Avioni i linjës ajrore ruse “Ural Airlines” bëri një ulje urgjente dhe të sigurt në aeroportin e Sharm el-Sheikh të Egjiptit gjatë natës për shkak të një defekti teknik të njërit prej motorëve. Mosfunksionimi ndodhi pak pasi avioni u ngrit nga ai aeroport, njoftoi shërbimi për shtyp i linjës ajrore.
Kompania deklaroi se ka siguruar një aeroplan rezervë për të kryer fluturimin midis Sharm el-Sheikh dhe Yekaterinburg në Rusi. Ministria e Aviacionit Civil egjiptian njoftoi më parë se Airbus A-321 i “Ural Airlines” bëri një ulje emergjente dhe të sigurt në aeroportin Sharm el-Sheikh të Egjiptit të premten në mbrëmje.
Avioni me 236 pasagjerë po fluturonte për në Jekaterinburg në Rusi, raportoi RIA Novosti. Ekipet teknike kompetente kryen një inspektim për të përcaktuar shkaqet e dështimit dhe për të kryer riparimet e nevojshme, tha ministria egjiptiane.
