Një 32-vjeçar shqiptar ka rënë në prangat e policisë italiane për vjedhje në zonën e ‘Pino Torinese’. Sipas mediave italiane mësohet se gjatë aksionit të karabinierëve, shqiptari tentoi të arratisej dhe të godiste një nga efektivët, i cili mori disa dëmtime në pjesën e gjymtyrëve.
Ndërkohë, bashëpunëtorët e shqiptarit arritën të largoheshin nga vendi. Policia tha se i arrestuari ka qenë së bashku me të paktën 3 persona të tjerë, që mundën të iknin në këmbë dhe të humbisnin gjurmët gjatë ndjekjes nëpër shkurret e zonës.
Gjatë operacionit, në bordin e makinës u gjetën mjete për vjedhje dhe sende të çmuara, sende të vjedhura nga një grabitje e fundit. Karabinierit po vijojnë me kërkimet edhe në ditët në vijim.
