Sekretariati i Etikës ka vendosur të përjashtojë deputetin demokrati, Flamur Noka për 10 ditë nga seancat plenare në Kuvend.
PS kërkoi më herët masë disiplinore ndaj tij dhe katër deputetëve të tjerë, Gazment Bardhi, Ervin Salianji, Luan Baçi dhe Edi Paloka.
Në seancën e 6 qershorit opozita bllokoi disa herë foltoren e Kuvendit, pasi kryetarja e Kuvendit, Lindita Nikolla rrëzoi kërkesën e Gazment Bardhit për mocion lidhur me investigimin e Rai3 dhe mospranimin e kërkesës për të futur liderin e opozitës, Sali Berishën në Grupin e PD-së.
