Një burrë në Elbasan gjeti vdekjen të dhimbshme pasditen e sotme pasi kolona mbajtëse e një banese ku po sistemonte disa materiale ndërtimi, befas u rrëzua duke i shkaktuar plagë fatale.
Ngjarja ndodhi sot rreth orës 16:10, në fshatin Shushicë, Elbasan, raporton noa.al.
Burri F. F., 64 vjeç, ka qenë duke sistemuar disa materiale ndërtimi, në banesën e pabanuar dhe të amortizuar, në pronësi të kunatit të tij (burrit të motrës).
Në një moment është shembur një kolonë e banesës.
Si pasojë 64-vjeçari është dëmtuar dhe ka humbur jetën.
Grupi hetimor po punon për sqarimin e rrethanave të ngjarjes.
