INDONEZI- Një tërmet i fuqishëm me magnitudë 6.7 ballë të shkallës Rihter goditi të hënën Ishujt Taninbar, një grup ishujsh në provincën Maluku të Indonezisë. Tërmeti ra në një thellësi prej 98 km, sipas agjencisë gjeofizike të Indonezisë, dhe nuk kishte kërcënim për cunami.
Shërbimi Gjeologjik i SHBA-së (USGS) tha se tërmeti ndodhi në orën 12:49 të mesditës sipas kohës lokale në një thellësi prej 80 kilometrash, rreth 177 kilometra në perëndim të qytetit Tual në provincën Maluku Lindore, ndërsa Qendra Gjermane e Kërkimeve të Gjeoshkencave (GFZ) tha se ishte me magnitudë 6.8 ballë dhe kishte një thellësi fokale prej 10 kilometrash. Qendra e Paralajmërimit për Cunami në Paqësor tha se nuk kishte kërcënim për një cunami.
