Sport

Nuk është Ronaldo dhe as Messi; ylli i Juventusit ndjek vetëm atë si model: Një kampion absolut!

Jil
Jil
2 Min Read

Disfata e fundit e pësuar nga Juventusi përkoi me rikthimin në “Olimpico” të Federico Chiesa, për herë të parë që nga ai dëmtim i tmerrshëm i pësuar më 9 janar 2022: këputje e ligamentit të kryqëzuar të përparmë. Mungesa e gjatë në fushë mori fund më 6 nëntor, kur u aktivizua kundër PSG-së në “Allianz Stadium”.

Ish-lojtari i Fiorentinës është rikthyer për të folur për atë mbrëmje shumë të keqe në Romë, duke ndërhyrë si i ftuar special në kanalin Twitch të Juventusit: “Nisem nga fakti se në karrierën time sigurisht që kam pësuar faullet më të këqija, ku ndoshta jam nisur me shpejtësi dhe jam rrëzuar në tokë.

Në këtë rast rrezikova më shumë. Duke parë rrethanat e dëmtimit, ndërhyrja e Smalling nuk ishte e ashpër, qëllimi i tij ishte të arrinte topin. Ai shkoi drejt topit, nuk veproi keq. Këto janë gjëra që ndodhin në sportet e kontaktit”.

Edhe ish-shoku i skuadrës Bentancur pësoi një dëmtim si i tij, ndaj sezoni me Tottenham tashmë ka përfunduar: “I uroj fat të mirë, këto gjëra ndodhin një mijë herë, por mjafton një fraksion sekonde në të cilën e vendos keq këmbën dhe pastaj qëndron pa lëvizur 6 apo 7 muaj. Ndonjëherë mendon: Dreq, kam thyer gjithçka, por pastaj ngrihesh përsëri”.

Mbappé është aktualisht lojtari më i ndjekur me kënaqësi nga Chiesa: “Si fëmijë idhulli im ishte Kaká, tani shikoj më së shumti Mbappé. E vendosa në kornizë fanellën që më dha. Ai është vërtet shumë i fortë, një kampion absolut, çarmatos çdo mbrojtje kundërshtare.

Mund të arrijë lehtësisht me topin te porta kundërshtare, ta bëjë me një shpejtësi që pakkush mund ta ketë në futboll. Edhe për sa iu përket golave ai është shumë i fortë; shënoi atë ‘hat-trick’ të mrekullueshëm në një finale Botërori”./noa.al

Lexo të radhës

Ronaldo fiton miliona edhe kur fle gjumë!

Barcelona kalon në epërsi ndaj Realit

FIFA përzgjedh 11 futbollistët më të mirë të vitit..

Arsyeja pse e dashurojmë futbollin

TAGGED:
Share This Article
ByJil
Follow:
JiL.al | Informohu – Frymëzohu – Jeto i Lumtur Plaftorma JiL.al ka si qëllim edukimin, frymëzimin dhe motivimin e lexuesve tanë përmes publikimeve të përzgjedhura, thënie, fragmente, poezi, histori suksesi dhe jo vetëm. Gjithashtu të rejat më të fundit nga aktualiteti, politika, showbizi, vendi, rajoni dhe bota. Për Reklamim të Biznesit tuaj dhe bashkëpunime na Kontaktoni: Email: jetoilumtur.al@gmail.com📩 Facebook: JiL.Albania Instagram: jil.albania
96 Comments

Leave a Reply

Your email address will not be published. Required fields are marked *

You Might Also Like