Një 48-vjeçar është arrestuar nga policia, pasi mbrëmjen e së premtes ka përplasur me makinë një 37-vjeçare në unazën e qytetit në Elbasan. 37-vjeçarja ndodhet aktualisht nën kujdesin e mjekëve në spital.
“Specialistët e Sektorit të Qarkullimit Rrugor të DVP Elbasan arrestuan në flagrancë shtetasin 48 vjeç, banues në Korçë, pasi mbrëmjen e djeshme, në unazën e qytetit Elbasan, me automjetin tip “Seat” që drejtonte, ka përplasur këmbësoren, shtetasin 37 vjeçe, e cila është në kujdesin e mjekëve“,
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
