Katër persona kanë mbetur të plagosur në një aksident të rëndë rrugor që ndodhi sonte në autostradën Durrës-Tiranë.
Ngjarja ndodhi rreth orës 20:15, në autostradën Durrës-Tiranë, raporton noa.al. Bëhet fjalë për katër persona të plagosur, dy meshkuj dhe dy femra.
Shtetasi M. Ç., 30 vjeç, duke drejtuar automjetin ka humbur kontrollin mbi drejtimin e automjetit dhe për pasojë është përplasur me një shtyllë në një karburant.
Si pasojë janë dëmtuar drejtuesi i automjetit shtetasi M. Ç dhe pasagjerët shtetasit K. G, N. V. dhe E. V, të cilët ndodhen nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit. /noa.al
