Skena të dhunshme janë regjistruar mbrëmjen e djeshme në zonën e Monastirakit në Athinë. Dy persona janë dhunuar me sende të forta duke u plagosur, në sy të qindra kalimtarëve, në një nga zonat më të frekuentuara të kryeqytetit grek.
Sipas burimeve nga policia greke, personat e përfshirë janë shtetas shqiptarë dhe dyshohet se përplasja ka ardhur për shkak të konfliktit për influencën në zonat e gjobvënies ndaj bizneseve.
Dy të dëmtuarit janë transportuar në spital, ndërkohë që policia ka identifikuar autorët, por ende nuk ka bërë ndalimin e tyre.
“Lufta” e gjobvënies është një problem i hershëm për autoritetet greke, që shpesh ka shkaktuar edhe viktima në atentate mafioze.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
