Të shtëna me armë zjarri ka ndodhur në Greqi, pas një sherri. Sipas mediave të huaja është identifikuar shoferit që qëlloi në tokë pas debatit që ndodhi në mes të rrugës me një shofer 41-vjeçar, në Evosmos të Selanikut.
Konkretisht ai është një shtetas shqiptar 30-vjeçar, ndaj të cilit është ngritur një çështje penale për lëndim trupor dhe shkelje të ligjit për armët.
Incidenti ndodhi kur 30-vjeçari fillimisht debatoi me një shofere femër, të cilën 41-vjeçari, me origjinë nga Gjeorgjia, nxitoi ta mbronte
Pas debatit, dy burrat janë përplasur fizikisht dhe më pas shqiptari ka qëlluar në tokë si kërcënim, përpara se të kthehej në makinën e tij dhe të largohej nga vendi i ngjarjes. Gjithashtu 41-vjeçari mbeti i plagosur lehtë nga goditjet që mori.
