Në kuadër të operacionit policor të koduar “Indoor”, Policia e Vlorës ka arrestuar 3 shtetas dhe ka proceduar penalisht 5 të tjerë, mes të cilëve janë edhe 3 punonjës të OSHEE-së. Specialistët e Sektorit për Hetimin e Narkotikëve kanë proceduar për veprën penale të “Shpërdorimit të detyrës” tre punonjësit e OSHEE-së me iniciale F. Gj. 50 vjeç, E. O. 40 vjeç dhe G. H. 58 vjeç.
Hetimet tregojnë se të arrestuarit në kundërshtim me detyrat e tyre, nuk kanë ushtruar kontroll për lidhjen e paligjshme të energjisë elektrike në një objekt ku u gjet një ambient i përshtatur për kultivimin e bimëve narkotike. Policia, në bashkëpunim me Prokurorinë, vazhdon hetimet për zbardhjen e plotë të rastit dhe identifikimin e personave të tjerë të përfshirë në këtë aktivitet të paligjshëm.
