Një aksident rrugor ka ndodhur pasditen e sotme në rrugën që lidh qytetin e Pogradecit me fshatin turistik Tushemisht.
Dy automjete u përplasen me njëra-tjetrën, duke shkaktuar lëndimin e tre personave.
Të dëmtuarit janë pasagjerë në mjetet e përfshira në aksident dhe janë transportuar drejt spitalit të Pogradecit për marrjen e ndihmës së parë mjekësore.
Deri tani nuk ka informacion zyrtar mbi gjendjen e tyre shëndetësore.
Pogradec/ Informacion paraprak
Në aksin rrugor Pogradec–Tushemisht, automjeti tip “Benz”, me drejtues shtetasin L. D., është përplasur me automjetin tip “Audi”, me drejtues shtetasin E. H.
