Aksident në aksin Vlorë–Selenicë, plagosen dy persona
Vlorë, 22 qershor 2025 – Një aksident rrugor është regjistruar sot rreth orës 12:50 në aksin Vlorë–Selenicë, pranë fshatit Sherishtë. Ngjarja përfshiu një kamionçinë tip “Nissan” dhe një automjet tip “Audi”.
Sipas informacionit paraprak të Policisë, kamionçina e drejtuar nga shtetasi N. H., 68 vjeç, është përplasur me automjetin “Audi” që drejtohej nga shtetasi Xh. Xh., rreth 23 vjeç.
Si pasojë e përplasjes, kanë mbetur të plagosur:
Xh. Xh., drejtuesi i “Audi”-t,
F. C., 61 vjeç, pasagjer në kamionçinë.
Të dy të dëmtuarit janë transportuar në spital dhe ndodhen nën kujdesin e mjekëve, ndërsa mësohet se janë jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave dhe përcaktimin e shkakut të aksidentit. /noa.al
