Megjithatë, votuesit në Estoni do të shkojnë në qendrat e votimit tre ditë më parë. Votimi elektronik ka nisur sot të hënën në orën 09:00 dhe prej mesditës procesi ka nisur edhe personalisht.
Fillimi i votimit nuk ka qenë pa probleme, pasi disa kanë “bllokuar” aplikacionin elektronik elektoral. Po hetohen shkaqet e problemit teknik, siç bëjnë të ditur zyrtarët zgjedhorë. Procesi zgjedhor dhe regjistrimi i votave ka funksionuar normalisht, thanë ata.
Sipas transmetuesit publik të Estonisë, 5000 njerëz kishin votuar online rreth orës 11:30. Estonia do të përfaqësohet me shtatë anëtarë, nga 720, në Parlamentin e ardhshëm Europian.
Partia konservatore Atdheu, e ish-ministrit të jashtëm Urmas Reynsalu ka udhëhequr sondazhet për gjashtë muajt e fundit, duke kundërshtuar masat e gjelbra dhe duke kërkuar mbikëqyrje më të madhe të ndërtimit të një rrjeti hekurudhor që lidh Baltikun me Poloninë.
