëm me gjumin duhet të eliminohet. Pra, nuk duhet të shikojmë serialet e Netflix me orë të tëra, të hamë apo të lexojmë në shtrat.

Ajo që është me të vërtetë e rëndësishme është të shkojmë në shtrat vetëm kur duam të flemë. Nëse gjumi nuk vjen, është më mirë të  ngriheni nga shtrati. Qëndrimi në shtrat mund të shkaktojë ankth që do ta bëjë shumë më të vështirë të biesh në gjumë. Shtrati ynë është para së gjithash një vend relaksi ku duhet të mbajmë larg të gjitha mendimet negative.

4. Shmangni të bëni sport në orët e vona të pasdites ose në mbrëmje.

Ndonjëherë ditët tona janë të gjata, kështu që ne e shtyjmë aktivitetin tonë fizik deri në mbrëmje, gjë që është një gabim i rëndë. Ushtrimi në fund të ditës na ngre temperaturën, dhe na aktivizon fizikisht dhe psikologjikisht dhe këta dy faktorë nuk shkojnë paralelisht me një gjumë të mirë.

Ajo që mund të bëni në këtë kohë të ditës është të ecni pa u munduar shumë. Gjithashtu, përpiquni të  shmangni banjat e nxehta pak para se të shkoni në shtrat, si dhe çdo aktivitet intelektual intensiv deri në orët e vona të natës.

5. Një darkë e lehtë do t’ju ndihmojë të flini më mirë.

Burimi: brightside

Përkthyer nga: JiL.al. Ndalohet kopjimi dhe shpërndarja pa autorizimin e redaksisë